দানিয়েল 8:15 - Chakma Bible

¹⁵ মুই দানিয়েল যেক্কে দর্শনর্ ভেদ্‌তান্ বুঝিবার চেট্ট্যা গুরিলুং সেক্কে মান্‌‌জ্য ধোক্ক্যেন চাদে এক্কো মঅ মুজুঙোত্ এইনে থিয়্যেল।

দানিয়েল 8:15 Iomraidhean Croise

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

দানিয়েল 10:16

সেক্কে মান্‌‌‌জ্য ধোক্ক্যেন দেগদে সেই স্বর্গদূত, যিবে মঅ মুজুঙোত্ থিয়্যেই এলঅ, তে মঅ ঠুট্টোত্ বাঁজিলো, আর মুই মুয়োন খুলিনে তারে কলুং, “ও মর্ প্রভু, এ দর্শনানত্তে মুই মনত্ অমকদ দুঘ্ পাঙর্ আর মুই বল্‌‌‌‌পোজ্যে ওই পোজ্যং। ‌‌‌‌

দানিয়েল 10:18

সেক্কে মান্‌‌‌‌‌জ্য ধোক্ক্যেন দেগদে সেই স্বর্গদূত্তো আরঅ মরে ধুরিলো আর মরে বল্ দিলো।

দানিয়েল 10:5

এন্ সময়োত্ মুই রিনি চেইনে মসীনার কাবড় উজ্যে আর কমরত্ আজল্ সোনার কমর-বিজোনি দিয়্যে এক্কো মান্‌জ্যরে দেগিলুং।

দানিয়েল 12:8

মুই শুনিলুং ঠিগ্ মাত্তর্ কিচ্চু ন-বুঝিলুং। সেনত্তে মুই পুযোর্ গুরিলুং, “ও মর্ প্রভু, ইয়েনি বেক্কানির্ শেজর্ ফল কি অবঅ?”

দানিয়েল 7:13

রেদোত্ মর্ সেই স্ববনত্ মুই রিনি চেইনে মান্‌‌‌‌‌‌‌জ্যপুয়ো ধোক্ক্যেন একজনরে আগাজ মেঘ ভিদিরে এত্তে দেগিলুং। তে সেই বুড়ো মানুচ্চো ইধু উজেই গেলে পরেদি তারে তা মুজুঙোত্ নেযা অলঅ।

দানিয়েল 7:28

“ইয়েনত্ সেই স্ববনর বেপারান থুম্। মুই দানিয়েল মর্ এই বেক্ চিন্তেগানিত্তে এদক্ দোরেয়োং যে, মর্ মুয়োন অন্যবাবোত্যে ওই গেলঅ, মাত্তর্ স্ববনর্ বেপারান মুই মনত্ গাদেই রাগেলুং, কাররে ন-কলুং।”

দানিয়েল 8:1

রাজা বেল্‌‌‌‌‌‌‌‌‌‌‌‌শৎসরর রাজাগিরির তিন বজরত্ মুই দানিয়েল আর এক্কান দর্শন পেলুং।

দানিয়েল 8:19

তে কলদে, রাগর্ সময় শেজদি যিয়েনি ঘুদিবো সিয়েনি মুই তরে কঙর্, কারন দর্শনান্ অলঅ শেজকালর্ ঠিগ্ গোজ্যে সময়ো পৌইদ্যেনে।

সখরিয় 1:9

মুই পুযোর্ গুরিলুং, “ও মর্ প্রভু, ইয়েনি কি?” আর এক্কো স্বর্গদূত যিবে মঅ লগে কধা কোইয়্যে জোবত্ তে কোইয়্যেদে, “সিগুন কি মুই তরে দেগেম।”

মথি লেখ্যে গম্ হবর্ 13:36

পরেদি যীশু মানুচ্চুনোরে ফেলেইনে ঘরত্ সোমেল। সেক্কে তা শিচ্চ্যগুনে এইনে তারে কলাক্, “ভূইয়োর সে শ্যামাঘাসর্ হিত্ত্যবো আমারে বুঝেই দে।”

মথি লেখ্যে গম্ হবর্ 24:15

ভাববাদী দানিয়েল মাধ্যমে যে সর্বনাজ ঘিনাইদ্যে জিনিজোর্ কধা কুয়ো ওইয়্যে সিয়েন্ তুমি পবিত্র জাগাত্ থুয়ো ওইয়্যে দেগিবা। (যে পড়ে তে বুঝোক্।)

মথি লেখ্যে গম্ হবর্ 24:30

এমন্ সময়োত্ আগাজত্ মান্‌জ্য পুয়োবোর্ চিহ্নো দেগা দিবো। সেক্কে পিত্‌থিমীর্ বেক্ মানুচ্চুনে দুঘে বুগ্ চাবেড়েবাক্। তারা মান্‌জ্য পুয়োবোরে খেমতা আর মহিমার লগে মেঘ ভিদিরে এত্তে দেগিবাক্।

মার্ক 13:14

সর্বনাজ ঘিনাইদ্যে জিনিস যিয়েনত্ থানা উচিত নয়, তুমি যেক্কে সিয়েন থাগদে দেগিবা-যে পড়ে তে বুঝোক্-সে অক্তত্ যিগুনে যিহূদিয়াত্ থেবাক্ তারা মুড়োমুড়ি চাগালাত্ ধেই যাদোক্।

মার্ক 4:12

যেন তারা রিনি চান্ আর রিনি চান, যেদক্কন সং ন-দেগন; তারা শুনোদে থাদোক্ আর শুনোদোক্, যেদ্ক্কন ন-বুঝোন। সিয়েন ন-অলে তারা অয়ত গোজেন ইন্দি ফিরিবাক্ আর খেমা পেবাক্। ”

যিহোশূয় 5:14

জোবত্‌ তে কলঅ‌, “মুই কারঅ‌ পক্ষর মানুচ্‌ নয়। মুই লগেপ্রভুর সৈন্যদলর সেনাপতি; ইক্কিনে মুই ইয়েনত্‌ এচ্চ্যং।” এ কধা শুনিনে যিহোশূয় মাটিত্‌ আদু পাড়ি পড়িনে তারে সালাম্‌ গুরিলো আর পুজোর্‌ গুরিলো, “মঅ গিরোজ্‌ তা চাগর্‌বোরে কি কিজু কবাত্তে চায়?”

ফগদাং পেইয়্যে 1:13

সেই চেরাগ টগ্‌কুনোর সংমোধ্যে মান্‌জ্যপুয়োবো ধোক্ক্যেন কেঅ একজন এলঅ। তার্ কিয়্যেত্ টেং সং লাম্বা পজাক্ এলঅ আর তা বুগোত্ সনার্ ফিটে বান্ন্যে এলঅ।

ফগদাং পেইয়্যে 13:18

ইয়েনি বুঝোদে বুদ্ধির্ দরকার। যিবের্ বুদ্ধি আঘে তে সেই য়েমান্নোর্ লম্বর্‌বো গুণি চোক্, কিয়া সিবে এক্কো মান্‌জ্যর নাঙর্ লম্বর্। আর সেই লম্বর্‌বো অলঅ ছয়শ ছয়ষট্টি।