দানিয়েল 6:7 - Chakma Bible

⁷ বেক্ রাজ-পরিচালক্‌কুন, রেজ্যগানির্ পরিচালক‌্‌কুন্ আর শাজন্‌গুরিয়্যেগুন, সল্লাদিয়্যেগুন আর চাগালার্ শাজন্‌গুরিয়্যেগুন বেক্কুনে এ কধাগান রাজী ওইয়োন্ যে, মহারাজে যেন এক্কান কড়া উগুম জারি গরে। সেই উগুমান অলঅ, ইয়েনর পরেদি ত্রিশ দিন যুনি কনজনে, ও মহারাজ, তুই বাদে কনঅ দেবেদা বা মান্‌জ্য ইধু তবনা গরন সালে তারে সিংহ গাদত্ ফেলেই দিয়্যে অবঅ।

দানিয়েল 6:7 Iomraidhean Croise

গীতসংহিতা 10:9

তে আন্দলত্তুন্ সিংহ ধোক্ক্যেন্ গুরি হাফ্ দি থায়; দুঘি মানুচ্চোরে ধুরিবাত্তে তে সিয়েন গরে, জালত্ ফেলেইনে তে তারে ধরে।

গীতসংহিতা 2:2

লগেপ্রভু আর তার্ মশীহর্ বিরুদ্ধে পিত্‌থিমীর রাজাগুনে একসমারে থিয়্যেদন্ আর শাজন্‌গুরিয়্যেগুনে গুমুরো তেম্মাং গত্তন্।

গীতসংহিতা 59:3

তারা মত্তেই হাফ্ দি আগন, দর্‌গরেপারা মানুচ্চুনে মঅ উগুরে আক্রমন আরাম্ভ গোজ্যন্; ও লগেপ্রভু, সিয়েন মর্ কনঅ অন্যেয় বা পাপত্তে নয়।

গীতসংহিতা 59:5

ও বেগত্তুন্ খেমতাবলা লগেপ্রভু গোজেন, ইস্রায়েলর গোজেন, তুই বেক্ জাদ্‌তুনোরে সাজা দিবাত্তে উঠ্; পাজি কুজুরোমিগুনো উগুরে কনঅ মেয়্যে ন-দেগেচ্।

গীতসংহিতা 62:4

তার দাঙর্ পথ্‌তানত্তুন্ তারে তলেন্দি লামেই দেনা তারার বানা এক্কান ফন্দি; মিজে কধালোই তারার ফুত্তি। মুয়োন্দি তারা বর্ দুয়োন্ মাত্তর্ মনেদি অভিশাব্ দুয়োন।

গীতসংহিতা 83:5

তারা এক্ মনা ওইনে কুজুরোমি গোজ্যন্; যিগুনে তমা বিরুদ্ধে চুক্তি গোজ্যন্ তারা অলাক্-

গীতসংহিতা 94:20

বজং শাজন্‌গুরিয়্যেগুনে বজং কামত্যে সুদোম বানান্; তঅ সমারে তারার কি কনঅ উদোলোলি থেই পারে?

দানিয়েল 2:4

সেক্কে গোণোক্ক্যেগুনে অরামীয় কধাদি রাজারে কলাক্, “ও মহারাজ, তুই জিংকানিবর্ বাঁজি থাক্। তুই স্ববনান্ তঅ চাগরুনোরে কঅ, আমি সিয়েনর ভেদ্‌তান্ কোই দিবোং।”

দানিয়েল 3:11

মাত্তর্ যে মাঢা নিগিরি পড়িনে জু জু ন-জানেব তারে দোগ্‌দোক্যে আগুনো চুলোত্ ফেলেই দিয়্যে অবঅ।

দানিয়েল 3:2

সে পরেদি তে সেই মূত্তিবোর্ থিদেবর অনুষ্ঠানত্ এবাত্তে রেজ্যর্ শাজন্‌গুরিয়্যেগুনোরে আর আজল্ পরিচালক্কুনোরে, বিভাগর শাজন্‌গুরিয়্যেগুনোরে, মন্ত্রীগুনোরে, কেসিয়ারুনোরে, দাঙর্ বিচেরক্কুনোরে, অন্য বিচেরক্কুনোরে আর অন্য বেক্ দাঙর্ পদত্ কামগুরিয়্যেগুনোরে ডাগিলো।

দানিয়েল 3:27

সেক্কে রেজ্যগানির শাজন্‌গুরিয়্যেগুনে আর আজল্ পরিচালক্কুন, বিভাগর শাজন্‌গুরিয়্যেগুন আর অন্য বেক্ দাঙর্ পদথ্ কামগুরিয়্যেগুনে তারা ইধু এইনে ভির্ গুরিলাক্। তারা দেগিলাক্ আগুন তারার কিয়্যেগানিরে কনঅ খেতি ন-গরে, তারা মাঢাগুনোত্তুন্ এক্কান চুল্‌অ ন-পড়ে, কাবড়-চুগোর্‌অ বর্‌‌বাত ন-অয় আর তারা কিয়্যেত্ আগুনোর্ বাচ্অ নেই।

দানিয়েল 3:6

যে মানুচ্চুনে মাঢা নিগিরি পড়িনে জু জু ন-জানেবাক্ তারে সেক্কে জোল্‌জোল্যে আগুনো চুলোত্ ফেলে দিয়্যে অবঅ।‌‌”

দানিয়েল 6:16

যেরেদি রাজা উগুম দিলো আর মানুচ্চুনে দানিয়েলরে আনিনে সিংহ গাদত্ ফেলেই দিলাক্। সেক্কে রাজা দানিয়েলরে কলঅ, “তুই নিত্য যিবেরে সেবা গরচ্ সেই গোজেনে যেন তরে রোক্ষ্যে গরে।”

দানিয়েল 6:22

মর্ গোজেনে তার্ দূত পাধেইনে সিংহগুনোর মুয়োনি বানি দিয়্যে। তারা মরে আঘাত্ ন-গরন, কিত্যে গোজেনর চোগেদি মুই নিদ্দুযি এলুং। ও মহারাজ, তঅ মুজুঙোত্অ মুই কনঅ দুষ ন-গরং।”

মীখা 6:5

ও মঅ মানুচ্চুন, মোয়াবর রাজা বালাক যে সল্লাগান গোজ্যে আর বিয়োরর পুয়ো বিলিয়মে কি জোব্ দিয়্যে সিয়েন ইদোত্ তুলি চঅ। শিটীমত্তুন্ গিল্‌‌‌‌‌‌‌‌‌‌‌‌গল সং তমার্ যানার্ কধা ইদোত্ তুলো যেনে তুমি মর্ উদ্ধোর্ গোজ্যে কামানি হবর্ পঅ।”

নহূম 2:12

সিংহ তা ছঅগুনোত্তে যদেষ্ট য়েমান্ মারিদো আর তার সিংহীগুনোত্তে গত্তনা চিবি মারিদো বোউত্ য়েমান্; তে তার্ মারে ফেলেয়্যে য়েমান্দোই তার্ থেবার জাগায়ান আর ছিনিনে কট্টা গোজ্যে য়েমান্দোই তা গাঢ্‌‌তো ভোরেদ।

মথি লেখ্যে গম্ হবর্ 12:14

সেক্কে ফরীশীগুনে বারেদি গেলাক্ আর যীশুরে মারে ফেলেবাত্তে তা বিরুদ্ধে তেম্মাং গরা ধুরিলাক্।

মার্ক 15:1

আজল্ ধর্মগুরুগুনে বেন্যেপোত্যে বুড়ো নেতাগুনো লগে, ধর্ম-মাষ্টরুনো লগে আর দাঙর্ তেম্মাঙত্ বেক মানুচ্চুনো সমারে এক্কান্ সল্লা গুরিলাক্। সে পরেদি তারা যীশুরে বানি নেযেইনে তারে রোমীয় আজল্ শাসনগুরিয়্যে পীলাত আঢত্ দিলাক্।

যোহন 12:10

সেক্কে আজল্ ধর্মগুরুগুনে লাসাররেয়ো মারে ফেলেবাক্ বিলি ঠিগ্ গুরিলাক্,