দানিয়েল 7:13 - Chakma Bible

¹³ রেদোত্ মর্ সেই স্ববনত্ মুই রিনি চেইনে মান্‌‌‌‌‌‌‌জ্যপুয়ো ধোক্ক্যেন একজনরে আগাজ মেঘ ভিদিরে এত্তে দেগিলুং। তে সেই বুড়ো মানুচ্চো ইধু উজেই গেলে পরেদি তারে তা মুজুঙোত্ নেযা অলঅ।

দানিয়েল 7:13 Iomraidhean Croise

গীতসংহিতা 110:2

তর্ রাজকীয় খেমতাগান লগেপ্রভু সিয়োনত্তুন্ ফগদাং গুরিবো; তে কবঅ, “তঅ শত্রুগুনো সংমধ্যেত্তুন্ তুই রাজাগিরি গর্।”

গীতসংহিতা 2:8

তুই মইদু চাহ্, সেক্কে সোম্বোত্তি ইজেবে মুই তঅ আঢত্ অযিহূদী জাদ্‌তোরে দিম; পুরো পিত্‌থিমীগান তঅ গজগত্ এবঅ।

গীতসংহিতা 47:5

গোজেনে হুজির রঅবোলোই উগুরে উদি যেয়েগোই, লগেপ্রভু তূরীর রবোলোই উদি যেয়েগোই।

যিরমিয় 49:19

“যর্দনর ঝাড়ত্তুন্ সিংহ যেবাবোত্যেগুরি উদি এইনে গম্ চড়েদে ভূইয়োত্ শিগের্ গুরিবাত্তে যায় সেবাবোত্যেগুরি মুই কানক্কণ্ ভিদিরে ইদোমরে তা দেজত্তুন্ লোড়েই দিম। মুই তা উগুরে মর্ বেঈ লোইয়্যে মানুচ্চোরে নেযেম। কন্না মর্ সং সং? কন্না মঅ বিরুদ্ধে থিয়্যেই পারে? কন্ পালকে মঅ মুজুঙোত্ টিগি থেই পারে?”

যিহিষ্কেল 1:26

সিয়েনত্ নীলকান্তমণির সিংহাসন ধোক্ক্যেন কিজু এক্কান দেগা গেলঅ। সেই অজলত্ থেইয়্যে সিংহাসন উগুরে মান্‌‌জ্য সাইজো ধোক্ক্যেন একজনরে দেগা গেলঅ।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

দানিয়েল 7:12

অন্য য়েমানুনোত্তুন্ খেমতা নেযা অলঅ মাত্তর্ ঠিগ্ গোজ্যে সময় তারারে বাঁজিবাত্তে দিয়্যে অলঅ।

দানিয়েল 7:22

যেদক্কন সং সেই বুড়োবো এইনে দাঙর্ গোজেনর মানুচ্চুনোর তপ্পে রায় ন-দিলো। ইয়েনর্ পরেত্তুন্ ধুরি গোজেনর মানুচ্চুনে রাজাগিরি গরা ধুরিলাক্।

দানিয়েল 7:9

পরেদি মুই দেগিলুং কয়েক্কান সিংহাসন রাগা অলঅ আর অমকদ বুড়ো এক্কো তা সিংহাসনানত্ বুজিলো। তা কাবড়-চুগোড়ানি বরফ ধোক্ক্যেন ধুব্ আর তা মাঢাবো চুলানি ধুব্ কেজ ধোক্ক্যেন। তার সিংগাসনান্ আর সিংহাসনর চাক্কাগুন যেন আগুনো ধোক্ক্যেন জ্বলের্।

দানিয়েল 8:15

মুই দানিয়েল যেক্কে দর্শনর্ ভেদ্‌তান্ বুঝিবার চেট্ট্যা গুরিলুং সেক্কে মান্‌‌জ্য ধোক্ক্যেন চাদে এক্কো মঅ মুজুঙোত্ এইনে থিয়্যেল।

মথি লেখ্যে গম্ হবর্ 13:41

যিগুনে অন্যগুনোরে পাপ গরান্ আর যিগুনে নিজে পাপ গরন্ তারারে বেক্কুনোরে সেই স্বর্গদূত্‌তুনে মান্‌জ্যপুয়োবোর্ রেজ্যত্তুন্ একলগে এগত্তর্ গুরিবাক্ আর জ্বোল্‌জোল্যে আগুনো ভিদিরে ফেলে দিবাক্।

মথি লেখ্যে গম্ হবর্ 24:30

এমন্ সময়োত্ আগাজত্ মান্‌জ্য পুয়োবোর্ চিহ্নো দেগা দিবো। সেক্কে পিত্‌থিমীর্ বেক্ মানুচ্চুনে দুঘে বুগ্ চাবেড়েবাক্। তারা মান্‌জ্য পুয়োবোরে খেমতা আর মহিমার লগে মেঘ ভিদিরে এত্তে দেগিবাক্।

মথি লেখ্যে গম্ হবর্ 25:31

মান্‌জ্য পুয়োবো বেক্ স্বর্গদূত্‌তুনোরে সমারে লোইনে যেক্কে নিজোর্ মহিমালোই এবঅ সেক্কে তে রাজা ইজেবে তা সিংহাসনত্ মহিমার্ লগে বুজিবো।

মথি লেখ্যে গম্ হবর্ 26:64

সেক্কে যীশু তারে কলঅ, “অয়, তুই ঠিগই কোইয়োচ্। মাত্তর্ মুই তমারে ইয়েন্অ কঙর্, ইয়েনর্ পরেদি তুমি মান্‌জ্য পুয়োবোরে বেগত্তুন্ খেমতাবলা গোজেন ডেনেদি বুয়োই থাগদে আর মেঘ সমারে এত্তে দেগিবা।”

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

মথি লেখ্যে গম্ হবর্ 8:20

যীশু তারে কলঅ, “শিয়েলর্ গাঢ্ আঘে আর পেগোর্ পেগোবা আঘে, মাত্তর্ মান্‌জ্য পুয়োবোর্ মাঢা থবার্ জাগা কনমিক্ক্যে নেই।”

মার্ক 13:26

সে সময়োত্ মানুচ্চুনে মান্‌‌জ্যপুয়োবোরে দাঙর্ খেমতালোই আর মহিমালোই মেঘ ভিদিরে পিত্‌‌থিমীত্ এবাত্তে দেগিবাক্।

লূকে লেখ্যে গম্ হবর্ 21:27

সে অক্তত্ দাঙর্ খেমতালোই আর মহিমালোই মান্‌জ্যপুয়োবোরে তারা মেঘ ভিদিরে গুরি এত্তে দেগিবাক্।

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

লূকে লেখ্যে গম্ হবর্ 24:27

ইয়েন পরেদি তে মোশির আর বেক্‌ ভাববাদীগুনোর্ লেগাত্তুন্ আরাম্ব গুরিনে গোদা পবিত্র বোইবো ভিদিরে তা নিজো পৌইদ্যেনে যিয়েনি যিয়েনি লেগা আঘে সিয়েনি বেক্কানি তারারে বুঝেই কলঅ।

যোহন 12:34

সেক্কে মানুচ্চুনে যীশুরে কলাক্, “আমি পবিত্র বোইবোত্তুন্ শুন্ন্যেই মশীহ উমরত্তে থেবঅ। মাত্তর্ তুই কিবাবোত্যে গুরি কর্ যে, মান্‌জ্য পুয়োবোরে অজলত্ তুলো অবঅ? সালে এ মান্‌জ্যপুয়োবো কন্না?”

যোহন 3:13

যে স্বর্গত্ থায় আর স্বর্গত্তুন্ লামি এচ্চ্যে সেই মান্‌জ্যপুয়োবো বাদে আর কনজনে স্বর্গত্ ন-উদোন্।

যোহন 5:27

বাবে পুয়োবোরে মান্‌জ্যর্ বিচের গুরিবার্ খেমতা দিয়্যে, কিয়া তে মান্‌জ্যপুয়ো।

প্রেরিত্‌ 7:56

“চঅ, মুই দেগঙর্ স্বর্গগান খুলো আঘে আর গোজেনর্ ডেনেদি মান্‌জ্যপুয়োবো থিয়্যেই আঘে।”

১ থিষলনীকীয় 4:17

সে পরেদি আমি যিগুনে জেদা আর বাগী থেবং, আমারেয়ো আগজত্ প্রভু লগে মিজেবাত্যে তারা সমারে মেঘ ভিদিরে তুলি নেযা অবঅ। আর এবাবোত্যেগুরি আমি উমরত্যে প্রভু সমারে থেবং।

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

ইব্রীয় 2:14

সেই পুয়োগুনে অলাক্ লো-য়েরাবলা মানুচ্‌। সেনত্যে যীশু নিজেয়ো লো-য়েরাবলা মানুচ্‌ অলঅ, যেনে মরণর খেমতাগান যিবে আঢত্ আঘে সেই শদানরে তে নিজোর মরণানরে দিইনে বল্‌‌পোজ্যে গরে,

ইব্রীয় 9:24

আজল পবিত্র জাগানর নকল ইজেবে মান্‌জ্য আঢে বানেয়্যে কনঅ পবিত্র জাগানত্ খ্রীষ্ট ন-সমায়, বরং সিয়েনর্ বদলে তে স্বর্গত্ সোমেয়্যে যেনে তে আমার্ ওইনে গোজেন মুজুঙোত্ ইক্কিনে আঝিল্ ওই পারে।

ফগদাং পেইয়্যে 1:13

সেই চেরাগ টগ্‌কুনোর সংমোধ্যে মান্‌জ্যপুয়োবো ধোক্ক্যেন কেঅ একজন এলঅ। তার্ কিয়্যেত্ টেং সং লাম্বা পজাক্ এলঅ আর তা বুগোত্ সনার্ ফিটে বান্ন্যে এলঅ।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 1:7

চঅ, তে মেঘ সমারে এজের্। পত্তিজনর্ চোগেদি তারে দেগিবাক্; যিগুনে তারে পেরেক্ মাজ্জ্যন্ তারায়ো দেগিবাক্ আর পিত্‌থিমীর বেক্‌ জাদ্‌তুনে তাত্যেই গুজুরি গুজুরি কানিবাক্। সিয়েনই ওক্‌, আমেন।

ফগদাং পেইয়্যে 14:14

যেরেদি মুই রিনি চেইনে এক্কান্ ধূব্ মেঘ দেগিলুং, আর সেই মেঘ্‌কান উগুরে মান্‌জ্য পুয়োবো ধোক্ক্যেন কেঅ একজন বৈ এলঅ। তা মাঢাবোত্ জিদেনার্ সনার মুকুট এলঅ আর আঢত্ এলঅ ধার্‌বলা চারি।