দানিয়েল 8:3 - Chakma Bible

³ মুই রিনি চেইনে এক্কো পাদা ভেড়ারে ছড়া পারত্ থিয়্যেই থাগদে দেগিলুং। তার দ্বিবে লাম্বা শিং এলঅ। এক্কো শিং আর এক্কোত্তুন্ লাম্বা আর সিবে যেরেদি উঠ্যে।

দানিয়েল 8:3 Iomraidhean Croise

১ বংশধর 21:16

এ ভিদিরে দায়ূদে উগুরেত্তুন্‌ রিনি চেইনে দেগিলোদে, লগেপ্রভুর দূত্‌তো আগাজ ইদু থিয়্যেই এলঅ আর তা আদত্‌ রোইয়্যে যিরূশালেম উগুরে মেল্যে গুরি-ধোজ্যে খুলো তলোয়ারান্‌। ইয়েন্‌ দেগিনে দায়ূদ আর বুড়ো নেতাগুনে বস্তা সিলুম্‌ উজ্যে অবস্থায় মাদি উগুরে আদু পাড়িনে পড়িলাক্‌।

ইষ্রা 1:2

পারস্যের রাজা কোরসে এই কধাগান কোইয়্যেদে, স্বর্গর গোজেন লগেপ্রভু পিত্‌থিমীর পুরো রেজ্যগান্ মরে দিয়্যে আর যিহূদা দেজর্ যিরূশালেমত্ তাত্তেই এক্কান ঘর বানেবাত্যে মরে নেযা ওইয়্যে।

ইষ্রা 4:5

তারার্ বিরুদ্ধে কাম গুরিনে তারার্ উদ্দেশ্যগান বাদ দিবাত্তে তারা পারস্যের রাজার কামগুরিয়্যেগুনোরে টেঙা দিলাক। তারা রাজা কোরসর পুরো রাজাগিরিত্ আর সে পরেদি রাজা দারিয়াবসর রাজাগিরিত্ সেই একই কাম গরা ধুরিলাক্।

ইষ্টের 1:3

তার্‌ রেজ্যর্‌ তিন বজরত্‌ তে তার্‌ বেক্‌ মানুচ্চুনোরে আর মুরব্বীগুনোত্তে এক্কো হানা দিলো। তারা ভিদিরে এলদে পারস্য আর মাদিয়া দেজর্‌ সেনাপতিগুনে, মুরুব্বীগুনোরে আর রেজ্যগানির্ দাঙর্‌ পোজিশনর্‌ মানুচ্চুনোরে।

যিশাইয় 13:17

“চঅ, মুই তারা বিরুদ্ধে মাদীয়গুনোরে কাট্ট্যেই দিম্। তারা রূবোনি ইন্দি খিয়েল্ ন-গুরিবাক্ আর সনালোইয়ো ফুত্তি ন-গুরিবাক্।

যিশাইয় 21:2

এক্কান দর্‌গরেপারা দর্শন মরে দেগা ওইয়্যে-বেঈমান্নো বেঈমানি গোজ্যে, আর লুদেয়্যেবো লুদেয়্যে। ও এলম, আক্রমণ গর্; মাদিয়া, ঘিরি ফেলা। বাবিলে যেদক্কানি দুঘ্-কষ্ট ঘোদেয়্যে সিয়েন মুই বন্ধ গুরি দিম্।

যিশাইয় 44:28

মুই কোরস পৌইদ্যেনে কঙর্, তে মর্ গরক্; মুই যেনে হুজি অং তে সিয়েনি বেক্কানি গুরিবো। তে যিরূশালেম পৌইদ্যেনে কবঅ, ‘সিয়েন আরঅ বানা ওক্,’ আর উবোসনা-ঘরান পৌইদ্যেনে কবঅ, ‘সিয়েনর্ গড়াগান্ থিদেবর্ গরা ওক্।’ ”

যিরমিয় 51:11

তুমি সেলুন্ ধারঅ, ঢাল নেযঅ। লগেপ্রভু মাদীয় রাজাগুনোরে রাগ্ তুলি দিয়্যে, কিত্তে তা উদ্দেশ্যগান অলঅ বাবিলরে ভস্ত গরানা। লগেপ্রভু হামাক্কায় তা ঘরানত্তে হেনা সুজিবো।

দানিয়েল 10:5

এন্ সময়োত্ মুই রিনি চেইনে মসীনার কাবড় উজ্যে আর কমরত্ আজল্ সোনার কমর-বিজোনি দিয়্যে এক্কো মান্‌জ্যরে দেগিলুং।

দানিয়েল 2:39

তঅ রেজ্যগান পরেদি যে রেজ্যগান উদিবো সিয়েন তঅ রেজ্যগান ধোক্ক্যেন দাঙর্ ন-অবঅ। সিয়েন পরেদি তিন লম্বর আর এক্কান রেজ্য উদিবো, সিয়েন সেই পিদোল পেট আর দামানাগান; আর গোদা পিত্‌‌‌‌‌থিমীগান সেই রেজ্যগান অধীনোত্ অবঅ।

দানিয়েল 5:31

আর মাদীয় দারিয়াবসে বাষট্টি বজর্ বয়জত্ রেজ্যর্ ভারান্ গুজি ললঅ।

দানিয়েল 6:28

এধোক্ক্যেনগুরি দারিয়াবস আর পারসীক রাজা কোরসর রাজাগিরির সময়োত্ দানিয়েলে গমেডালে এলঅ।

দানিয়েল 7:5

সে পরেদি মুই দ্বিলম্বর য়েমান্নো দেগিলুং। সিবে রিনি চাদে এলদে ভালুগো ধোক্ক্যেন্। তার এক কিত্তেত্তুন্ অন্য কিত্তেদি অজল্ এলঅ আর তা মুয়ো ভিদিরে ডাগ আড়র্ তিন্নো আড়্ এলঅ। তারে কুয়ো অলঅ, তুই যেইনে পেদা টিং টিং গুরি য়েরা হাঃ।

দানিয়েল 8:2

সেই দর্শনানত্ মুই নিজোরে এলম রেজ্যর্ শূশন তাম্বুলোত্ দেগিলুং। সেই দর্শনান ভিদিরে মুই ঊলয় গাঙ পারত্ এলুং।

দানিয়েল 8:20

তুই দ্বিশিঙোর্ যে ভেড়াবো দেখ্যচ্ সিগুন অলাক্ মাদীয় আর পারসীক রাজাগুন।

সখরিয় 1:18

সে পরেদি মুই রিনি চেইনে চের্‌‌বো শিং দেগিলুং।

সখরিয় 2:1

সে পরেদি মুই রিনি চেইনে মাবেদে দুড়িগান আঢত্ এক্কো মান্‌‌‌‌‌জ্যরে দেগিলুং। মুই পুযোর্ গুরিলুং, “তুই কুদু যর্?” জোবত্ তে মরে কলঅ, “যিরূশালেমান কত্তমান পাদাজ্জ্যে আর কত্তমান লাম্বা সিয়েন মাবি চেবাত্তে যাঙর্।”

সখরিয় 5:1

যেরেদি মুই আরঅ রিনি চেইনে দেগিলুং খুলো অবস্থায় এক্কো গুচ্ছ্যেয়ে বোই উড়ের্।

সখরিয় 5:5

যেরেদি সেই স্বর্গদুত্‌তো উজেই এইনে মরে কলঅ, “তুই উগুরেদি রিনি চাহ্ কি এজের্।”

সখরিয় 5:9

সে পরেদি মুই উগুরেদি রিনি চেলে দ্বিজন মিলেরে বোইয়্যের লগে উড়ি এত্তে দেগিলুং। তারার্ ডুয়ো এলঅ সারস পেগো ডুয়ো ধোক্ক্যেন্ আর তারা সেই পিলেবোরে আগাজত্ তুলি নিইনে উড়িনেই গেলাক্।

সখরিয় 6:1

মুই আরঅ রিনি চেইনে চেরান্ রথ দেগিলুং। সিয়েনি দ্বিবে মুড়ো সংমোধ্যেত্তুন্ নিগিলি এজের্। সেই মুড়ো দ্বিবে অলদে পিদোলর্।

গণাণা 24:2

তে চেইনে দেগিলোদে, ইস্রায়েলীয়গুনোর্‌ নানান্‌ বাবোত্ত্যে গুট্টির্‌ তাম্বুলানি এক্কানর পর এক্কান্‌ তাঙেয়্যে আঘে। সেক্কে গোজেনর্‌ আত্মাগান তা উগুরে এলঅ,

যিহোশূয় 5:13

যিরীহোর কায়কুরে যানার পরেন্দি যিহোশূয় খুলো তলোয়ার আদত্‌ এক্কো মান্‌জ্যরে তা মুজুঙোত্‌ থিয়্যেই থাদে দেগিলো। যিহোশূয় তাইদু যেইনে পুযোর্‌ গুরিলো, “তুই কা তপ্পের্‌ মানুচ্‌-আমার্‌, না আমা শত্রুগুনোর?”

ফগদাং পেইয়্যে 13:11

ইয়েনর্ পরেদি মুই মাদিত্তুন্ আর এক্কো য়েমানরে উদি এত্তে দেগিলুং। ভেড়া ধোক্ক্যেন তার্ দ্বিবে শিং এলঅ, মাত্তর্ সেই দানপ্পো ধোক্ক্যেন তে কধা কদঅ।

ফগদাং পেইয়্যে 5:6

চের্‌বো জেদা প্রাণী আর নেতাগুনো সংমধ্যে যে সিংহাসনান্ এলঅ সিয়েন উগুরে এক্কো ভেড়া-ছরে মুই থিয়্যেই থাগদে দেগিলুং। মর্ মনে অত্তে যেন সেই ভেড়া-ছবোরে মারে ফেলা ওইয়্যে। সেই ভেড়া-ছবোর্ সাত্‌টো শিং আর সাত্‌টো চোগ্ এলাক্। গোজেনর্ যে সাত্‌টান আত্মারে পিত্‌থিমীর বেক্‌ জাগানিত্ দিপাধা অয় এই চোগ্‌কুন এলাক্ সেই সাত্‌টান আত্মা।