দানিয়েল 8:24 - Chakma Bible

²⁴ তে অমকদ বোলী অবঅ, মাত্তর্ নিজো বল্লোই নয়। তে জদবদে ভস্ত গুরিবো আর তে যিয়েনি গুরিবো সিয়েনিত্ ফোলেব। তে খেমতাবলা মানুচ্চুনোরে আর গোজেনর মানুচ্চুনোরে ভস্ত গুরিবো।

দানিয়েল 8:24 Iomraidhean Croise

গীতসংহিতা 37:35

চিৎনপুজ্যে মানুচ্চোরে মুই দাঙর্ অদে দেখ্যং, দেখ্যং নিজোর্ জাগানত্ থেইয়্যে ডেলালোই ছিদি পোজ্যে পাদালোই ভোজ্যে গাজ ধোক্ক্যেন্।

দানিয়েল 11:23

চুক্তির্ পরেদিয়ো সেই রাজাবো ছলনা গুরিবো আর বানা কয়েক্কো মান্‌‌‌‌‌‌‌জ্যর বলে খেমতা পেবঅ।

দানিয়েল 12:7

সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্‌‌‌‌‌‌পুনং অবঅ।”

দানিয়েল 7:25

দাঙর্ গোজেন বিরুদ্ধে তে কধা কবঅ আর তা মানুচ্চুনো উগুরে অত্যেচার গুরিবো। সে ঠিগ্ গোজ্যে দিনুন্ আর রীদি-সুদোম বুদুলিবার চেট্ট্যা গুরিবো। গোজেনর সেই মানুচ্চুনোরে সাড়ে তিন বজরত্তে তা আঢত্ তুলি দিয়্যে অবঅ।‌‌‌‌‌‌‌‌‌‌

দানিয়েল 8:10

সিবে দাঙর্ অদে অদে স্বর্গর্ তারাগুনো সং যেইনে লুমিলো আর কয়েক্কো তারা মাদিত্ ফেলেইনে সিগুনোরে টেঙোই উরিলো।

দানিয়েল 8:11

তে নিজোরে সেই তারাগুনোর নেতার সংসং দাবি গুরিলো। তা নাঙে গোজ্যে পত্তিদিনোর উৎসর্বর অনুষ্ঠান তে বন্ধ গুরি দিলো আর উবোসনা-ঘরান্‌অ অসিজি গরা অলঅ।

দানিয়েল 8:12

তা পাপত্যে সেই তারাগুন আর পত্তিদিনোর উৎসর্বর অনুষ্ঠান তা আঢত্ যেইনে পড়িলো। তে সত্যগানরে মাদিত্ ফেলেল আর যিয়েনি গুরিলো সিয়েনিত্ ফোলেল।

দানিয়েল 8:23

তারার্ রাজাগিরির শেজদি যেক্কে পাপ এত বেশ্ অবঅ সেক্কে এক্কো অমকদ চিৎনপুজ্যে আর চালাক্ রাজা উদিবো।

ফগদাং পেইয়্যে 16:6

এ মানুচ্চুনে গোজেন মানুচ্চুনোরে আর ভাববাদীগুনোরে খুন গোজ্জ্যে। সেনত্যে তুই তারারে এ লো-গান হেবাত্যে দুয়োচ্ আর ইয়েনই তারাত্যে যগাজ্জ্যে ওইয়্যে।”

ফগদাং পেইয়্যে 17:17

ইয়েনর্ কারণান্ অলঅ, গোজেনে তারার্ মন ভিদিরে এমন্‌ আওজ্ দিয়্যে যেনে তার্ কধানি ফলে। সিয়েনর্ কারনে তারা একমন ওইনে সেই য়েমান্নো ইধু তারার্ বেক খেমতাগানি দান গুরিবাক্, যেনে গোজেনর্ কধানি পূরোণ ন-অনা সং তে রাজাগিরি গুরি পারে।

ফগদাং পেইয়্যে 17:6

মুই দেগিলুং, সেই মিলেবো গোজেন মানুচ্চুনোর্ লো আর যিগুনে যীশুর্ পৌইদ্যেনে সাক্ষ্য দুয়োন সিগুনোর্ লো হেইনে মাত্তল্ ওই আঘে।

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”