দানিয়েল 7:1 - Chakma Bible

^1-2 বাবিল রাজা বেল্‌‌‌শৎসরর রাজাগিরির্ পত্তম্ বজরত্ দানিয়েলে বিচ্চোনত্ পড়িনে ভালোক্কানি স্ববন্ দেগিলো আর তা স্ববনর্ সাপ্তাবোর্ বেপারান্ তে এধোক্ক্যেনগুরি লিগিলো: রেদোত্ স্ববন ভিদিরে মুই দেগিলুং, আগাজর্ চেরান বোইয়্যেরে বড়্ সাগরানরে উলোত্ পালত্ গরের্।

দানিয়েল 7:1 Iomraidhean Croise

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

পত্থম 46:2

গোজেনে রেদোত্‌ ইস্রায়েলরে দর্শন দিইনে তা সমারে কধা কলঅ। তে ডাগিলো “যাকোব, যাকোব।” যাকোবে জোব্ দিলো, “এইয়্যে দঅ মুই।”

ইয়োব 4:13

রেদোত্‌ মান্‌জ্যে যেক্কেনে অঘোর্‌ গুরিনে ঘুমোন্‌ সেক্কেনে স্ববন্‌ দেগিনে মুই সিলিবিলি অলুং;

যিশাইয় 30:8

তুই ইক্কিনে এ কধাগান্ এক্কো আড়ুগোত্ আর এক্কো বোইয়োত্ লিগি রাগা, যেনে এজেত্তে দিনুনোত্ সিবে ইস্রায়েলীয়গুনোত্তে এক্কো জিংকানিবরর্ সাক্ষ্য ওই থায়।

যিশাইয় 8:1

লগেপ্রভু মরে কলঅ, “তুই এক্কান দাঙর্ আরুগ্ লোইনে সিয়েন উগুরে সাধারন মান্‌জ্যর্ আঢ লেগা ইজেবে এ কধাগান লেগ্, মহের-শালল-হাশ-বস (যিয়েনর ভেদ্‌তান্ ‘যাদিমাদি লুদোনা, যাদিমাদি গজক্ গুরি নেযানা’)।

যিরমিয় 23:28

যে ভাববাদীবো স্ববন দেখ্যে তে তার স্ববনর্ কধা স্ববন ইজেবে কোক্, মাত্তর্ যে মঅ কধানি পেইয়্যে তে সিয়েন বিশ্বেজর্ লগে কোক্; কিত্তে শোজ্য ইধু খেড়র কনঅ দাম নেই।

যিরমিয় 27:7

যেদকদিন সং তা দেজর্ সময় ন-এজে সেদকদিন সং বেক্ জাদ্‌তুন তার, তা পুয়োগুনোর আর তা নাদিনুনোর চাগর্ অবাক্; সে পরেদি বোউত্ জাদে আর দাঙর্ দাঙর্ রাজাগুনে তারে তারা অধিনোত্ আনিবাক্।‌‍‌‌‌‌‍‍‍

যিরমিয় 36:32

সেক্কে যিরমিয় আর এক্কো ভাজ্ গুরি থোইয়্যে বোই নিইনে নেরিয়র পুয়ো লিগিয়্যে বারূকরে দিলো; যিহূদার রাজা যিহোয়াকীমে যে বোইবো আগুনোত্ পুড়ি দিয়্যে সিয়েনত্ যেদক্কানি লেগা এলঅ সেই বেক কধানি যিরমিয় মুয়োত্তুন্ শুনিনে বারূকে আরঅ লিগিলো। সেবাবোত্যে আরঅ বোউত্ কধায়ো সিবে সমারে মিজে অলঅ।

যিরমিয় 36:4

সেক্কে যিরমিয় নেরিয়র পুয়ো বারূকরে ডাগিলো আর লগেপ্রভু যিরমিয়রে যেদক্কানি কধা কোইয়্যে সিয়েনি তা মুয়োত্তুন্ শুনিনে বারূকে ভাজ্ গুরি রাগেয়্যে সেই বোইবোত্ লিগিলো।

যিহিষ্কেল 1:1

ত্রিশ বজরর্ চের্ মাজর্ পাচ্ দিনোত্ মুই যেক্কে কবার গাঙ পারত্ বন্দীগুনো ভিদিরে এলুং সেক্কে আগাজ্‌‌‌চান খুলি গেলঅ আর মুই গোজেনর দর্শন পেলুং।

যিহিষ্কেল 40:2

গোজেনর দিয়্যে দর্শনানর ভিদিরেদি তে মরে ইস্রায়েল দেজত্ নেযেইনে এক্কান অমকদ অজল্ মুড়ো উগুরে রাগেল। সেই মুড়োবোর্ দোগিণেদি কয়েক্কান বিল্ডং এলঅ যিগুন চাদে শঅর ধোক্ক্যেন্।

দানিয়েল 1:17

এ চের্‌জন গাবুজ্যেরে নানান্ বাবোত্যে সাহিত্য আর বিদ্যেদি জ্ঞানবান গুরিবার আর বুঝিবার খেমতা দিলো; আর দানিয়েলে নানান্ বাবোত্যে দর্শন আর স্ববন পৌইদ্যেনে বুঝি পারিদো।

দানিয়েল 2:1

নবূখদ্‌নিৎসরর্ রাজাগিরির্ দ্বিবজরত্ তে স্ববন দেগিলো; সেক্কে তা মনান্ থিদেনেইয়্যে অলঅ, তে ঘুম যেই ন-পারিলো।

দানিয়েল 2:26

দানিয়েল, যিবেরে বেল্টশৎসর নাঙে ডাগা অদঅ তারে রাজা পুযোর্ গুরিলো, “তুই কি মর্ স্ববনান্ আর সিয়েনর ভেদ্‌তান্ মরে কোই দি পারিবে?”

দানিয়েল 4:13

বিচ্ছোনত্ পড়িনে সেই দর্শনর্ মাধ্যমে রিনি চেইনে দেগিলুং যে, এক্কো পবিত্র চুগিদার স্বর্গত্তুন্ লামি এলঅ।

দানিয়েল 4:5

মুই যেক্কে বিচ্চোনত্ পোজ্যে এলুং সেক্কে এক্কান স্ববন্ দেগিনে দোরেলুং; সে স্ববনত্ মুই যিয়েনি যিয়েনি দেগিলুং সিয়েনি মঅ মনত্ দর্‌‌‌‌‌‌‌বুক্ সোমেল।

দানিয়েল 5:1

এক সময় রাজা বেল্‌‌‌‌‌শৎসরে তার এক আজার্ আজল্ মানুচ্চুনোত্তে এক্কো দাঙর্ হানা দিলো আর তে তারা সমারে আংগুর-রস খার্।

দানিয়েল 5:22

মাত্তর্ ও বেল্‌শৎসর, তুই তা নাদিন্; তুই বেক্কানি হবর্ পেইনেয়ো নিজোরে চিগোন্ নঅ গরচ্।

দানিয়েল 5:30

সেই রেদোত্ বাবিলীয়গুনোর রাজা বেল্‌‌‌শৎসররে মারে ফেলা অলঅ,

দানিয়েল 7:13

রেদোত্ মর্ সেই স্ববনত্ মুই রিনি চেইনে মান্‌‌‌‌‌‌‌জ্যপুয়ো ধোক্ক্যেন একজনরে আগাজ মেঘ ভিদিরে এত্তে দেগিলুং। তে সেই বুড়ো মানুচ্চো ইধু উজেই গেলে পরেদি তারে তা মুজুঙোত্ নেযা অলঅ।

দানিয়েল 7:15

সেক্কে মুই দানিয়েলর্ স্ববনানত্ মনত্ দুঘ পেলুং আর মুই যিয়েনি যিয়েনি দেখ্যং সিয়েনি মরে কাঙেলেত্যেত্ ফেলেল।

দানিয়েল 7:7

রেদোত্ মর্ সেই স্ববনত্ মুই চের্ লম্বর য়েমান্নো দেগিলুং। সিবে অলদে দর্‌‌‌‌গরেপারা, দর্ লাগেয়্যে আর অমকদ বোলী। তার দাঙর্ দাঙর্ লুয়োর্ দাত্ এলাক্। তা শিগের্‌‌‌‌বোরে তে কট্টা গুরি গিলি ফেলেল আর যিয়েন বাগি রলঅ সিয়েন টেঙোই উরিলো। ইবে আগ য়েমান্নোত্তুন্ যুদো এলঅ আর তার দোশ্‌‌‌‌‌চুয়ো শিং এলাক্।

দানিয়েল 8:1

রাজা বেল্‌‌‌‌‌‌‌‌‌‌‌‌শৎসরর রাজাগিরির তিন বজরত্ মুই দানিয়েল আর এক্কান দর্শন পেলুং।

যোয়েল 2:28

সে পরেদি মুই বেক্ মানুচ্চুনো উগুরে মঅ আত্মাগান ঢালি দিম। সেক্কে তঅ পুয়োগুনে আর ঝিগুনে ভাববাদী ইজেবে গোজেন কধা কবাক্, তমা বুড়ো মানুচ্চুনে স্ববন দেগিবাক্ আর তমা গাবুজ্যেগুনে দর্শন পেবাক্।

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

হবক্‌‌‌‌কূক 2:2

সেক্কে জোবত্ লগেপ্রভু কলঅ, এ দর্শনানর কধাগান লেগ্ আর পাত্তর ফলগ উগুরে খুনিনেই গমেডালে গর্ যেনে সিয়েন সহজে পড়া যায়,‌

রোমীয় 15:4

পবিত্র বোইবোত্ যিয়েনি আগে লেগা ওইয়্যে সিয়েনি আমার্ শিক্ষ্যাত্যে লেগা ওইয়্যে, যাতে সেই বোইবোত্তুন্ আমি ধৈজ্জ্য আর উচ্চোমি পেই আর সিয়েনর্ কারনে আজা পেই।

২ করিন্হীয় 12:1

মত্তুন্ আরঅ এক্কেনা দেমাগ্ দেগা পরের্। যুনিয়ো সিয়েনত্ কনঅ লাভ নেই তো প্রভু যেদক্কানি দর্শন মরে দেগেয়্যে আর যিয়েনি মইধু ফগদাং গোজ্জ্যে সে পৌইদ্যেনে মুই ইক্কিনে কোম্।

ফগদাং পেইয়্যে 1:19

ইয়েনত্যে তুই যিয়েনি দেগিলে, যিয়েনি ইক্কিনে ঘদের্ আর ইয়েনির্ পরেদি যিয়েনি ঘুদিবো সিয়েনি লিগি থঅ।

ফগদাং পেইয়্যে 10:4

যেক্কে সাত্‌টো দেবা পেরাগ পড়েদে আবাজ্ অলঅ সেক্কে মুই লিগিবাত্যে যুক্কোল অলুং। মাত্তর্ স্বর্গত্তুন্ মরে এ কধাগান কুয়ো অলঅ, “সাত্‌টো দেবা পেরাগ্ যে কধাগান কলঅ সিয়েন গুমুরোত্ থঅ, ন-লিগিচ্।”