দ্বি’লম্বর বিররণ 10:4 - Chakma Bible

⁴ লগেপ্রভু পত্তম দ্বিবে সীলপাদ উগুরে যে কধানি লেখ্যে এ দ্বিবে উগুরেয়ো সিয়েনি লিগিনে দ্বিবে সীলপাদ্ মরে দিলো। সে কধাগানি অলঅ তার্‌ সেই দশ্‌ছান উগুম্‌ যিয়েনি তে তমার বেক্কুনোরে একসমারে এগত্তর্‌ অবার্‌ দিন্নোত্‌ মুড়োবো উগুরে আগুনো ভিদিরেত্তুন্‌ তমা ইদু ফগদাং গোজ্যং।

দ্বি’লম্বর বিররণ 10:4 Iomraidhean Croise

যাত্রা 31:18

সিনাই মুড়োবো উগুরে মোশি ইদু এই বেক্‌ কধানি কনা থুম্‌ গুরিনে লগেপ্রভু তারে দ্বিবে সাক্ষ্য-ফলক্‌ দিলো। এ দ্বিবে পাত্তর আরুগ্ উগুরে গোজেনে নিজেই তার্‌ উগুমানি লেখ্যে।

যাত্রা 34:1

ইয়েন পরেদি লগেপ্রভু মোশিরে কলঅ‌, “তুই পত্তম্‌ পাত্তর-ফলক্কো ধোক্ক্যেন আরঅ‌ দ্বিবে পাত্তর আরুগ্ বানেই নেযা। তর্‌ ভাঙি ফেলেয়্যে আরুগ্ দ্বিবে উগুরে যে কধানি লেগা এলঅ‌ সিয়েনি মুই আরঅ‌ এই নূয়ো আরুগ্ দ্বিবে উগুরে লিগি দিম্‌।

যাত্রা 34:28

সিনাই মুড়োবো উগুরে মোশি লগেপ্রভু ইদু চল্লিশ দিন আর চল্লিশ রেত্‌ এলঅ‌। এই সময়ো ভিদিরে তে কনঅ পিদে বা পানি ন-খায়। লগেপ্রভু সেই পাত্তরর্‌ আরুগ্ দ্বিবে উগুরে তার্‌ সুদোমর্‌ কধানি আরঅ‌ লিগি দিলো, আর সিয়েনিই অলঅ‌ সেই দশ্‌ছান্‌ উগুম্‌।

দ্বি’লম্বর বিররণ 18:16

হোরেব মুড়েবো ইদু যেদিন্যে তুমি বেক্কুনে লগেপ্রভুর মুজুঙোত্‌ এগত্তর ওইয়ো সেদিন্যে তুমি তমার গোজেন লগেপ্রভু ইদু সিয়েনোই চেইয়ো। তুমি কোইয়োদে, আর আমি আমার গোজেন লগেপ্রভুর কধানি শুনিবাত্তে বা এই দাঙর্‌ আগুনান দেগিবাত্তে ন চেই; সালে আমি মারা পুড়িবোং।

দ্বি’লম্বর বিররণ 9:10

লগেপ্রভুর নিজোর্‌ লেগা রোইয়্যে এন্‌ দ্বিবে পাত্তরর্‌ আরুগ লগেপ্রভু মরে দিয়্যে। তুমি বেক্কুনে যেদিন্যে লগেপ্রভুর মুজুঙোত্‌ এগত্তর্‌ ওইয়ো সেদিন্যে তে মুড়ো উগুরে আগুনো ভিদিরেত্তুন্‌ যেদক্কানি উগুম তমা ইদু ফগদাং গোজ্যে সিয়েনি সেই আরুগ্ দ্বিবে উগুরে লেগা এলঅ।