দানিয়েল 9:25 - Chakma Bible

²⁵ “তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।

দানিয়েল 9:25 Iomraidhean Croise

২ শমূয়েল 15:25

বেক্‌ মানুচ্চুন নিগিলি যানার পরেন্দি রাজা সাদোকরে কলঅ, “গোজেনর সুন্দুক্কো শঅরত্‌ ফিরেই নেযা। লগেপ্রভু যুনি মরে কোচপানার্‌ চোগেন্দি দেগে সালে তে মরে ফিরেই আনিবো আর এ সুন্দুক্কো আর তার থেবার জাগাগান আরঅ মরে চেবাত্তে দিবো।

ইষ্রা 4:24

এবাবোত্যেগুরি যিরূশালেমর্ গোজেনর্ ঘরর্ কামান্ বন্ধ ওই গেলঅ; পারস্যের রাজা দারিয়াবসর রাজাগিরির দ্বিবজর সং সিয়েন বন্ধ থেলঅ।

ইষ্রা 7:1

এই বেক্ ঘটনাগানির পরেদি পারস্যের রাজা অর্তক্ষস্তর রাজাগিরির্ সময়োত্ ইষ্রা বাবিলত্তুন্ এলঅ। ইষ্রা সরায়র পুয়ো, সরায় অসরিয়র পুয়ো, অসরিয় হিল্কিয়র পুয়ো,

ইষ্রা 7:8

গোজেনর্ ভালেদির্ আঢ্ ইষ্রা উগুরে এলঅ বিলিনে তে পত্তম্ মাজর্ পত্তম্ দিনোত্ বাবিলোত্তুন্ যাত্রা গুরিনে পাঁচ মাজর্ পত্তম্ দিনোত্ যিরূশালেমত্ এইনে লুম্মোন্দি।

নহিমিয় 3:1

দাঙর্‌ ধর্মগুরু ইলীয়াশীবে আর তা লগে ধর্মগুরুগুনে কামত্‌ যেইনে মেষ-গেট্টো আরঅ গাদেলাক্‌। তারা সিবে গোজেনর নাঙে উৎসর্ব গুরিনে সিয়েনর্‌ দোরান্‌ লাগেলাক্‌। সে পরেন্দি তারা হম্মেয়া-তাম্বুল আর হননেল-তাম্বুলান সং গাদেইনে দেবালর্‌ সে দ্বিভাগ উৎসর্ব গুরিলো।

নহিমিয় 4:2

তা লগে মানুচ্চুনোর্‌ মুজুঙোত্‌ আর শমরিয়ার সৈন্যদলুনোর্‌ মুজুঙোত্‌ তে কলঅ, “এ বল্‌পোজ্যে যিহূদীগুনে কি গত্তন্‌? তারা কি নিজেই এ কামান গুরিবাক্‌? গোজেনর্‌ বল্‌ পেবাত্তে তারা কি এ্যমান্‌ উৎসর্ব গুরিবাক্‌? এক দিনে কি দেবালান্‌ বানানা থুম্‌ গুরিবা? কট্টা কট্টা ওই পড়ি থেইয়্যে পাত্তরর্‌ কুড়োত্তুন্‌ কি তারা পাত্তরুনোরে দরমর গুরি তুলি পারিবাক্‌? সিগুন্‌ দঅ পুড়ি যেইয়োন।”

নহিমিয় 4:8

তারা বেক্কুনে মিলিনে এ কুজুরোমিগান্‌ গুরিলাক্‌, তারা যেইনে যিরূশালেমর বিরুদ্ধে যুদ্ধো গুরিবাক্‌ আর বেজাল্‌ আরাম্ভ গুরি দিবাক্‌।

নহিমিয় 6:15

ইলূল মাজর্‌ পোজোচ্‌ তারিগোত্‌, বায়ূন্নো দিনোত্‌ দেবালান্‌ তুলোনা থুম্‌ অলঅ।

গীতসংহিতা 71:10

মর্ শত্রুগুনে মঅ বিরুদ্ধে কধা কদন্; যিগুনে মরে মারে ফেলেবাত্তে চান্ তারা বেক্কুনে মিলিনে সল্লা-তেম্মাং গত্তন্।

উপদেশক 3:3

মারে ফেলেবার্ সময় আর গম্ গুরিবার সময়, ভাঙি ফেলেবার্ সময় আর বানেবার্ সময়,

যিশাইয় 55:4

চাহ্, মুই তারে জাদ্‌তুনো ইদু এক্কো সাক্ষী, এক্কো নেতা আর তারার্ সেনাপতি ইজেবে নেযেয়োং। ‍‌‌‍‍‍

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

দানিয়েল 8:11

তে নিজোরে সেই তারাগুনোর নেতার সংসং দাবি গুরিলো। তা নাঙে গোজ্যে পত্তিদিনোর উৎসর্বর অনুষ্ঠান তে বন্ধ গুরি দিলো আর উবোসনা-ঘরান্‌অ অসিজি গরা অলঅ।

দানিয়েল 8:25

তার চালাগিত্তে তে ছলনা গুরিনে সফলতা লাভ গুরিবো আর নিজোরে বেগত্তুন্ দাঙর্ মনে গুরিবো। মান্‌‌জ্যে যেক্কে নিজোরে নিরাপদ মনে গুরিবাক্ সেক্কে তে ভালোক্কুনোরে ভস্ত গুরিবো আর শাজন্‌গুরিয়্যেগুনোর আজল্লো বিরুদ্ধে থিয়্যেব। যেরেদি তে ভস্ত অবঅ, মাত্তর্ মান্‌‌জ্যর বল্লোই নয়।

দানিয়েল 9:23

তুই তবনা আরাম্ভ গত্তে ন-গত্তে গোজেনে সিয়েনর জোব্ দিলো, আর সিয়েন মুই তরে জানেবাত্তে এচ্চ্যং, কিয়া তে তরে অমকদ কোচ্‌পেদঅ। সেনত্তে এ হবরান পৌইদ্যেনে তুই চিদে গুরি চাহ্ আর দর্শনান্ বুঝি লঅ।‌‌‌‌‌

মীখা 5:1

ও সৈন্যদল্লোই ঘিরে হেইয়্যে শঅরান্, তঅ সৈন্যদল্লো সাজা, কিত্যে আমা বিরুদ্ধে এক্কান ঘিরে অর্। শত্রুগুনে ইস্রায়েলর শাজন্‌গুরিয়্যেবোর্ গালত্ লুদিক্কোই আঘাত্ গত্তন্।

মীখা 5:2

লগেপ্রভু কত্তে, “মাত্তর্, ও বৈৎলেহম-ইফ্রাথা, যুনিয়ো তুই যিহূদার আজার আজার আদামানি ভিদিরে চিগোন্, তো তঅ ভিদিরেত্তুন মর্ তপ্পে এমন এক্কো এবঅ যিবে অবঅ ইস্রায়েলর শাজন্‌গুরিয়্যে, যিবের্ আরাম্ভ আগ দিনোত্তুন্ ধুরি, শেজ্ কালত্তুন্ ধুরি।”

মথি লেখ্যে গম্ হবর্ 13:23

গম্ ভূইয়োত্ পোজ্যে বীজিগুনোর্ মাধ্যমে তারা পৌইদ্যেনে কুয়ো ওইয়্যে যিগুনে সে কধানি শুনিনে বুঝোন্ আর ফল দুয়োন্। কনজনে দে একশগুন, কনজনে দে ষায়েট্গুন্ আর কনজনে দে ত্রিশগুণ।”

মথি লেখ্যে গম্ হবর্ 24:15

ভাববাদী দানিয়েল মাধ্যমে যে সর্বনাজ ঘিনাইদ্যে জিনিজোর্ কধা কুয়ো ওইয়্যে সিয়েন্ তুমি পবিত্র জাগাত্ থুয়ো ওইয়্যে দেগিবা। (যে পড়ে তে বুঝোক্।)

মার্ক 13:14

সর্বনাজ ঘিনাইদ্যে জিনিস যিয়েনত্ থানা উচিত নয়, তুমি যেক্কে সিয়েন থাগদে দেগিবা-যে পড়ে তে বুঝোক্-সে অক্তত্ যিগুনে যিহূদিয়াত্ থেবাক্ তারা মুড়োমুড়ি চাগালাত্ ধেই যাদোক্।

যোহন 1:41

আন্দ্রিয় পত্তমে তার্ ভেই শিমোনরে তোগেইনে নিগিলেল আর কলঅ, “আমি মশীহর (অত্তাৎ খ্রীষ্টর্) দেগা পেইয়্যেই।”

যোহন 4:25

সেক্কে সে মিলেবো কলঅ, “মুই কোই পারং, মশীহ, যিবেরে খ্রীষ্ট কন্, তে এজের্। তে যেক্কে এবঅ সেক্কে বেক্কানি আমারে জানেব।”

প্রেরিত্‌ 3:15

যিবে জিংকানি দিয়্যে তারে তুমি মারে ফেল্ল্য, মাত্তর্ গোজেনে মরণত্তুন্ তারে জেদা গুরি তুল্ল্যে; আর আমি সিয়েনর্ সাক্ষী।

প্রেরিত্‌ 5:31

গোজেনে তারে রাজা আর উদ্ধোর গুরিয়্যে ইজেবে নিজো ডেন্ ডাগদি বঝিবার বাঈনী দান গোজ্যে, যাতে তে পাপত্তুন্ ইস্রায়েলীগুনোর মনানি ফিরেবার সুযোগ্ দিইনে পাপর ক্ষেমা দান গুরি পারে।

প্রেরিত্‌ 8:30

সেক্কে ফিলিপে ধাবা যেইনে সেই রথ্‌তান কুরে গেলঅ আর শুনিলো মানুচ্চো ভাববাদী যিশাইয়র্ বোইবো পড়ের্। ফিলিপে তারে পুযোর্ গুরিলো, তুই যিয়েন্ পড়র্ সিয়েন্ কি বুঝি পারর্?

ইফিষীয় 5:16

তমা আঢে গম কাম গুরিবার যে জু আঘে সিয়েন পুরোপুরি গুরিনে কামত্ লাগঅ; কিয়া এ কাল্লো গম নয়।

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”