দানিয়েল 7:16 - Chakma Bible

¹⁶ যিগুনে সিয়েনত্ থিয়্যেই এলাক্ মুই তারার্ একজন ইধু উজেই যেইনে এ বেক্কানির্ ভেদ্‌‌তান্ পুযোর্ গুরিলুং। সেক্কে তে মরে এ কধাগান কোইনে সেই বেক্কানির ভেদ্‌তান্ বুঝেই দিলো,

দানিয়েল 7:16 Iomraidhean Croise

দানিয়েল 7:10

তা মুজুঙোত্তুন্ এক্কান আগুনো গাঙ্ নিগিলিনে বেঈ যার্। আজার্ আজার্ মান্‌‌‌‌‌জ্যে তারে সেবা গত্তন্; লাখ্ লাখ্ মানুচ্ তা মুজুঙোত্ থিয়্যেই এলাক্। বিচের্ আরাম্ভ অলঅ আর বোইয়ুন খুলো অলঅ।

দানিয়েল 7:17

উই চের্‌বো দাঙর্ য়েমান অলঅ পিত্‌থিমীর চেরান রেজ্য।‌‌‌‌‌‌‌‌‌‌‌‌‌‌‌‌

দানিয়েল 8:17

মুই যিয়েনত্ থিয়্যেই এলুং তে সেই জাগান ইধু এজানার পরেদি মুই দোরেইনে মাদিত্ পড়ি গেলুং। তে মরে কলঅ, “ও মান্‌জ্যর পুয়োবো‌‌, এ দর্শনান যে শেজ্‌কালর পৌইদ্যেনে সিয়েন তুই বুঝি লঅ।”

দানিয়েল 9:22

তে মরে বুঝেইনে কলঅ, দানিয়েল, মুই ইক্কিনে তরে বুঝিবার খেমতা আর বুদ্ধি দিবাত্তে এচ্চ্যং।

সখরিয় 1:19

যে স্বর্গদুত্‌‌তো মঅ লগে কধা কোইয়্যে মুই তারে পুযোর্ গুরিলুং, “ইগুন কি?” জোবত্ তে মরে কলঅ, “ইগুন সেই শিং যিগুন যিহূদা, ইস্রায়েল আর যিরূশালেমর মানুচ্চুনোরে নানান্ জাগাত্ ছিদি দিয়্যে।”

সখরিয় 2:3

যে স্বর্গদূত্‌তো আগে মঅ লগে কধা কোইয়্যে তে যার্, এমন সময়োত্ আর এক্কো স্বর্গদূত তা লগে দেগা গুরিবাত্তে এলঅ।‌‌‌‌‌

সখরিয় 3:7

“বেগত্তুন খেমতাবলা লগেপ্রভু তরে কত্তে, ‘তুই যুনি মঅ পধেদি চলচ্ আর মর্ সেবা-কাম গরচ্ সালে তুই মঅ ঘরর্ বেক্কানি পরিচালনা গুরিবে আর মর্ উদোনর্ চেইচিদিবার ভারান্ পেবে, আর যিগুনে ইয়েনত্ থিয়্যেই আগন্ মুই তারা ধোক্ক্যেন মঅ মুজুঙোত্ এবার অধিকারান্ তরে দিম।

ফগদাং পেইয়্যে 5:5

যেরেদি নেতাগুনোত্তুন্ একজনে মরে কলঅ, “ন-কানিচ্। যিহূদা গুট্টির সিংহ, যিবে দায়ূদো গুট্টি, তে জিত্যে। তেয়ই সেই সাত্‌টো সীলমহ্‌র ভাঙিনে বোইবো মেলি পারে।”