দানিয়েল 9:11 - Chakma Bible

¹¹ ইস্রায়েলীয়গুন বেক্কুনে তর্ উগুম অমান্য গুরিনে তঅ পদত্তুন্ সুরি যেইয়োন; তারা তঅ কধা ন-শুনোন্। সেনত্তে তর্ চাগর্ মোশির সুদোমত্ লেখ্যে যে অভিশাবর্ কধা তুই শমক্ হেইনে কোইয়োচ্ সিয়েনি আমা উগুরে ঢালি দিয়্যে ওইয়্যে, কিত্যেই আমি তঅ বিরুদ্ধে পাপ গোজ্যেই।

দানিয়েল 9:11 Iomraidhean Croise

২ রাজাবলী 18:12

ইয়েনি ঘুদি যেইয়্যে, কিত্তে তারার গোজেন লগেপ্রভু কধানি তারা ন-পালান্‌, বরং তা সুদোমানি, অত্তাৎ লগেপ্রভুর চাগর্‌ মোশির বেক্‌ উগুমানি তারা অমান্য গোজ্যন্‌। সে উগুমানি তারা কান্‌ ন-পাদন্‌ আর সিয়েনি পালনঅ ন-গরন্‌।

যিশাইয় 1:3

গোরুবো তা গিরোজ্‌ছোরে চিনে, গাধাবোয়ো তা গিরোজ্‌ছোর ঘাস খাজাবো চিনে; মাত্তর্ ইস্রায়েলে তা গিরোজ্‌ছোরে ন-চিনে, মঅ মানুচ্চুনে মরে ন-বুঝোন্।”

যিশাইয় 43:28

সেনত্তে মুই তমা উবোসনা-ঘরর্ ধর্মগুরুগুনোরে অগমান গুরিম আর যাকোবরে ভস্তর্ অভিশাবর্ তলে গুরিম আর ইস্রায়েলরে ঠাট্টা-তামাজার্ মানুচ্ বানেম্।”

যিরমিয় 16:11

সেক্কে তুই তারারে কবে, লগেপ্রভু কোইয়্যেদে, ‘ইয়েনর কারনান্ অলঅ তমা পুরোণি মানুচ্চুনে মরে ছাড়ি যেইয়োন আর দেব-দেবেদাগুনোর পিজেদি যেইনে তারারে সেবা আর পূজো গোজ্যন্। তারা মরে ছাড়ি যেইয়োন আর মর্ সুদোমানি অমান্য গোজ্যন্।

যিরমিয় 2:29

লগেপ্রভু কোইয়্যেদে, কিত্তে তুমি মরে দুষ্ দুয়োর্? তুমি দঅ বেক্কুনে মঅ বিরুদ্ধে উল্লোমী গোজ্য।

যিরমিয় 30:14

তর্ বেক লাঙুনে তরে ভুলি যেয়োন; তারা তঅ পৌইদ্যেনে চিদে ন-গরন। মুই তরে শত্রুর আঘাত ধোক্ক্যেন আঘাত গোজ্যং আর চিৎ-কোল্জ্যে নেইয়্যে মান্‌জ্য ধোক্ক্যেন সাজা দুয়োং, কিত্তে তর্ অন্যেয়ান অমকদ বেশ্ আর তঅ পাপ্‌‌‌পান বোউত্।

যিরমিয় 32:23

তারা এইনে সিয়েন গজক্ গোজ্যন্, মাত্তর্ তারা তঅ কধা ন-শুনোন্ আর তর্ সুদোম্ মজিম ন-চলন্; তুই যিয়েনি গুরিবাত্তে তারারে উগুম দুয়োচ্ সিয়েনি কিচ্চু তারা ন-গরন। সেনত্তে এ দজানি তুই তারা উগুরে আন্যচ্।

যিরমিয় 40:3

লগেপ্রভু সিয়েন ঘোদেইয়্যে, যেবাবোত্যে কোইয়্যে, সেবাবোত্যে গোজ্যে। তুমি লগেপ্রভুর বিরুদ্ধে পাপ গোজ্য আর তা কধার অবাধ্য ওইয়ো।

যিরমিয় 44:22

তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।

যিরমিয় 44:23

তুমি আগর্‌বাট্টি জ্বালেয়ো আর লগেপ্রভুর বিরুদ্ধে পাপ গোজ্য; তুমি তা কধানি অমান্য গোজ্য আর তা আইন-কানুন্, সুদোম আর কধানি ন-পালঅ; সেনত্তে এ দজাগান আমা উগুরে এচ্চ্যে। তুমি দঅ সিয়েনি দেগর্।”

যিরমিয় 6:19

ও পিত্‌‍‍‍থিমীগান শুন, মুই মানুচ্চুনো উগুরে দজা ডাগি আনিম; সিয়েন অবদে তারার পরিকল্পনার ফল, কিত্তে তারা মঅ কধাগান ন-শুনোন্ আর মর্ সুদোমানি এলাফেলা গোজ্যন্। ‍

দানিয়েল 9:13

মোশির সুদোমত্ যেবাবোত্যে লেগা আঘে সেবাবোত্যেগুরি এই বেক্ দযানি আমা উগুরে এইচ্চ্যে, তো আমি আমা পাপত্তুন্ ফিরিনে আমা গোজেন লগেপ্রভুর দোয়্যে পেবার চেট্ট্যা ন-গরন্; তর্ সত্য উগুরে আমি মনযোগী ন-ওই।

দানিয়েল 9:5

আমি পাপ গোজ্যেই, অন্যেয় গোজ্যেই। আমি ভান্ন্যেই কাম্ গোজ্যেই, উল্লোমি গোজ্যেই। আমি তর্ উগুম আর সুদোম পদত্তুন্ সুরি যেইয়্যেই।

সখরিয় 1:6

মাত্তর্ মুই মর্ চাগরুনোরে, অত্তাৎ ভাববাদীগুনোরে যেদক্কানি উগুম দুয়োং, মর্ সেই বেক্ কধানি আর সুদোম্ মজিম কি তমা পূরোণি মানুচ্চুনে সাজা ন-পান্? সেক্কে তারা মনানি ফিরেইনে কোইয়োন্দে যে, বেগত্তুন খেমতাবলা লগেপ্রভু তারার্ আচার-বেবহার আর অভ্যেস্ মজিম তারা উগুরে যিয়েনি গুরিবো বিলি ঠিগ্ গোজ্যে তে সিয়েনই গোজ্যে।’ ”

সখরিয় 7:12

তারা তারার্ মনানি পাত্তর ধোক্ক্যেন দরমর গোজ্যন্ আর রীদি-সুদোম ন-মানন্। মুই বেগত্তুন্ খেমতাবলা লগেপ্রভু মঅ আত্মাগান্দোই পুরোণি ভাববাদীগুনোর মাধ্যমে যে কধানি পাদেয়োং সিয়েনিয়ো তারা ন-শুনোন্। সেনত্তে মর্ অমকদ রাগ্‌‌কান জুলি উঠ্যে।

সখরিয় 8:13

ও যিহূদা আর ইস্রায়েল, বেক্ জাদর্ মানুচ্চুনে আগে তমা নাঙানি অভিশাব্ ইজেবে বেবহার গুরিদাক্, মাত্তর্ ইক্কিনে মুই তমারে উদ্ধোর্ গুরিম আর তারা তমা নাঙানি আশিদ্‌‌বাদ ইজেবে বেবহার গুরিবাক্। তুমি ন-দোরেয়ো, বরং দরমর অ।

দ্বি’লম্বর বিররণ 8:20

লগেপ্রভু তমা মুজুঙোত্‌ যিদুক্কুন জাদরে ভস্ত গোজ্যে তারা ধোক্ক্যেন তুমিয়ো তমা গোজেন লগেপ্রভুর অবাধ্য অনার্‌ কারনে ভস্ত ওই যেবা।