দানিয়েল 9:15 - Chakma Bible

¹⁵ ইক্কিনে ও আমার প্রভু গোজেন, তুই খেমতাবলা আঢ্‌‌‌‌তোই তঅ মানুচ্চুনোরে মিসরত্তুন্ নিগিলেই আনিনে সুনাঙ্ পেইয়োচ্, আর সিয়েন এইচ্চ্যে সং আঘে। আমি পাপ গোজ্যেই, ভান্ন্যেই কাম গোজ্যেই।

দানিয়েল 9:15 Iomraidhean Croise

১ রাজাবলী 8:51

কিত্তে ইস্রায়েলীয়গুনে দঅ তর্‌ মানুচ্‌, তর সোম্বোত্তি যিগুনোরে তুই মিসর দেজত্তুন্‌ নিগিলেই আন্ন্যচ্‌, নিগিলেই আন্ন্যচ্‌ লুয়ো গোলেয়্যে চুলো ভিদিরেত্তুন।

২ রাজাবলী 21:15

কিত্তে মঅ চোগেন্দি যিয়েনি বজং তারা সিয়েনি গোজ্যন্‌ আর যেদিন্যে তারা পূরোণি মানুচ্চুনে মিসর দেজত্তুন্‌ নিগিলি এচ্ছ্যন্‌ সেদিন্যেত্তুন্‌ ধুরি এচ্ছ্যে সং তারা মরে অহুজি বানেয়োন্‌।”

২ বংশধর 6:37

সেক্কে বন্দী ওই থেইয়্যে সে দেজত্‌ যুনি তারা মনানি ফিরান্‌ আর নিজোর্‌ ভুলান্‌ বুঝিনে তরে কোজোলি গুরি কন্‌, আমি পাপ গোজ্যেই, অন্যেই গোজ্যেই আর গমেডালে ন-চুলিই, সালে তুই তারার্‌ তবনাগানি শুনিজ্‌।

নহিমিয় 1:10

“ইগুনে তরই চাগর্‌ আর তরই মানুচ্‌, যিগুনোরে তুই তর্‌ দাঙর্‌ বল্লোই আর দরমর আত্তোই উদ্দোর্‌ গোজ্যস্‌।

নহিমিয় 1:6

ও লগেপ্রভু, কোজোলি গরঙ্‌, তঅ চাগরুনোত্তেই, অত্তাৎ ইস্রায়েলীয়গুনোত্তে মুই তঅ চাগর্‌ তঅ মুজুঙোত্‌ দিনে রেদে যে তবনা গরঙর্‌ সিয়েনি তুই শুন্‌ আর সিয়েনিত্‌ মনান্‌ দে। আমি ইস্রায়েলীয়গুনে তর্‌ উল্লোমি গুরিনে যে পাপ্পানি গোজ্যেই সিয়েনি মুই স্বীগের্‌ গরঙর্‌। হামাক্কাই মুই আর মঅ্‌ বাবর্‌ বংশর মানুচ্চুনে পাপ গোজ্যেই।

নহিমিয় 9:10

ফরৌণ, তার্‌ বেক্‌ কামগুরিয়্যেগুনোরে আর তা দেজর্‌ বেক্‌ মানুচ্চুনোরে তুই বোউত্‌ চিহ্নো আর আমক্‌ অবার্‌ কাম্‌ দেগেয়োচ্‌, কিত্যে তুই হবর্‌ পেদে আমা পূরোণিমানুচ্চুনোর্‌ লগে মিসরীয়গুনোর্‌ বেবহার্‌ এলদে বার্‌বোলোই ভরা। এ কামানি গুরিনে তুই তর্‌ সুনাঙ্‌ রোক্ষ্যে গোজ্যস্‌, যিয়েনি এজঅ আঘে।

গীতসংহিতা 106:8

তো তে তার নাঙান্ রোক্ক্যে গুরিবাত্তে, তার্ খেমতাগান ফগদাঙ্ গুরিবাত্তে তারারে উদ্ধোর্ গুরিলো।

যাত্রা 13:14

“ভবিচ্চদে যেক্কে তমা পূয়োগুনে ইয়েনির্‌ অত্তগানি তমাত্তুন্‌ পুযোর্‌ গুরিবাক্ সেক্কে তুমি পত্তিজনে কবা, ‘লগেপ্রভু মিসরর্ দাসত্বত্তুন্‌ তাঁর্‌ খেমতাগান্‌ দেগেইনে আমারে নিগিলেই আন্যে।

যাত্রা 13:16

ইয়েন এমন্‌ এক্কান্‌ চিহ্নো অবঅ যিয়েন্‌ আত্‌ আর কবালর্‌ ইদোত্ থাইদ্যে-চিহ্নো ধোক্ক্যেন তরে মনত্‌ গুরি দিবো, লগেপ্রভু তাঁর্‌ খেমতাগান দেগেইনে মিসর দেজত্তুন্‌ আমারে নিগিলেই আন্যে।’”

যাত্রা 13:3

সেক্কে মোশি মানেইয়ুনোরে কলঅ‌, এই দিন্নোর্‌ কধা মনত্‌ রাগেবাত্যেই তুমি দিন্নো পালেবা, কিত্তে এদিন্ন্যে তুমি মিসরর্‌ চাগর্ খাদানাত্তুন্‌ নিগিলি এচ্ছো। লগেপ্রভু তাঁর খেমতা দেগেইনে সেই দেজত্তুন্‌ তমারে নিগিলেই আন্যে। এই দিনোত্‌ তুমি সদা মিজেয়্যে কনকিজু ন-হেবা।

যাত্রা 13:9

এধোক্ক্যেনগুরি তুমি লগেপ্রভুর্‌ দিয়্যে এই উগুমোর্‌ কধানি শিগেবা। এই সুদোমানি পালানা এন্‌ এক্কান্‌ চিহ্নো অবঅ‌ যিয়েনি আদত্‌ আর কবালর্‌ মনত্‌ থাইদে-চিহ্নো ধোক্ক্যেন তমারে মনত্‌ গুরি দিবো, লগেপ্রভু তার্‌ বলান্‌ দেগেইনে মিসর্‌ দেজত্তুন্‌ তমারে নিগিলেই আন্যে।

যাত্রা 14:18

সিয়েন্‌ দেগিনে মিসরীয়গুনে বুঝি পারিবাক্, মুয়ই লগেপ্রভু।”

যাত্রা 32:11

মোশি সেক্কে তার গোজেন লগেপ্রভুরে কোজোলী গুরিনে কলঅ‌, “লগেপ্রভু, তর্‌ খেমতাবলা আত্তান্‌ বাবেইনে দাঙর্‌ বল্লোই যিগুনোরে তুই মিসর্‌ দেজত্তুন্‌ নিগিলেই আন্যচ্‌ তর্‌ সেই মানুচ্চুনো উগুরে কিত্তেই তর্‌ এদক্‌ রাগ্‌?”

যাত্রা 6:1

লগেপ্রভু মোশিরে কলঅ, “তুই দেগিবে, ফরৌণরে এবারত্‌ মুই কি গরঙ্‌। মর্‌ দরমর আঢত্‌ পড়িনে সেই মানুচ্চুনোরে ইরি দিবো। অয়, মর্‌ দরমর আঢত্‌ পড়িনে তে তা দেজত্তুন্‌ তারারে ধাবেইনে নিগিলেই দিবো।”

যাত্রা 6:6

সেনত্যে তুই ইস্রায়েলীয়গুনোরে কোইদে, লগেপ্রভু কত্তে, ‘মুই লগেপ্রভু। মিসরীয়গুনোর দিয়্যে জদবদে কামানিত্তুন্‌ তমারে নিগিলেই আনিম। তারার্‌ চাগর্‌ কাদানাত্তুন্‌ মুই তমারে উদ্ধোর গুরিম। আত্‌ বাড়েইনে তারারে জদবদে সাজা-দিইনে মুই তমারে উদ্ধোর গুরিম।

যাত্রা 9:16

মাত্তর্‌ মুই তরে বাজেই রাগেয়োং যেনে তরে মঅ বলান্‌ দেগেই পারং আর গোদা পিত্‌থিমীত্‌ যেন মঅ নাঙান্‌ ফগদাঙ্‌ অয়।

যিশাইয় 55:13

কাদাঝুবোর্ বদলে বেরস আর কাদাগাজর বদলে গুলমেঁদি জোর্মেব। লগেপ্রভুর সুনাঙত্তে এক্কান উমরর্ চিহ্নো ইজেবে ইয়েনি অবঅ। সেই চিহ্নোগান কনদিন্অ ভস্ত ন-অবঅ।”

যিশাইয় 64:4

সেই পুরোণি কালত্তুন্ ধুরি তুই বাদে আর কনঅ গোজেন কধা কনজনে কানেয়ো ন-শুনোন্ চোগেদিয়ো ন-দেগন, যিবে তার্ বাজ্জ্যে থেই পারেদে মানুচ্চুনোত্তে কাম্ গুরি থায়।

যিরমিয় 14:20

ও লগেপ্রভু, আমি আমার পাজিগানি আর আমা পুরোণি মানুচ্চুনোর দুষোর্ কধানি স্বিগের্ গুরির্; আমি ঘেচ্চেকগুরি তঅ বিরুদ্ধে পাপ গোজ্যেই।

যিরমিয় 32:10

মুই দলিলোত্ সই দিলুং, সীলমহ্‌র মারিলুং আর সাক্ষী রাগেলুং আর পাল্লালোই সেই রূবোগান মাবি দিলুং।‌

আবিলেচ্ 3:42

“আমি পাপ গোজ্যেই, উল্লোমি গোজ্যেই; তুই খেমা ন-গরচ্।

যিহিষ্কেল 5:6

মাত্তর্ তে তার ভান্ন্যেয়ত্তে মর্ সুদোমানি বিরুদ্ধে তা চেরোকিত্যে নানান্ জাদে আর দেজত্তুন্অ বেশ উল্লোমী গোজ্যস্। তে মর্ সুদমানি এলাফেলা গোজ্যে আর মানি ন-চলে।

দানিয়েল 9:5

আমি পাপ গোজ্যেই, অন্যেয় গোজ্যেই। আমি ভান্ন্যেই কাম্ গোজ্যেই, উল্লোমি গোজ্যেই। আমি তর্ উগুম আর সুদোম পদত্তুন্ সুরি যেইয়্যেই।

লূকে লেখ্যে গম্ হবর্ 15:21

সেক্কে পুয়োবো কলঅ, বাবা, মুই গোজেন আর তঅ বিরুদ্ধে পাপ্ গোজ্যং। কেঅ যে আর মরে তর্ পুয়ো বিলি ডাগোদোক্ সিয়েনর্ যগাজ্যে মুই নয়।

লূকে লেখ্যে গম্ হবর্ 18:13

সেক্কে সেই খাজানা-তুলিয়্যেবো কিজু দূরোত্ থিয়্যেই এলঅ। আগাজ ইন্দি রিনি চেবার্‌‌‌‌অ তার সাহচ্‌ ন-অলঅ; তে বুগ্ চাবেরেইনে কলঅ, ও গোজেন! মুই পাপী; মরে দোয়্যে গর্।

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

দ্বি’লম্বর বিররণ 5:15

মনত্‌ রাগেয়ো, তুমিয়ো মিসর দেজত্‌ চাগর্‌ এলা আর তমা গোজেন লগেপ্রভু তার্‌ দরমর আর বোলী আত্তান বাবেইনে সিয়েনত্তুন্‌ তমারে নিগিলেই আন্যে। সেনত্তে তে জিরেবার্‌ দিন্নোরে পালন গুরিবাত্তে তমারে উগুম দিয়্যে।