দ্বি’লম্বর বিররণ 26:3 - Chakma Bible

³ সেক্কে যে ধর্মগুরুবো থেবঅ তুমি বেক্কুনে তারে কবাদে, তর্‌ গোজেন লগেপ্রভু ইদু এচ্চ্যে মুই স্বীগের গরঙর্‌, তে যে দেজ্‌ছান আমারে দিবো বিলিনে আমার পুরোণি মানুচ্চুনো ইদু শমত খেইয়্যে সেই দেজ্‌ছানত্‌ মুই এই যেইয়োং।

দ্বি’লম্বর বিররণ 26:3 Iomraidhean Croise

পত্থম 17:8

যে কনান দেজত্‌ তুই ইক্কিনে বিদেশী ওইনে বজত্তি গরর্‌ তার বেক্কানি উমরর্‌ সোম্বোত্তি ইজেবে মুই তরে আর তঅ বংশবোরে দিলুং। মুই তারার বেক্কুনোর্‌ গোজেন ওলুং।”

পত্থম 26:3

ইক্কিনে এ দেজত্‌ তুই কয়েক দিনোত্তে বজত্তি গুরিবে। মুই নিজে তঅ সমারে থেইনে তরে বর্ দিম। এ দেজ্‌ছানি মুই তরে আর তঅ বংশর্‌ মানুচ্চুনোরে দিম্‌। ইয়েন বাদে মুই তঅ বাব্‌ অব্রাহাম ইধু যে শমত্তান্‌ গোজ্যং সিয়েনঅ অদে অদে রাগেম্‌।

দ্বি’লম্বর বিররণ 1:8

চঅ‌, মুই সেই জাগায়ানি তমারে দি ফেল্যং। মুই লগেপ্রভু তমার্‌ পুরোণিমানুচ্‌ অব্রাহাম, ইসহাক, যাকোব আর তারার্‌ পরেন্দি তারার্‌ বংশধরুনোরে যে দেজ্‌ছান দিবাত্তে শমক্‌ খেইয়োং তুমি সিয়েনত্‌ যেইনে সেই দেজ্‌ছান গজক্ গরঅ।

দ্বি’লম্বর বিররণ 19:17

মাত্তর্‌ সে পৌইদ্যেনে জোড়িত সে দ্বিজনরে সিদুগোর্ ধর্মগুরু আর বিচেরক্কুনো ইদু যেইনে লগেপ্রভুর মুজুঙোত্‌ থিয়্যে পুরিবো।

দ্বি’লম্বর বিররণ 26:2

সেক্কে তমার গোজেন লগেপ্রভুর দিয়্যে সেই দেজর্‌ ভুইয়োত্‌ তুমি যেদক্কানি ফসল ফোলেবা তার্‌ পত্তমে তুল্যে কিজু ফসল লেইয়োত্‌ রাগেবা। তমার গোজেন লগেপ্রভু নিজোরে ফগদাং গুরিবাত্তে যে জাগাগান তার থেবারজাগা ইজেবে বেঈ নেযেব সে ফসলানি তুমি সিয়েনত নেযেবা।

দ্বি’লম্বর বিররণ 26:4

সেক্কে ধর্মগুরুবো তমার আদত্তুন সেই বেক্‌ লেইয়ুন নেযেইনে তমার গোজেন লগেপ্রভুর ডালিপূজোবো মুজুঙোত্‌ রাগেবা।

ইব্রীয় 10:21

ইয়েন বাদে আমার এক্কো দাঙর্ ধর্মগুরুয়ো আঘে, যিবে উগুরে গোজেন ঘোর্‌বোগুনোরে ভারান্ দিয়্যে ওইয়্যে।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

ইব্রীয় 7:26

এবাবোত্যে এক্কো পবিত্র, দুষ্-নেইয়্যে আর খাটি ধর্মগুরু আমার দরকার এলঅ। তে পাপী মান্‌জ্যত্তুন্ জুদো আর গোজেনে তারে আগাজত্তুন্‌অ উগুরে তুল্ল্যে।