দানিয়েল 6:23 - Chakma Bible

²³ সেক্কে রাজা অমকদ হুজি অলঅ আর সেই গাদ্‌‌‌‌‌তোত্তুন্ দানিয়েলরে তুলি আনিবার উগুম দিলো। দানিয়েলরে তুলোনার পরেদি তা কিয়্যেত্ কনঅ আঘাত্ দেগা ন-গেলঅ, কিত্যে তে তার গোজেন উগুরে বিশ্বেজ্ গোজ্যে।

দানিয়েল 6:23 Iomraidhean Croise

১ রাজাবলী 5:7

শলোমনত্তুন্‌ এ হবরান্‌ পেইনে হীরমে অমকদ হুজি ওইনে কলঅ, “এচ্যে লগেপ্রভুর বাঈনী ওক্‌, কিত্তেই এ দাঙর্‌ জাদ্‌তো উগুরে রাজাগিরি গুরিবাত্তে দায়ূদোরে তে এন্‌ ইক্কো জ্ঞানী পূঅ দান গোজ্যে।”

১ বংশধর 5:20

ইগুনো সমারে যুদ্ধো গুরিবার্‌ সময়োত্‌ গোজেনে তারারে বল্‌ দিয়্যে। তে হাগরীয় আর তারা পক্ষেন্দি বেক্‌ মানুচ্চুনোরে তারা আদত্‌ তুলি দিয়্যে, কিত্তে যুদ্ধোত্‌ তারা গোজেন ইদু তবনা গোজ্যন্‌। তারা তা উগুরে বিশ্বেজ্ গোজ্যন্‌ বিলিনে তে তারার্‌ তবনা জোবপান্‌ দিয়্যে।

২ বংশধর 20:20

তার্‌ কেল্যে বেন্যেপোত্যে তারা তকোয় ধূল্যেচর-চাগালা ইন্দি যাহ্ ধুরিলাক্‌। তারা যেবার্‌ আগেন্দি যিহোশাফটে থিয়্যেইনে কলঅ, “ও যিহূদা আর যিরূশালেম মানুচ্চুন, মঅ কধাগান শুনো। তুমি তমার্‌ গোজেন লগেপ্রভু উগুরে বিশ্বেজ্‌ গরঅ, সালে তুমি ঠিগ্‌ থেই পারিবা। তা ভাববদীগুনো উগুরে বিশ্বেজ্‌ রাগ, সেক্কে তুমি ফোলেবা।”

গীতসংহিতা 18:21

কিয়া লগেপ্রভুর পধেদি মুই আঢাউদো গোজ্যং; ভান্ন্যেই কাম গুরিনে মঅ গোজেনর্ কায়-কুরেত্তুন সুরি ন-যাং।

গীতসংহিতা 37:40

লগেপ্রভুই তারারে সাহায্য আর রোক্ষ্যে গরে; পাজিগুনোর আঢত্তুন তেয়ই তারারে উদ্ধোর গরে, আর তেয়ই তারারে বাঁজাই, কিয়া তারা তাইদু আশ্রয় নেযেয়োন।

যাত্রা 18:9

মিসরীয়গুনো আদত্তুন্‌ ইস্রায়েলীয়গুনোরে উদ্ধোর্‌ গুরিবাত্তে যেইনে লগেপ্রভু তারারে যেদক্কানি এজাল্‌ দিয়্যে সিয়েনত্তেই যিথ্রো হুজি ওইনে কলদে, “ধন্য লগেপ্রভু, যিবে ফরৌণ আর মিসরীয়গুনো আদত্তুন্‌ তমারে উদ্ধোর্‌ গোজ্যে! এই বেক্‌ মানুচ্চুনোরে তেয়ই মিসরীয়গুনো আদত্তুন্‌ উদ্ধোর্‌ গোজ্যে।

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

যিশাইয় 26:3

যিবের্ মনান্ তঅ উগুরে থির্ আঘে তারে তুই পুরো সুগে-শান্দিয়্যে রাগেবে, কিত্তে তে তঅ উগুরে বিশ্বেজ্ গরে।

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

দানিয়েল 3:25

তে কলঅ, “মাত্তর্ মুই চের্‌‌‌‌‌‌‌‌‌‌‌‌‌‌জন মান্‌জ্যরে আগুনো সংমোধ্যে ঘুরি বেড়াদে দেখ্যং। তারা বান্যে অবস্থায় নেই আর তারার্ কনঅ খেতিও ন-অয়, আর চের্ লম্বর্ মানুচ্চোরে রিনি চাদে দেবেদা ধোক্ক্যেন লাগের্।”

দানিয়েল 6:14

রাজা এ কধাগান শুনিনে অমকদ দুঘ্ পেলঅ; দানিয়েলরে তে রোক্ষ্যে গুরিবো বিলিনে মনে মনে থির্ গুরিলো আর তারে উদ্ধোর গুরিবাত্তে বেলান ন-ডুবে সং বেক্ চেরেস্‌‌‌টানি গুরিলো।

দানিয়েল 6:18

যেরেদি রাজা রাজঘরত্ ফিরি যেইনে কিচ্চু ন-হেইনে রেত্তো কাদেল আর তাত্তে কনঅ রঙ্গ-ফুত্তির্ বেবস্থা গুরিবাত্তে ন-দিলো। তে সারা রেত্ ঘুম যেই ন-পারিলো।

মার্ক 9:23

যীশু তারে কলঅ, “ ‘যুনি গুরি পারচ্,’ এ কধাগানর অত্তগান্ কি? যে বিশ্বেজ্ গরে তাত্তেই বেক্কানি সম্ভব।”

ইব্রীয় 11:33

বিশ্বেজর্ মাধ্যমে তারা রেজ্য জিত্যন্, দোল্ বিচের্ গোজ্জ্যন, গোজেন এগেমর্ পূর্ণতাগান লাভ গোজ্জ্যন, সিংহগুনো মুয়োন বন্ধ গোজ্জ্যন্,