দ্বি’লম্বর বিররণ 3:5 - Chakma Bible

⁵ এ বেক্‌ শঅরানি অজল্ অজল্ দেবাল্লোই ঘিজ্যে এলঅ আর সিয়েনত্‌ এলদে গেট্‌ আর গেদোর লাগাড়া। ভালোক্কানি দেবাল বাদে আদামঅ সিয়েনত্‌ এলঅ।

দ্বি’লম্বর বিররণ 3:5 Iomraidhean Croise

নহিমিয় 9:25

তারা দেবাল্‌-ঘিজ্যে ভালোক্কানি শঅর্‌ আর বোল্‌বোল্যে ভূই গজক্‌ গোজ্যন্‌; তারা নানান্‌ বাবোত্যে গম্‌ গম্‌ জিনিজ্‌সোই ভোজ্যে ঘর্‌ আর আগেন্দি কুড়ো ওইয়্যে এধোক্কেন্‌ কূয়ো, আংগুর ক্ষেত্‌, জলপাইয়োর্‌ বাগান আর বোউত্‌ গুলোগুলি গাজ্‌ গজক্‌ গোজ্যন্‌। তারা হেইনে পেট্‌ ভুরিনে পক্তা-মোক্তা ওইয়োন্‌ আর তর্‌ দিয়্যে বোউত্‌ ভালেদি ভোগ গোজ্যন।

ইষ্টের 9:19

ইয়েনত্যেই আদামর্‌ যিহূদীগুনে, অত্তাৎ যিগুনে দেবাল নেইয়্যে জাগাত্‌ বজত্তি গরন্‌ তারা অদর মাজর্‌ চৌদ্দ দিনোর দিন্নোরে হুজির আর মেইট্‌বানর দিন আর একজন আরেকজনরে হানা পাদেবার দিন ইজেবে পালান্‌।

গণাণা 13:28

মাত্তর্‌ যিগুনে সেই জাগানত্‌ বজত্তি গত্তন্‌ তারার্‌ কিয়্যেত্‌ বল্‌ বেশ্‌ আর তারার শঅরানিয়ো অমহদ দাঙর্‌ দাঙর্‌ আর দেবাল্‌লোই ঘিজ্যে। অনাকর বংশর মানুচ্চুনোরেয়ো আমি সিয়েনত্‌ দেক্ক্যেই।

দ্বি’লম্বর বিররণ 1:28

আমি কেধোক্ক্যেনগুরি সিদু যেবং? আমা ভেইয়ুনে আমা মনানি ভাঙি দুয়োন। তারা কদন্দে, সিদুগোর্‌ মানুচ্চুনে তারাত্তুন্‌ বেশ্‌ বোলী আর লাম্বা; তারার্‌ শঅরানিয়ো দাঙর্‌ দাঙর্‌ আর তারার্‌ চেরোকিত্তে রোইয়্যেদে আগাজত্‌-দুস্যে দেবাল্‌। সিয়েনত্‌ তারা অনাকীয়গুনোরেয়ো দেখ্যন।

দ্বি’লম্বর বিররণ 3:4

সে অক্তত্ আমি তার্‌ বেক্‌ আদামানি আর শঅরানি গজক্ গুরি নেযেয়্যেই। তার্‌ ষায়েট্টান শঅর বেক্কানি আমি গজক্ গুরি নেযেয়্যেই; এক্কান বাদ ন রাগেই। গোদা অর্গোব চাগালাগান, অত্তাৎ বাশন ভিদিরে ওগর গোদা রেজ্যগান আমি গজক্ গুরি নেযেয়্যেই।

দ্বি’লম্বর বিররণ 3:6

আমি সেই বেক্‌ আদাম আর শঅরানি এক্কুবারে শেজ্‌ গুরি দিয়্যেই। হিষ্‌বোনর রাজা সীহোন উগুরে আমি যেধোক্ক্যেন গোজ্যেই সেধোক্ক্যেন গুরি তারার্‌ মরদ, মিলে আর ঝি-পূঅ আর পত্তি আদাম আর শঅরানি আমি এক্কুবারে শেজ্‌ গুরি দিয়্যেই।

ইব্রীয় 11:30

বিশ্বেজ্ গুরিনে ইস্রায়েলীয়গুনে সাত দিন ধুরিনে যিরীহো শঅরর্ দেবাল চেরোকিত্যেদি ঘুরোনার পরেদি সিয়েন পড়ি গেলঅ।

১ শমূয়েল 6:18

সেই পাচজন শাজন্‌গুরিয়্যেগুনোর অধীনোত্‌ পলেষ্টীয়গুনোর পাচ্ছান দেবাল্লোই-ঘিজ্যে শঅর্‌ আর সিয়েনির লগে দেবাল-নেইয়্যে আদামানির পক্ষত্তুন পলেষ্টীয়গুনে সনার উন্দুর পাদেয়োন। পলেষ্টীয়গুনোর চাগালাগান্‌ এলঅ বৈৎ-শেমশত্‌ যিহোশূয়র ক্ষেদ ভিদিরে দাঙর্‌ পাত্তর্‌বো সং, যিবে উগুরে তারা লগেপ্রভুর সুন্দুক্কো লামেই রাগেয়োন। সিবে এজঅ সিদু আঘে।