দানিয়েল 9:9 - Chakma Bible

⁹ আমা প্রভু গোজেন দোয়্যেলু আর খেমাবলা, যুনিয়ো আমি তঅ বিরুদ্ধে উল্লোমী গোজ্যেই।

দানিয়েল 9:9 Iomraidhean Croise

২ শমূয়েল 24:14

সেক্কে দায়ূদে গাদরে কলঅ, “মুই অমকদ দজাত্ পোজ্যং। মুই যেনে মান্‌জ্যর্ আঢত্‌ ন-পড়ং; তাত্তুন্‌ বরং এজঅ, আমি লগেপ্রভুর আঢত্‌ পুড়িই, কিত্যে তার দোয়্যে থুম্ ন-ওইয়্যে।”

১ রাজাবলী 8:30

এ জাগান ইন্দি ফিরিনে তর্‌ চাগর্‌ আর তঅ মানুচ্‌ ইস্রায়েলীয়গুনে যেক্কে কোজোলি গুরিবাক্‌ সেক্কে সিয়েনত্‌ তুই কান পাদিচ্‌। তর্‌ থেবারঘর স্বর্গত্তুন্‌ সিয়েনি তুই শুনোচ্‌ আর তারারে ক্ষেমা গুরিচ্‌।

নহিমিয় 9:31

মাত্তর্‌ তর্‌ অমকদ দোয়্যের্‌ কারনে তুই তারারে শেজ্‌ গুরি ন-দুয়োচ্‌ বা ছাড়ি ন-যাজ্‌, কিত্যে তুই দোয়্যে-মেয়্যেবলা গোজেন্‌।

গীতসংহিতা 130:4

মাত্তর্ তইদু খেমা জিনিস্‌ছান আঘে, যেন মান্‌জ্যে তরে ভোক্তি গরন্।

গীতসংহিতা 130:7

ও ইস্রায়েল, লগেপ্রভু উগুরে আজা রাগা, কিত্তে লগেপ্রভু ইদু অমকদ কোচ্‌পানাগান আঘে, আর তাত্তুন্ উদ্ধোর্ গুরিবার বোউত্ খেমতা আঘে।

গীতসংহিতা 62:12

ও প্রভু, তইদু অমকদ কোচ্‌পানা আঘে; তুই পত্তিজনরে তার কাম মজিম্ ফল দি থাচ্।

গীতসংহিতা 86:15

মাত্তর্ ও প্রভু, তুই মেয়্যেলোই ভরা দোয়্যেলু গোজেন; তুই এনেবাদে বেজার্ ন-ওজ্, তর্ অমকদ কোচ্‌পানা আর বিশ্বেজর শেজ্ নেই।

গীতসংহিতা 86:5

ও প্রভু, তুই মংগলময় আর খেমাগুরিয়্যে; যিগুনে তরে ডাগন্ তারা উগুরে তুই কোচ্‌পানালোই ভরা।

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিশাইয় 63:7

মুই লগেপ্রভুর্ অমকদ কোচ্‌‌‍পানার কধা কোম্ আর তার বেক্ কামানিত্তে তারে নাঙ্ গিনিম। তার মেয়্যে আর তার অমকদ কোচ্‌পানার কারনে তে ইস্রায়েল জাদত্তে বোউত্ ভালেদির কাম গোজ্যে বিলিনে মুই তারে নাঙ্ গিনিম।‌‍‍‍

যিরমিয় 14:7

ও লগেপ্রভু, আমা পাপ্পানিয়ে যুনিয়ো আমা বিরুদ্ধে সাক্ষি দে তো তঅ সুনাঙত্তে কিজু গর্। আমি ভালোক্‌বার ভান্ন্যেই পধেদি যেইয়্যেই; আমি তঅ বিরুদ্ধে পাপ গোজ্যেই।‌‌‍

যিহিষ্কেল 20:13

মাত্তর্ ইস্রায়েলর মানুচ্চুনে ধূল্যেচর-চাগালাত্ মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর মর্ যে রীদি-সুদোমানি পালেইলে মানুচ্ জিংকানি পান সিয়েনি তারা এলাফেলা গুরিলাক্; তারা মর্ দিয়্যে জিরেবার দিনুনোর্ পবিত্রতাগান রোক্ষ্যে ন-গুরিলাক্। সেনত্তে মুই কলুং, মুই তারা উগুরে মঅ রাগ্‌‌‌‌‌কান ঢালি দিইনে ধূল্যেচর-চাগালাত্ তারারে ভস্ত গুরি ফেলেম।

দানিয়েল 9:5

আমি পাপ গোজ্যেই, অন্যেয় গোজ্যেই। আমি ভান্ন্যেই কাম্ গোজ্যেই, উল্লোমি গোজ্যেই। আমি তর্ উগুম আর সুদোম পদত্তুন্ সুরি যেইয়্যেই।

দানিয়েল 9:6

আমা রাজাগুনোর, নেতাগুনোর, পূরোণি মানুচ্চুনোর আর দেজর্ বেক মানুচ্চুনো ইধু তর্ চাগর ভাববাদীগুনে তর্ দিয়্যে যে কধানি কোইয়্যে সিয়েনি আমি ন-শুনিই।

দানিয়েল 9:7

ও প্রভু, তুই ন্যায়বলা, মাত্তর্ এচ্চ্যে সং আমি অগমানে নাঢা যেইয়্যেই। যিহূদার মানুচ্চুনে, যিরূশালেমর আদাম্মেগুনে আর যিদুক্কুন ইস্রায়েলীয়রে তঅ উগুরে অবিশ্বেজর্ কারনে তুই নানান্ দেজত্ ছিদি দুয়োচ্ তারা বেক্কুনে অগমানে নাঢা যেইয়্যে আঘন্।

দানিয়েল 9:8

ও লগেপ্রভু, আমা রাজাগুন, নেতাগুন, পুরোণি মানুচ্চুন আর আমি অগমানে পৌল্যেই আঘিই, কিত্যে আমি তঅ বিরুদ্ধে পাপ গোজ্যেই।

যোনা 4:2

তে লগেপ্রভু ইধু তবনা গুরিনে কলঅ, “ও লগেপ্রভু, মুই দেজত্ থাগদে হবর্ পেদুং যে, এবাবোত্যে অবঅ। সেনত্তে দঅ মুই পত্তমে তর্শীশোত্ ধেই যাঙর্। মুই হবর্ পেদুং যে, তুই দোয়্যেবলা আর মেয়্যেলিবলা গোজেন, তুই সহজে বেজার্ ন-অচ্, তর্ অমকদ কোচ্‌পানার দুযি নেই আর সাজা দেনার্ পৌইদ্যেনে মনান্ বুদুলি থাচ্।‌