দ্বি’লম্বর বিররণ 10:2 - Chakma Bible

² আগর্‌ যে আরুগ্ দ্বিবে তুই ভাঙি ফেলেয়োচ্‌ সিবে উগুরে যে কধানি লেগা এলঅ মুই সিয়েনি এ আরুগ্ দ্বিবে উগুরে লিগি দিম্‌। সে পরেন্দি তুই সে দ্বিবে লোইনে সুন্দুক্কো ভিদিরে রাগেবে।

দ্বি’লম্বর বিররণ 10:2 Iomraidhean Croise

১ রাজাবলী 8:9

ইস্রায়েলীয়গুনে মিসর দেজত্তুন্‌ নিগিলি এজানার পরেন্দি লগেপ্রভু হোরেব মুড়োবোত্‌ তারাত্তে যেক্কে সুদোম থিদেবর্ গুরি দিলো সেক্কে মোশি সুন্দুগো ভিদিরে যে পাত্তর আরুগ্ দ্বিবে রাগেয়্যে সে দ্বিবে বাদে আর কিচ্ছু সিবে ভিদিরে ন-এলাক্।

২ বংশধর 5:10

ইস্রায়েলীয়গুনে মিসর দেজত্তুন্‌ নিগিলি এজানার পরেন্দি লগেপ্রভু হোরেব মুড়োবোত্‌ তারাত্তে যেক্কে সুদোমানি থিদেবর্ গুরিলো সেক্কে মোশি যে পাত্তর ফলক্‌ দ্বিবে সুন্দুগো ভিদিরে রাগেয়্যে সে দ্বিবে বাদে আর কিচ্ছু সিবে ভিদিরে ন-এলঅ।

যাত্রা 32:19

সে পরেদি মোশি তাম্বুলোর্‌ কায়-কুরে যেইনে সেই গোরু ছবো আর মানুচ্চুনোরে নাজদে দেগিলো। সিয়েন্‌ দেগিনে তে রাগে জুলি উদিলো আর আদত্‌ গুরি আন্যে পাত্তর-ফলক্কুন দ্বিবে ফেলেই দিলো। সেক্কে সেই দ্বিবে পাত্তর-আরুগ্ মুড়োবোত্‌ তলে পরিনে কট্টা কট্টা ওইনে ভাঙি গেলাক্।

যাত্রা 34:1

ইয়েন পরেদি লগেপ্রভু মোশিরে কলঅ‌, “তুই পত্তম্‌ পাত্তর-ফলক্কো ধোক্ক্যেন আরঅ‌ দ্বিবে পাত্তর আরুগ্ বানেই নেযা। তর্‌ ভাঙি ফেলেয়্যে আরুগ্ দ্বিবে উগুরে যে কধানি লেগা এলঅ‌ সিয়েনি মুই আরঅ‌ এই নূয়ো আরুগ্ দ্বিবে উগুরে লিগি দিম্‌।

যাত্রা 40:20

সে পরেদি মোশি সাক্ষ্য-আরুগ্ দ্বিবে নেযেইনে সুন্দুগো ভিদিরে রাগেল আর সুন্দুক্কোত্‌ দিয়্যে লুদিক্কুন্ লাগেল আর সিবে উগুরে রাগেল তার্‌ ঢাগনিগান।

দ্বি’লম্বর বিররণ 10:5

সে পরেন্দি লগেপ্রভুর উগুম মজিম্‌ মুই মুড়োবোত্তুন্‌ তলেন্দি লামি এইনে মর্‌ বানেয়্যে সে সুন্দুক্কো ভিদিরে আরুগ্ দ্বিবে রাগেলুুং। সিগুন্‌ এজঅ সিয়েনত্‌ আগন্‌।”

দ্বি’লম্বর বিররণ 4:13

তে তমা ইদু তার্‌ সুদোম, অত্তাৎ তার্‌ দশছান উগুম ফগদাং গোজ্যে। তে সেই দশছান উগুম্‌ তমারে মানিনে চলিবাত্তে কোইয়্যে আর সিয়েনি দ্বিবে পাত্তরর্‌ আরুগ্ উগুরে লিগি দিয়্যে।

ইব্রীয় 9:4

এ ভাগ্‌কানত্ আগর্‌বাট্টি জ্বালেবাত্যে সনার্ ডালিপূজো আর সাক্ষ্য সুন্দুক এলঅ। সিবের্ চেরোকিত্যেদি সনালোই বেড়েয়্যে এলঅ। সিবে ভিদিরে এলঅ সনার্ পিলেত্ থোইয়্যে মান্না, হারোণর যে লুদিক্কোত্ ফুল ফুট্যে সেই লুদিক্কো, আর বেবস্থা-লেগা দ্বিয়েন পাত্তর আরুগ্।