দানিয়েল 6:2 - Chakma Bible

² তারা উগুরে থেবাক্ তিন্নো রাজ-পরিচালক। সেই তিনজন ভিদিরে দানিয়েলে এলদে একজন। এ তিনজন ইধু সেই শাজন্‌গুরিয়্যেগুনে দায়ী থেবাক্ যেনে মহারাজর্ কনঅ খেতি ন-অয়।

দানিয়েল 6:2 Iomraidhean Croise

ইষ্রা 4:22

উজিয়ার্, এই কামত্ যেন এলাফেলা গরা ন অয়। কিত্যে রাজ-সরকারর খেতিগান্ বাড়িবাত্তে দিয়্যে অবঅ?”

ইষ্টের 7:4

কিত্যে ভস্ত গুরিবার্, অত্তাৎ মারে ফেলেবার বা এক্কুবারে শেজ্‌ গুরিবাত্তে মরে আর মঅ জাদর্‌ মানুচ্চুনোরে বিজি দিয়্যে ওইয়্যে। যুনি আমার্‌ বানা চাগর্‌ আর চাগরানী অবাত্তে বিজি দিয়্যে অদঅ সালে মুই জুরো গুরি থেদুঙ্‌, কিত্যে সেবাবোত্যে দুঘো কধা মহারাজরে জানানা উজিত্‌ ন-অদঅ।”

গম্ উপদেজ্ 26:6

যে মানুচ্চো বিবেচনা নেইয়্যে মান্‌জ্যর আঢে হবর্ পাদায় তে যেন নিজো টেঙ্ কাবি ফেলায় আর দজা ডাগি আনে।

গম্ উপদেজ্ 3:16

তার্ ডেন্ আঢেদি আঘে বোউত্ আয়ু, বাঙ্ আঢেদি আঘে ধন আর সর্মান।

দানিয়েল 5:16

ইক্কিনে মুই শুনিলুং যে, তুই গুমুরো বিষয়র্ ভেদ্‌তান্ কোই দিদে আর দরমর সমস্যার সমাধান দি পারচ্। তুই যুনি এ লেগাগান পড়িনে মরে সিয়েনর ভেদ্‌তান্ কোই দি পারচ্ সালে তরে বিগুনো রঙ কাবড় উরো অবঅ আর গত্তনাত্ সনার নেগেলেচ্ দিয়্যে অবঅ আর তুই এই রেজ্যর্ তিনজন রাজা ভিদিরে একজনর পোজিশন্ পেবে।”

দানিয়েল 5:29

সেক্কে বেল্‌‌‌শৎসরর উগুমে দানিয়েলরে বিগুনো রংয়র্ কাবড় উরেই দিয়্যে অলঅ আর তা গত্তনাবোত্ সনার্ নেগেলেচ্ পিনে অলঅ। তারে রেজ্যর্ তিনজন রাজা ভিদিরে একজনর্ পোজিশন দিবার কধা ফগদাং গরা অলঅ।

দানিয়েল 5:7

সেক্কে রাজা রঅ ছাড়ি ছাড়ি ডাগিনে ভূদো ওঝা, জ্যোতিষী আর গোণোক্ক্যেগুনোরে আনিবাত্তে কলঅ। তে বাবিলর সেই সল্লাদিয়্যেগুনোরে কোইয়্যেদে, “যে কনজনে এই লেগাগান মাদেইনে সিয়েনর ভেদ্‌তান্ মরে কোই দি পারিবো তারে বিগুনো কাবড় উরেই দিয়্যে অবঅ আর গত্তনাবোত্ সনার নেগেলেচ্ দিয়্যে অবঅ আর তারে রেজ্যর তিনজন রাজা ভিদিরে একজনর্ পোজিশন্ দিয়্যে অবঅ ।”

দানিয়েল 6:1

দারিয়াবসে তা রেজ্যর্ বেক রেজ্যগানি উগুরে একশ কুড়ি জন শাজন্‌গুরিয়্যে নেযানা যগাজ্যে মনে গুরিলো।

মথি লেখ্যে গম্ হবর্ 18:23

চাহ্, স্বর্গ-রেজ্যগান এমন্ এক্কো রাজা ধোক্ক্যেন্ যিবে তা কাম্ গুরিয়্যেগুনো ইধু ইজেব্ চেলঅ।

লূকে লেখ্যে গম্ হবর্ 16:2

সেক্কে থাগোইয়্যে মানুচ্চো তারে ডাগিনে পুজোর্ গল্ল, তঅ পৌইদ্যেনে মুই ইয়েনি কি শুনঙর্? তঅ কামঅ ইজেব্‌পান দে, কিয়া তুই আর আজল্ চাগর্ ইজেবে থেই ন-পারিবে।

১ করিন্হীয় 4:2

যিগুনো উগুরে ভারান্ দিয়্যে ওইয়্যে তারারে দেগা পরিবোদে যে, তারা বিশ্বেজ্‌বলা।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।