দানিয়েল 6:16 - Chakma Bible

¹⁶ যেরেদি রাজা উগুম দিলো আর মানুচ্চুনে দানিয়েলরে আনিনে সিংহ গাদত্ ফেলেই দিলাক্। সেক্কে রাজা দানিয়েলরে কলঅ, “তুই নিত্য যিবেরে সেবা গরচ্ সেই গোজেনে যেন তরে রোক্ষ্যে গরে।”

দানিয়েল 6:16 Iomraidhean Croise

২ শমূয়েল 3:39

রাজা ইজেবে মরে অভিষেগ্ গরা অলেয়ো এচ্চ্যে মুই বল্‌পোজ্যে আর সরূয়ার পূয়োগুনোরে মুই দোঙেই ন-পারঙ্। লগেপ্রভু যেনে অন্যেয় গুরিয়্যেগুনোরে অন্যেয়র্‌ কাম মজিম সাজা দে।”

ইয়োব 5:19

ছগান্ দযাত্তুন্‌ তে তরে রোক্ষ্যে গুরিবো, সাত্‌তান দযার্‌ সময় তমার্‌ কনঅ খেতি ন-অবঅ‌।

গম্ উপদেজ্ 29:25

মান্‌‌জ্যরে যে দরায় সে দরানে তা তপ্পে ফাল্ অয়, মাত্তর্ যে লগেপ্রভু উগুরে বিশ্বেজ্ গরে তে গমেডালে থায়।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

যিরমিয় 26:14

চঅ, মুই দঅ তমা আঢত্ আগং; তুমি যিয়েন গম্ আর ন্যায্য মনে গরঅ সিয়েনই মঅ উগুরে গরঅ।

যিরমিয় 38:5

জোবত্ রাজা সিদিকিয় কলঅ, “তে দঅ তমা আঢত্ রোইয়্যে; রাজা তমা বিরুদ্ধে যেই ন-পারে।”

যিরমিয় 38:6

সেক্কে তারা যিরমিয়রে ধুরিনে রাজার পুয়ো মল্কিয়র কূয়োবোত্ ফেলেই দিলাক্। এ কুয়োবো অলদে চুগিদারুনোর উদোন ভিদিরে। তারা যিরমিয়রে দুড়ি দিইনে সে কূয়োবোত্ লামেই দিলাক্। সিয়েনত্ পানি ন-এলঅ, বানা ফেগ্‌ফুদ্ এলঅ; আর যিরমিয় সেই ফেগ্‌ফুদো ভিদিরে গারা যাহ্ ধুরিলো।

যিরমিয় 39:17

মাত্তর্ মুই তরে উদ্ধোর্ গুরিম। যিগুনোরে তুই দরাচ্ তারা আঢত্ তরে দিয়্যে ন-অবঅ।

দানিয়েল 3:15

ইক্কিনে তুমি যুনি শিংগা, বাশী, হার্‌‌‌‌‌‌‌মোনি, চিগোন-দাঙর্ বীণা, মোড়োলী আর অন্য নানান্ বাবোত্যে বাজানার্ রঅ শুনিনে মাঢা নিগিরি পড়িনে মর্ বানেয়্যে মূত্তিবোরে জু জু জানেবাত্তে যুক্কোল্ থাগঅ সালে দঅ গম্। মাত্তর্ যুনি জু জু ন-জানঅ সালে দোগ্‌দোক্যে আগুনো চুলোত্ সেক্কে তমারে ফেলেই দিয়্যে অবঅ। সেক্কে কন্ দেবেদা মঅ আঢত্তুন্ তমারে উদ্ধোর্ গুরি পারিবো?

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

দানিয়েল 3:28

সেক্কে নবূখদ্‌নিৎসরে কলঅ, “শদ্রক, মৈশক আর অবেদ্‌-নগোর গোজেনর বাঈনী ওক্, যিবে তা স্বর্গদূত্বোরে পাধেইনে তা চাগরুনোরে উদ্ধোর্ গুরিলো। ইগুনে তা উগুরে বিশ্বেজ্ গুরিনে রাজার উগুমান ন-পালান্ আর তারার্ নিজো গোজেন বাদে অন্য কনঅ দেবেদারে সেবা আর পূজো গরানার বদলে মুরিবাত্তেয়ো রাজি এলাক্।

দানিয়েল 6:20

গাদ ইধু যেইনে তে রঅ গির্‌‌‌‌গিজ্যে গুরি দানিয়েলরে ডাগিনে কলঅ, “ও গোজেনর চাগর্ দানিয়েল, তুই নিত্য যিবের্ সেবা গরচ্ তর্ সেই গোজেনে কি তরে সিংহ মুয়োত্তুন্ রোক্ষ্যে গুরি পাজ্যে?”

দানিয়েল 6:7

বেক্ রাজ-পরিচালক্‌কুন, রেজ্যগানির্ পরিচালক‌্‌কুন্ আর শাজন্‌গুরিয়্যেগুন, সল্লাদিয়্যেগুন আর চাগালার্ শাজন্‌গুরিয়্যেগুন বেক্কুনে এ কধাগান রাজী ওইয়োন্ যে, মহারাজে যেন এক্কান কড়া উগুম জারি গরে। সেই উগুমান অলঅ, ইয়েনর পরেদি ত্রিশ দিন যুনি কনজনে, ও মহারাজ, তুই বাদে কনঅ দেবেদা বা মান্‌জ্য ইধু তবনা গরন সালে তারে সিংহ গাদত্ ফেলেই দিয়্যে অবঅ।

প্রেরিত্‌ 24:27

দ্বি বজর্ পার্ ওই গেলে পরেদি ফীলিক্স জাগানত্ পর্কীয় ফীষ্ট এলঅ। ফীলিক্সে যিহূদীগুনোরে হুজী গুরিবাত্যে পৌলরে জেল্‌খানাত্ থোই গেলঅ।

প্রেরিত্‌ 25:11

যিয়েন্ ওক্‌, যুনি মুই মরেদে ধোক্ক্যেন্ কনঅ দুষ্ গুরি থাং সালে মুই মুরিবাত্তেয়ো রাজী আঘং। মাত্তর্ এ যিহূদীগুনে মঅ বিরুদ্ধে যে দুষ্‌চানি দেদন্ সিয়েনি যুনি সত্য ন-অয় সালে ইগুনো আঢত্ মরে ইরি দিবার্ অধিকারান্ কনজনর্ নেই। মুই সম্রাট ইধু আবিত্তি গরঙর্।”

প্রেরিত্‌ 25:9

ফীষ্ট যিহূদীগুনোরে হুজী গুরিবাত্যে পৌলরে কলঅ, “এ বেক্‌ দুষ্‌চানির্ বিচের্ মুই যেন যিরূশালেমত্ গুরি পারং সেনত্তে তুই কি সিধু যেবাত্তে রাজী আঘচ্?”

রোমীয় 13:3

যিগুনে গম্ কাম্ গরন্ শাসনগুরিয়্যেগুনোরে দোরেবার কনঅ কারন তারার্ ন-থায়, মাত্তর্ যিগুনে অন্যেয় গরন্ তারা দরান্। শাসন গুরিয়্যেগুনোরে ন-দোরেইনে কি তুমি চলিবাত্তে চঅ? সালে যিয়েন গম্ সিয়েন গুরি থাগঅ। সেক্কে তুমি তাত্তুন্ বাঈনী পেবা।

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।