দানিয়েল 9:10 - Chakma Bible

¹⁰ আমি আমা গোজেন লগেপ্রভুর কধালোই বাধ্য ন-ওই; তর্ চাগর্ ভাববাদীগুনোর মাধ্যমে তর্ দিয়্যে উগুমানি আমি ন-পালেই।

দানিয়েল 9:10 Iomraidhean Croise

২ রাজাবলী 18:12

ইয়েনি ঘুদি যেইয়্যে, কিত্তে তারার গোজেন লগেপ্রভু কধানি তারা ন-পালান্‌, বরং তা সুদোমানি, অত্তাৎ লগেপ্রভুর চাগর্‌ মোশির বেক্‌ উগুমানি তারা অমান্য গোজ্যন্‌। সে উগুমানি তারা কান্‌ ন-পাদন্‌ আর সিয়েনি পালনঅ ন-গরন্‌।

যিরমিয় 16:11

সেক্কে তুই তারারে কবে, লগেপ্রভু কোইয়্যেদে, ‘ইয়েনর কারনান্ অলঅ তমা পুরোণি মানুচ্চুনে মরে ছাড়ি যেইয়োন আর দেব-দেবেদাগুনোর পিজেদি যেইনে তারারে সেবা আর পূজো গোজ্যন্। তারা মরে ছাড়ি যেইয়োন আর মর্ সুদোমানি অমান্য গোজ্যন্।

যিরমিয় 32:23

তারা এইনে সিয়েন গজক্ গোজ্যন্, মাত্তর্ তারা তঅ কধা ন-শুনোন্ আর তর্ সুদোম্ মজিম ন-চলন্; তুই যিয়েনি গুরিবাত্তে তারারে উগুম দুয়োচ্ সিয়েনি কিচ্চু তারা ন-গরন। সেনত্তে এ দজানি তুই তারা উগুরে আন্যচ্।

দানিয়েল 9:6

আমা রাজাগুনোর, নেতাগুনোর, পূরোণি মানুচ্চুনোর আর দেজর্ বেক মানুচ্চুনো ইধু তর্ চাগর ভাববাদীগুনে তর্ দিয়্যে যে কধানি কোইয়্যে সিয়েনি আমি ন-শুনিই।

ইব্রীয় 1:1

ভালোক্ দিন আগে ভাববাদীগুনোরে দিইনে গোজেনে আমা পূরোণি মানুচ্চুনো ইধু নানান্ ধগে ভালোক্ বার এক্কেনা এক্কেনা গুরি কধা কোইয়্যে।