দ্বি’লম্বর বিররণ 3:3 - Chakma Bible

³ এধোক্ক্যেনগুরি আমার গোজেন লগেপ্রভু বাশনর রাজাবো ওগ আর তার্‌ বেক্‌ সৈন্যগুনোরে আমা আদত্‌ দি দিলো। আমি তারার্‌ বেক্কুনোরে মারে ফেলেয়্যেই; কাররে বাঁজেই ন-রাগেই।

দ্বি’লম্বর বিররণ 3:3 Iomraidhean Croise

গীতসংহিতা 136:20

তে বাশন রাজা ওগরে মারে ফেলেয়্যে; - তার কোচ্‌পানাগান উমরত্তে থিদেবর্ গোজ্যে-

গণাণা 21:35

সেক্কে তারা ওগরে আর তার্‌ পূঅগুনোরে আর তার বেক্‌ সৈন্য-সামন্তগুনোরে মারে ফেলেলাক্‌। বেগ শেজত্‌ তার্‌ আর কনজনে বাঁজি ন-থেলাক্। তারা তার্‌ দেজ্‌ছানঅ গজক্ গুরি নিলাক।

দ্বি’লম্বর বিররণ 29:6

পিদে, আংগুরো-রস বা অন্য কনঅ মদ তুমি হেই ন-পঅ। লগেপ্রভুই সিয়েনি গোজ্যে যেনে তুমি বুঝি পার দে, তেয়ই তমার গোজেন লগেপ্রভু।

দ্বি’লম্বর বিররণ 3:2

সেক্কে লগেপ্রভু মরে কলঅ, তুই তারে ন-দোরেচ্‌, কিত্যে তারে আর তার্‌ দেজ্‌ছান আহ্‌ সৈন্যগুন মুই তমা আদত্‌ তুলি দুয়োং। তুই হিষ্‌বোনত্‌ বজত্তি গুরিয়্যে ইমোরীয়গুনোর্‌ রাজা সীহোনর্‌ অবস্থা যিয়েন্‌ গোজ্যচ্‌ ইবের্‌ অবস্থায়ো সেধোক্ক্যেন গুরিবে।

দ্বি’লম্বর বিররণ 3:4

সে অক্তত্ আমি তার্‌ বেক্‌ আদামানি আর শঅরানি গজক্ গুরি নেযেয়্যেই। তার্‌ ষায়েট্টান শঅর বেক্কানি আমি গজক্ গুরি নেযেয়্যেই; এক্কান বাদ ন রাগেই। গোদা অর্গোব চাগালাগান, অত্তাৎ বাশন ভিদিরে ওগর গোদা রেজ্যগান আমি গজক্ গুরি নেযেয়্যেই।

দ্বি’লম্বর বিররণ 4:47

তারা সীহোনর্‌ আর বাশনর রাজা ওগর দেজ্‌ছান কারি নেযেয়োন। এ দ্বিবে ইমোরীয় রাজার্‌ রেজ্যগানি দ্বিয়ান্‌ এলদে যর্দনর্‌ পূগেন্দি।

যিহোশূয় 13:12

ইয়েন এলদে বাশনর রাজা ওগর রেজ্য। তে অষ্টারোৎ আর ইদ্রিয়তত্তুন্‌ রাজাগিরি গুরিদো। রফায়ীয়গুনো ভিদিরে সেক্কেয়ো যিগুনে বাঁজি এলাক্‌ তে এলদে তারা ভিদিরে একজন। মোশি তারারে ওদেই দিইনে তারার্‌ দেজ্‌চান্‌ গজক্ গুরি নিলো।