দ্বি’লম্বর বিররণ 26:8 - Chakma Bible

⁸ সেনত্যে তে তার দরমড় আর বোলী আঢ্‌‌তান্ বাবেইনে দর্‌ জাগাইদে কাম্‌ আর আমক্‌ অইদে চিহ্নো আর আমক কাম্‌ দেগেইনে মিসর দেজত্তুন আমারে নিগিলেই আনিলো।

দ্বি’লম্বর বিররণ 26:8 Iomraidhean Croise

যাত্রা 12:37

সে পরেদি ইস্রায়েলীয়গুনে রামিষেষত্তুন্‌ সুক্কোত ইন্দি যাহ্ ধুরিলাক্‌। প্রায় ছয়লাখ্ মরদপুয়ো আঢি আঢি গেলাক্‌। তারা সমারে মিলেমানুচ্‌ আর গুরো-গারায়ো এলাক্‌।

যাত্রা 12:41

চেরশঅ ত্রিশ বজর্‌ শেজ অবার দিন্নোত্‌ লগেপ্রভুর বেক্‌ মানেইয়ুন সৈন্যদল ধোক্ক্যেন গুরি মিসর্‌ দেজ্‌চান ফেলেইনে নিগিলি এচ্ছোন্।

যাত্রা 12:51

লগেপ্রভু সেদিন্যেই সৈন্যদল ধোক্ক্যেন গুরি ইস্রায়েলীয়গুনোরে মিসর দেজত্তুন্‌ নিগিলেই আনিলো।

যাত্রা 13:3

সেক্কে মোশি মানেইয়ুনোরে কলঅ‌, এই দিন্নোর্‌ কধা মনত্‌ রাগেবাত্যেই তুমি দিন্নো পালেবা, কিত্তে এদিন্ন্যে তুমি মিসরর্‌ চাগর্ খাদানাত্তুন্‌ নিগিলি এচ্ছো। লগেপ্রভু তাঁর খেমতা দেগেইনে সেই দেজত্তুন্‌ তমারে নিগিলেই আন্যে। এই দিনোত্‌ তুমি সদা মিজেয়্যে কনকিজু ন-হেবা।

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যিশাইয় 63:12

যিবে মোশিরে সাহায্য গুরিবাত্তে তার বাঈনী গুরিবার খেমতাবলা মানুচ্চোরে দিয়্যে, যিবে নিজোর সুনাঙান্ উমরর্ গুরিবাত্তে তারা মুজুঙোত্ পানিগানরে দ্বিভাগ গোজ্যে,

যিরমিয় 32:21

তুই চিহ্নো আর আমক্ আমক্ কাম দেগেইনে আর দরমর আহ্ খেমতাবলা আঢ্‌তানি বাবেইনে অমকদ দর্‌‌‌গরেপারা গুরি তঅ মানুচ্ ইস্রায়েলরে সিয়োত্তুন নিগিলেই আন্যচ্।

দ্বি’লম্বর বিররণ 34:11

লগেপ্রভু মোশিরে মিসর দেজত্‌ ফরৌণ আর তার কামগুরিয়্যে আর তার গোদা দেজ উগুরে যে বেক আমক্‌ অবার্‌ চিহ্নোগানি আর কাম গুরিবাত্তে পাধেই দিয়্যে সেধোক্ক্যেন কাম্‌ আর কনজনে ন-গরন্‌।

দ্বি’লম্বর বিররণ 34:12

বেক্‌ ইস্রায়েলীয়গুনোর চোগো মুজুঙোত্‌ মোশি যে দাঙর বলান্‌ দেগেইয়্যে বা যেদক্কানি দর্‌গরে পারা কাম গোজ্যে সিয়েনি আর কনঅ জনে কনঅ দিনঅ ন-গরন্‌।

দ্বি’লম্বর বিররণ 4:34

তুমি তোগেই চঅ, তমা গোজেন লগেপ্রভু তমা চোগো মুজুঙোত্‌ মিসর দেজত্‌ তমাত্যে যিয়েনি গোজ্য কনঅ দেবেদা কনদিনঅ সেধোক্ক্যেনগুরি পোরোক্কেগুরিনে, আমক্‌ অবার্‌ কাম্‌ আর চিহ্নোলোই, যুদ্ধোলোই, দরমর আর বোলী আত্তোই আর দাঙর্‌ আর দর্‌ লাগাইদে কাম্মোই কনঅ জাদরে অন্য জাদ ভিদিরেত্তুন্‌ নিজোত্তে নিগিলেই আন্যন্‌ নাহি।

দ্বি’লম্বর বিররণ 5:15

মনত্‌ রাগেয়ো, তুমিয়ো মিসর দেজত্‌ চাগর্‌ এলা আর তমা গোজেন লগেপ্রভু তার্‌ দরমর আর বোলী আত্তান বাবেইনে সিয়েনত্তুন্‌ তমারে নিগিলেই আন্যে। সেনত্তে তে জিরেবার্‌ দিন্নোরে পালন গুরিবাত্তে তমারে উগুম দিয়্যে।