দানিয়েল 8:23 - Chakma Bible

²³ তারার্ রাজাগিরির শেজদি যেক্কে পাপ এত বেশ্ অবঅ সেক্কে এক্কো অমকদ চিৎনপুজ্যে আর চালাক্ রাজা উদিবো।

দানিয়েল 8:23 Iomraidhean Croise

পত্থম 15:16

মাত্তর্‌ তঅ বংশর্‌ চের্‌ আজু মানুচ্চুনে ইধু ফিরি এবাক্‌, কিত্তে পাপ গর্‌তে গর্‌তে ইমোরীয়গুনে এযঅ এমন্‌ অবস্তাদ্‌ যেইনে ন লুমোন্দোই যিয়েনত্ত্যে মত্তুন্‌ তারারে সাজা-দিয়া পুড়িবো।

গম্ উপদেজ্ 1:6

যেন মানুচ্চুনে চলেত্যে কধানি সিয়েনি আর ভেদ্‌বলা কধানি আর জ্ঞানীগুনোর কধানি আর ভানাগানি বুঝোন্।

যিহিষ্কেল 38:16

দেজ্‌‌‌চান মেঘ ধোক্ক্যেন গুরি নাঢি ফেলেবাত্তে তুই মঅ মানুচ্ ইস্রায়েল বিরুদ্ধে উজেই এবে। ও গোগ, শেজ্ কালত্ মুই মঅ দেজ্‌‌‌‌‌চান বিরুদ্ধে তরে আনিম। সেক্কে মুই জাদ্‌‌‌‌‌তুনোর চোগো মুজুঙোত্ তঅ ভিদিরেদি নিজোরে সুদ্ধো-সাংগ বিলি দেগেম্ যেনে তারা মরে হবর্ পান।

যিহিষ্কেল 38:8

ভালোক্ বজর্ পরেদি তরে যুদ্ধোত্তে ডাগা অবঅ। সেক্কে তুই এমন এক্কান দেজ্ আক্রমণ গুরিবে যে দেজ্‌‌‌‌‌‌চান যুদ্ধোত্তুন্ রেহাই পেইয়্যে, যার মানুচ্চুনে ভালোক্ জাদ ভিদিরেত্তুন্ ইস্রায়েলর্ মুড়ো-মুড়িত্ এগত্তর্ ওইয়োন। সেই দেজ্‌‌‌‌‌‌চান ভালোক্ দিন ধুরিনে মানুচ্ নেইয়্যে এলঅ, মাত্তর্ তর্ আক্রমনর্ আগেদি নানান্ জাদ ভিদিরেত্তুন্ তা মানুচ্চুনোরে নিগিলেই আনা অবঅ, আর সেক্কেনে তারা বেক্কুনে গমেডালে বজত্তি গুরিবাক্।

দানিয়েল 10:14

আগামিদি তঅ মানুচ্চুনো উগুরে যিয়েনি ঘুদিবো সিয়েনি তরে বুঝিবাত্তে মুই ইক্কিনে তইদু এচ্চ্যং, কিত্যে দর্শনর ভিদিরেদি যে সময়র্ কধা কুয়ো ওইয়্যে সিয়েনি এজঅ ন-এজে।”

দানিয়েল 11:21

যিবেরে রাজা অবার্ অধিকার দিয়্যে ন-অয় এমন এক্কো ঈচ্ গরা হেইয়্যে মানুচ্ তা জাগানত্ রাজা অবঅ। মান্‌জ্যে যেক্কে নিচিদে থেবাক্ সেক্কে সে কুজুরোমীর মাধ্যমে রেজ্যগান গজক্ গুরিবো।‌‌‌‌‌

দানিয়েল 11:24

তাগোয়্যে রেজ্যগানিয়ে যেক্কে নিজোরে নিরাপদ মনে গুরিবো সেক্কে তে তারারে আক্রমন গুরিবো আর তার পূরোণি মানুচ্চুনেয়ো সেই পূরোণি মানুচ্চুনোর পূরোণি মানুচ্চুনে যিয়েনি গুরি ন-পারন্ তে সিয়েনি গুরিবো। কাড়ি নেযেয়্যে আর লুদেয়্যে পযাপিরানি আর ধনানি তে তার্ মানুচ্চুনো ভিদিরে বিলেই দিবো। তে তাম্বুলানি সর্বনাশ গুরিবাত্তে কুজুরোমি গুরিবো, মাত্তর্ সিয়েনি বানা কয়েক দিনোত্তে।

দানিয়েল 7:11

মুই দেগিলুং উই শিঙো সেক্কেও বাড়্‌‌‌‌‌‌বো গুরিনে কধা কর্। সেই য়েমান্নোরে যেদক্কন সং কাবি ফেলা ন-অলঅ সেদক্কন সং মুই রিনি চেই রলুং। তা কিয়্যেগান ভস্ত গুরিনে জ্বোল্‌‌‌‌‌‌জোল্যে আগুনোত্ ফেলেই দিয়্যে অলঅ।

দানিয়েল 7:20

তা মাঢাত্ দোশ্‌‌‌‌‌‌‌‌‌‌চো শিং পৌইদ্যেনে আর অন্য যে শিঙো উঠ্যে, যিবের মুজুঙোত্ তিন্নো শিং পড়ি যেইয়্যে, যিবের্ চোগ আর বাড়্‌‌‌‌‌‌‌‌‌‌বো গোজ্যে মু এলঅ আর যিবে অন্যগুনোত্তুন্ দাঙর্ ওই উঠ্যে, সেই শিঙুনো পৌইদ্যেনে জানিবাত্তে চেলুং।

দানিয়েল 7:25

দাঙর্ গোজেন বিরুদ্ধে তে কধা কবঅ আর তা মানুচ্চুনো উগুরে অত্যেচার গুরিবো। সে ঠিগ্ গোজ্যে দিনুন্ আর রীদি-সুদোম বুদুলিবার চেট্ট্যা গুরিবো। গোজেনর সেই মানুচ্চুনোরে সাড়ে তিন বজরত্তে তা আঢত্ তুলি দিয়্যে অবঅ।‌‌‌‌‌‌‌‌‌‌

দানিয়েল 7:8

মুই যেক্কে সেই শিঙুনোরে রিনি চাঙর্ সেক্কে আর এক্কো চিগোন্ শিং সিগুনোর সংমোধ্যে উদিলো; তা মুজুঙোত্ আগ শিঙুনো ভিদিরেত্তুন্ তিন্নো উগুরে ফেলা অলঅ। এ শিঙোর্ মান্‌‌‌‌জ্য চোগো ধোক্ক্যেন চোগ এলাক্ আর এক্কান মু এলঅ যিয়েনে বাড়্‌‌‌‌বো গুরি কধা কর্।

দানিয়েল 8:22

ভাঙি ফেল্যে শিঙুনো জাগানত্ সেই চের্‌বো শিং অলঅ চেরান রেজ্য যিয়েনি সেই জাদ ভিদিরেত্তুন্ নিগিলিবো মাত্তর্ সেই রেজ্যগানির্ রাজাগুনোর পত্তম রাজা ধোক্ক্যেন খেমতা ন-থেবঅ।

দানিয়েল 8:24

তে অমকদ বোলী অবঅ, মাত্তর্ নিজো বল্লোই নয়। তে জদবদে ভস্ত গুরিবো আর তে যিয়েনি গুরিবো সিয়েনিত্ ফোলেব। তে খেমতাবলা মানুচ্চুনোরে আর গোজেনর মানুচ্চুনোরে ভস্ত গুরিবো।

দানিয়েল 8:25

তার চালাগিত্তে তে ছলনা গুরিনে সফলতা লাভ গুরিবো আর নিজোরে বেগত্তুন্ দাঙর্ মনে গুরিবো। মান্‌‌জ্যে যেক্কে নিজোরে নিরাপদ মনে গুরিবাক্ সেক্কে তে ভালোক্কুনোরে ভস্ত গুরিবো আর শাজন্‌গুরিয়্যেগুনোর আজল্লো বিরুদ্ধে থিয়্যেব। যেরেদি তে ভস্ত অবঅ, মাত্তর্ মান্‌‌জ্যর বল্লোই নয়।

গণাণা 24:24

সাইপ্রাস দ্বীবোর্ দুজিত্তুন্ জাহাজ এইনে দমন গুরিবো আসিরীয় আর এবরীয়গুনোরে; মাত্তর্‌ সাইপ্রাসর মানুচ্চুনে ভস্ত ওই যেবাক্।”

মথি লেখ্যে গম্ হবর্ 23:32

সালে তমা পূরোণি মানুচ্চুনে যিয়েনি আরাম্ভ গুরি যেইয়োন্ সিয়েনর্ বাদ্‌বাগি ভাগ্‌কান তুমি শেজ্ গরঅ।

দ্বি’লম্বর বিররণ 28:50

তারা অবাক্কে সে এক বাবোত্যে চেহারার মানুচ্‌। তারা বুড়োগুনোরে সর্মান ন-গুরিবাক আর ঝি-পূঅগুনোরে দোয়েমেয়্যে ন-গুরিবাক।

১ থিষলনীকীয় 2:16

তারা আমারে মানা গরন্ যেন অযিহূদীগুনোরে পাপত্তুন্ উদ্ধোরত্যে তারা ইধু আমি কনঅ কধা কোই ন-পারিই। এবাবোত্যেগুরি এই যিহূদীগুনে নিত্য পাপ উগুরে পাপ গোজ্জ্যন, আর গোজেনর্ রাগ্‌কান পুরোপুরি গুরিনে তারা উগুরে এইনে লুম্মেগি।

১ তীমথিয় 4:1

পবিত্র আত্মাগানে গমেডালে কোইয়্যেদে, ভবিচ্চ্যদে কুদুক্কুন মানুচ্‌ খ্রীষ্টীয় ধর্ম-বিশ্বেজত্তুন্ সুরি যেবাক্ আর ছলনাগুরিয়্যে আত্মা আর ভান্ন্যেই আত্মাগুনোর্ শিক্ষ্যে ইন্দি মনানি দিবাক্।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।