দ্বি’লম্বর বিররণ 1:21 - Chakma Bible

²¹ চঅ‌, তমার গোজেন লগেপ্রভুর দিয়্যে পুরো দেজ্‌ছানই তমা মুজুঙোত্‌ আঘে। তমার পুরোণি মানুচ্চুনোর গোজেন লগেপ্রভুর কধা মজিম্‌ তুমি যেইনে দেজ্‌ছান গজক্ গরঅ। তুমি ন দোরেয়ো, নিরাশঅ ন ওইয়ো।

দ্বি’লম্বর বিররণ 1:21 Iomraidhean Croise

নহিমিয় 9:15

পেট্‌পরা বুগ্‌মারেবাত্তে তুই স্বর্গত্তুন্‌ তারারে হানা দুয়োচ্‌ আর পানিতিরেজ্ মারেবাত্তে পাত্তরত্তুন্‌ পানি নিগিলেই দুয়োজ্‌। যে দেজ্‌ছান দিবাত্তে তুই শমক্‌ খেইয়োজ্‌ সিদু যেইনে সিয়েন্‌ অধিকার্‌ গুরিবাত্তে তুই তারারে উগুম্‌ দুয়োজ্‌।

গীতসংহিতা 46:1

গোজেনে আমার আশ্রয়র জাগা আর বল্; দযাত্ এযাল্ দিবাত্তে তে যুক্কোল থায়।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

গণাণা 13:30

সেক্কে মোশি মুজুঙোত্‌ যিদুক্কুন্‌ মানুচ্‌ এলাক্‌ কালেবে তারারে কোল্‌-কোজ্যে থামেইনে কলঅ, “সিদু যেইনে দেজ্‌চান্‌ আমার্‌ গজক্ গুরি নেযানা উজিত। আমি সিয়েন্‌ হামাক্কায়্‌ গুরি পারিবোং।”

লূকে লেখ্যে গম্ হবর্ 12:32

ও মর্ ভেড়া ছাগল চিগোন্ পাল্লো, ন-দোরেয়ো, কিয়া তমা বাপ্পোর্ আওজ্‌‌‌চান ইয়েন, তা রেজ্যগান্ তে তমারে দিবো।

দ্বি’লম্বর বিররণ 1:20

সে পরেন্দি মুই তমারে কলুং, তুমি ইমোরীয়গুনোর্‌ মুড়ো-মুড়ি চাগালাত্‌ এচ্ছো; ইয়েন্‌ আমা গোজেন লগেপ্রভু আমারে দিবাত্তে যার্‌।

দ্বি’লম্বর বিররণ 20:1

যুদ্ধো গুরিবাত্তে যেইনে শত্রুগুনোর্ পক্ষে তমাত্তুন্‌ ঘোড়া, রথ আর সৈন্যদল বেশ্ দেগিনে তুমি ন দোরেবা, কিত্যে তমার গোজেন লগেপ্রভু, যিবে মিসর দেজত্তুন তমারে নিগিলেই আন্যে তে তমা সমারে থেবঅ।

দ্বি’লম্বর বিররণ 31:6

তুমি দরঅ মরঅ অ আর মনত্‌ বুক্‌ বানঅ। তারারে দেগিনে তুমি ন-দোরেয়ো বা গির্‌ ন গিরেবা, কিত্যে তমার গোজেন লগেপ্রভু তমার লগে লগে যেবঅ। তে কনদিনঅ তমারে ছাড়িনে ন-যেবঅ বা বাদ ন-দিবো।”

দ্বি’লম্বর বিররণ 7:18

মাত্তর্‌ তুমি তারারে ন-দোরেয়ো। ফরৌণ আর গোদা মিসর্‌ দেজ উগুরে তমা গোজেন লগেপ্রভু কি গোজ্যে সিয়েনি পুরি ন ফেলেইয়ো।

দ্বি’লম্বর বিররণ 7:21

তুমি তারারে ন-দোরেয়ো, কিত্যে তমা গোজেন লগেপ্রভু যিবে তমা ভিদিরে আঘে, তে দাঙর্‌ আর ভোক্তিলোই ভোজ্যে দর্‌ জাগেয়্যে গোজেন।

দ্বি’লম্বর বিররণ 9:23

লগেপ্রভু কাদেশ-বর্ণেয়ত্তুন তমারে রওনা গুরিবার্‌ অক্তত্‌ কোইয়্যেদে, যে দেজ্‌ছান মুই তমারে দুয়োং তুমি যেইনে সিয়েন গজক্ গরঅ। মাত্তর্‌ তুমি তমার গোজেন লগেপ্রভুর উগুমোর্‌ বিরুদ্ধে উল্লোমী গুরিলে। তুমি তারে বিশ্বেজঅ ন-গরঅ, তার্‌ কধালোই কানঅ ন-পাদঅ।

ইব্রীয় 13:6

ইয়েনত্যে আমি সাহচ্‌ গুরিনে কোই পারিই, প্রভু মর্ এজাল্‌‌দিয়্যে, মুই ন-দোরেম; মান্‌জ্যে মরে কি গুরি পারন্?

যিহোশূয় 1:6

“তুই বলী অ, মনত্‌ বল্‌ বান্‌, কিত্তেই যে দেজ্‌চান দিবার্‌ কধা মুই এ মানুচ্চুনোর পূরোণি মানুচ্চুনো ইদু শমক্‌ খেইনে কোইয়োং, সে দেজ্‌চান এ মানুচ্চুনোর অধিকার ইজেবপান্ তত্তুনোই ভাগ গুরি দিয়্যে পুরিবো।

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”