দানিয়েল 9:22 - Chakma Bible

²² তে মরে বুঝেইনে কলঅ, দানিয়েল, মুই ইক্কিনে তরে বুঝিবার খেমতা আর বুদ্ধি দিবাত্তে এচ্চ্যং।

দানিয়েল 9:22 Iomraidhean Croise

দানিয়েল 10:11

তে কলদে, “ও গোজেনর কোচ্‌‌পেইয়্যে দানিয়েল, মুই তরে যে কধাগান কবাত্তে যাঙর্ সিয়েনত্ গমেডালে মনযোগ দে। তুই উদিনে থিয়্যে, কিত্যে মরে ইক্কিনে তইধু পাধা ওইয়্যে।” তে মরে এ কধাগান কনার্ পরেদি মুই গির্‌‌গিরেদে গির্‌‌গিরেদে উদিনে থিয়্যেলুং।

দানিয়েল 10:12

তে কুয়ো ধুরিলো, “দানিয়েল, ন-দোরেচ্। পত্তম্ যেদিন্যে তুই দর্শনানর পৌইদ্যেনে বুঝিবাত্তে আর তর্ গোজেন মুজুঙোত্ মনান্ ভাঙিনে দুঘ্ স্বীগের্ গুরিবাত্তে মনান্ থির্ গোজ্যস সেদিন্যে তঅ কধা শুনো ওইয়্যে আর সেনত্তে মুই এচ্চ্যং।

দানিয়েল 10:14

আগামিদি তঅ মানুচ্চুনো উগুরে যিয়েনি ঘুদিবো সিয়েনি তরে বুঝিবাত্তে মুই ইক্কিনে তইদু এচ্চ্যং, কিত্যে দর্শনর ভিদিরেদি যে সময়র্ কধা কুয়ো ওইয়্যে সিয়েনি এজঅ ন-এজে।”

দানিয়েল 7:16

যিগুনে সিয়েনত্ থিয়্যেই এলাক্ মুই তারার্ একজন ইধু উজেই যেইনে এ বেক্কানির্ ভেদ্‌‌তান্ পুযোর্ গুরিলুং। সেক্কে তে মরে এ কধাগান কোইনে সেই বেক্কানির ভেদ্‌তান্ বুঝেই দিলো,

দানিয়েল 8:16

মুই এক্কো মান্‌‌জ্য রঅ শুনিলুং; সেই রবো ঊলয় ছড়া ভিদিরেত্তুন্ ডাগিনে কলঅ, “গাব্রিয়েল, এ দর্শনানর ভেদ্‌তান্ এ মানুচ্চোরে বুঝেই দে।”

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

সখরিয় 1:14

সেনত্তে সেই স্বর্গদূত্‌‌‌‌তো মরে কলঅ, “তুই এই কধাগান ফগদাং গর্ যে, বেগত্তুন খেমতাবলা লগেপ্রভু কোইয়্যেদে, ‘যিরূশালেমত্তে, অত্তাৎ সিয়োনত্তে মর্ মনত্ অমকদ জ্বলের্।

সখরিয় 1:9

মুই পুযোর্ গুরিলুং, “ও মর্ প্রভু, ইয়েনি কি?” আর এক্কো স্বর্গদূত যিবে মঅ লগে কধা কোইয়্যে জোবত্ তে কোইয়্যেদে, “সিগুন কি মুই তরে দেগেম।”

ফগদাং পেইয়্যে 4:1

ইয়েন পরেদি মুই স্বর্গর এক্কান দুয়োর্ খুলো দেগিলুং। তূরী আবাজ ধোক্ক্যেন যিবের্ মুয়ো রবুয়ো আগেদি মুই শুন্ন্যং তে মরে কলঅ, “তুই ইধু উদি আয়। ইয়েনর্ পরেদি যিয়েনি হামাক্কায় ঘুদিবাত্যে যার্ সিয়েন মুই তরে দেগেম।”