দানিয়েল 7:27 - Chakma Bible

²⁷ সে পরেদি রাজাগিরি, শাজন্ আর পিত্‌‌‌‌‌‌‌‌‌‌‌থিমীর বেক্ রেজ্যগানির খেমতা দাঙর্ গোজেনর মানুচ্চুনো আঢত্ তুলি দিয়্যে অবঅ। তারার্ রেজ্যগান অবঅ উমরর্ আর বেক্ রাজাগুনে তারারে সেবা গুরিবাক্ আর তারার্ বাধ্য অবাক্।

দানিয়েল 7:27 Iomraidhean Croise

গীতসংহিতা 72:11

বেক রাজাগুনে তাইদু মাঢা নিগিরোদোক্ আর বেক জাদ্‌তুনে তারে সেবা গোরোদোক্।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

লূকে লেখ্যে গম্ হবর্ 1:33

তে যাকোব গুট্টি মানুচ্চুনো উগুরে জনম্‌ভরা রাজাগিরি গুরিবো। তার রাজাগিরি কনদিন্অ থুম্ ন-অবঅ।”

দানিয়েল 7:14

সেই মান্‌‌‌‌‌‌‌জ্যপুয়োবোরে শাজন্, সর্মান আর রাজাগিরি গুরিবার খেমতা দিয়্যে অলঅ যেন বেক্ জাদ্‌তুনোর, দেজর্ আর ভাযার মানুচ্চুনে তারে সেবা গরন্। তার রাজাগিরি উমরর্; সিয়েন থুম্ ন-অবঅ আর তার রেজ্যগান কনদিন্‌অ ভস্ত ন-অবঅ।‌‌‌‌‌‌‌

গীতসংহিতা 22:27

পিত্‌‌থিমীর শেজ্ দুযির্ মানুচ্চুনেয়ো মন ফিরেইনে লগেপ্রভুর ইদু এবাক্; অন্য জাদর্ বেক্ গুট্টিগুনে তারে শ্রদ্ধা জানেবাক্।

দানিয়েল 7:18

মাত্তর্ শেজদি দাঙর্ গোজেনর মানুচ্চুনে শাজন্‌ পেইনে উমরত্যে, অয়, উমরত্যে রাজাগিরি গুরিবাক্।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

গীতসংহিতা 145:13

তর্ রেজ্যগান জনমভুরি থিদেবর্ গোজ্যে রেজ্য; তর্ শাজনান্ বংশর পর বংশ ধুরিনে চলিবো।

গীতসংহিতা 86:9

ও প্রভু, তর্ বানেয়্যে বেক জাদ্‌তুনে এইনে তঅ মুজুঙোত্ জু জু জানেইনে মাঢা নিগিরিবো; তারা তর্ গুনগান গুরিবাক্।

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”

দানিয়েল 7:22

যেদক্কন সং সেই বুড়োবো এইনে দাঙর্ গোজেনর মানুচ্চুনোর তপ্পে রায় ন-দিলো। ইয়েনর্ পরেত্তুন্ ধুরি গোজেনর মানুচ্চুনে রাজাগিরি গরা ধুরিলাক্।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

যিশাইয় 54:3

কিত্তে তুই ডেনে আর বাঙেদি ছিদি পড়িবে। তঅ বংশধরুনে অন্য জাদ্‌তুনোর দেজ্‌চান গজক্ গুরিবাক্ আর তারার মানুচ্ নেইয়্যে শঅরানিত্ বজত্তি গুরিবাক্।

ফগদাং পেইয়্যে 22:5

রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।

যোহন 12:34

সেক্কে মানুচ্চুনে যীশুরে কলাক্, “আমি পবিত্র বোইবোত্তুন্ শুন্ন্যেই মশীহ উমরত্তে থেবঅ। মাত্তর্ তুই কিবাবোত্যে গুরি কর্ যে, মান্‌জ্য পুয়োবোরে অজলত্ তুলো অবঅ? সালে এ মান্‌জ্যপুয়োবো কন্না?”

ওবদিয় 1:21

শাজন্‌‌গুরিয়্যেগুনে সিয়োন মুড়োবোত্তুন্ এষৌর মুড়োগুনো মানুচ্চুনোরে শাজন্‌‌ গুরিবাক, আর লগেপ্রভু রাজাগিরি গুরিবো।

দানিয়েল 4:34

সে সময়ান শেজ্ ওই গেলে পরেদি মুই নবূখদ্‌নিৎসর স্বর্গ ইন্দি রিনি চেলুং আর মর্ মনান্ গম্ পেলুং। সেক্কে মুই মহান গোজেনরে বাঈনী গুরিলুং; যিবে উমরত্যে বাঁজি আঘে মুই তারে সর্মান দেগেলুং আর তারে নাঙ্ গিনিলুং। মুই কলুং, “গোজেনর রেজ্যগান উমরর্ রেজ্য; তাঁর রাজাগিরি যুগে যুগে থিদেবর্ গোজ্যে।

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।

১ করিন্হীয় 15:24

ইয়েন পরেদি খ্রীষ্ট যেক্কে বেক্‌ শাসন-বেবস্থাগানি, অধিকার আর খেমতাগানি ভস্ত গুরিনে বাবা গোজেন আঢত্ রেজ্যগান দি দিবো সেক্কে থুম্ সময়ান এবঅ।

ফগদাং পেইয়্যে 11:1

সে পরেদি মাবেদে কাদি ধোক্ক্যেন এক্কো নলর্ লুদিক্ মরে দিয়্যে অলঅ আর কুয়ো অলঅ, “উবোসনা-ঘর আর পূজো মাপ আর যিগুনে সিধু গোজেনর্ উবোসনা গরন্ তারারে গুণো।

যিশাইয় 14:2

অন্য জাদ্‌তুনে তারারে নিইনে তারার্ নিজো দেজত্ লুমেই দিবাক্। লগেপ্রভুর দেজত্ অন্য জাদ্‌‌তুনে ইস্রায়েলীয়গুনোর চাগর্-চাগরানী অবাক্। যিগুনে তারারে বন্দী গোজ্যন্ ইক্কিনে সিগুনোরে তারা বন্দী গুরিবাক্ আর তারার অত্যেচার্ গুরিয়্যেগুনো উগুরে তারা নেতা অবাক্।

দানিয়েল 6:26

মুই উগুম দুয়োঙর্, মঅ রেজ্যর্ বেক মানুচ্চুন যেন দানিয়েলর গোজেনরে দরান্ আর ভক্তি গরন, কিত্যে তেয়ই জেদা গোজেন আর উমরত্যে থিদেবর্। তার রেজ্যগান ভস্ত ন-অবঅ, তার রাজাগিরি কনদিন্‌অ থুম্ ন-অবঅ।