দানিয়েল 6:10 - Chakma Bible

¹⁰ উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।

দানিয়েল 6:10 Iomraidhean Croise

১ রাজাবলী 8:30

এ জাগান ইন্দি ফিরিনে তর্‌ চাগর্‌ আর তঅ মানুচ্‌ ইস্রায়েলীয়গুনে যেক্কে কোজোলি গুরিবাক্‌ সেক্কে সিয়েনত্‌ তুই কান পাদিচ্‌। তর্‌ থেবারঘর স্বর্গত্তুন্‌ সিয়েনি তুই শুনোচ্‌ আর তারারে ক্ষেমা গুরিচ্‌।

১ রাজাবলী 8:38

সেক্কে যুনি তঅ মানুচ্‌ ইস্রায়েলীয়গুনে কনজনে আবিলেচ্‌ হেইনে মনত্‌ দুগে এ তবনা-ঘর ইন্দি আঢ্ বাড়েইনে কনঅ তবনা বা কোজোলি গরন,

১ রাজাবলী 8:44

তুই যেক্কে তঅ মানুচ্চুনোরে তারার্‌ শত্রুগুনোর বিরুদ্ধে যুদ্ধো গুরিবাত্তে পাদেবে সেক্কে তারা যিদু থেদাক্‌ সাৎ সিত্তুন্‌ যুনি তর্‌ বেঈ নেযেয়্যে এ শঅর ইন্দি আর তত্তেই মর্‌ বানেয়্যে এ ঘরর্‌ ইন্দি ফিরিনে তবনা গরে,

১ রাজাবলী 8:54

লগেপ্রভু ইদু এ তবনাগান্ আর কোজোলিগানি থুম্‌ গরানার পরেন্দি শলোমন লগেপ্রভুর ডালিপূজোবোর্‌ মুজুঙোত্তুন্‌ উদিলো; এদক্ষণ সং তে আদু পাড়িনে স্বর্গ ইন্দি আঢ্ বাড়েয়্যে এলঅ।

২ বংশধর 6:13

তে পাচ্ আঢ লাম্বা, পাচ্ আঢ্ পাদাজ্যে আর তিন আঢ্ অজল্‌ এক্কান্‌ পিদলর্‌ মাচাং বানেইনে উদোন সংমোধ্যে রাগেল। তে সেই মাচাঙান উগুরে উদিনে বেক্‌ ইস্রায়েলীয়গুনো মুজুঙোত্‌ আদু পাদিলো আর দ্বিয়েন আঢ স্বর্গ ইন্দি বাবেইনে কলঅ,

২ বংশধর 6:38

সে দেজত্‌ যুনি তারা মনে-পরাণে তইন্দি ফিরোন্‌ আর যে দেজ্‌ছান তুই তারার্‌ পূরোণি মানুচ্চুনোরে দুয়োচ্‌ সে দেজছান ইন্দি, তর্‌ বেঈ নেযেয়্যে শঅরান ইন্দি, তত্তেই মর্‌ বানেয়্যে এ ঘরান ইন্দি ফিরিনে তবনা গরন্‌,

ইষ্রা 9:5

সে পরেদি সাজোন্যে অক্তত্ উৎসর্বর সময়োত্ মুই মন মরা ওয়্যে দুঘোত্তুন্ ফিরিলুং আর সেই ফাদি যেইয়্যে কাবড় সুমুত্তো আঢু পাদিনে মর্ গোজেন লগেপ্রভুর মুজুঙোত্ দ্বি আঢ্ বাবেই দিইনে এই তবনাগান গুরিলুং,

নহিমিয় 6:11

মাত্তর্‌ মুই কলুঙ্‌, “মঅ ধোক্ক্যেন্‌ মান্‌জ্যর্‌ কি ধেই যানা উজিত্‌? বা মঅ ধোক্কেন্‌ কনজনর্‌ কি তার্‌ নিজো পরাণান্‌ রোক্ষ্যে গুরিবাত্তে তবনা-ঘরর্‌ ভিদিরে যানা উজিত্‌? মুই ন-যেম্‌।”

গীতসংহিতা 34:1

মুই নিত্য লগেপ্রভুর বাঈনী গুরিম; মর্ মুয়োন্দি তার্ গুণগান আমিঝে থেবঅ।

গীতসংহিতা 5:7

মাত্তর্ মুই তর্ অমকদ দোয়্যের্ কারনে তঅ ঘরত্ সোমেম্, তঅ সুদ্ধো-সাংগ থেবার্ ঘরানন্দি চেইনে ভোক্তিলোই মঅ মাধাবো নিগিরিম্।

গীতসংহিতা 55:17

সাজোন্যে, বেন্যে আর দিবুজ্যে মুই কোজোলি গুরি মর্ আবিত্তিগান জানেম, আর তে মঅ রবো শুনিবো।

গীতসংহিতা 86:3

ও প্রভু, মঅ উগুরে দোয়্যে গর, কিত্তে মুই সারা দিন্নো তরে ডাগং।

গীতসংহিতা 95:6

এজঅ, আমা মাঢাগুন্ নিগিরিনে তারে শ্রদ্ধা জানেই; আমা সিরিষ্টি গুরিয়্যে লগেপ্রভুর মুজুঙোত্ মাঢা নিগিরিই।

দানিয়েল 6:13

সেক্কে তারা রাজারে কলাক্, “ও মহারাজ, দানিয়েল নাঙে যিহূদা দেশর বন্দীগুনোর এক্কো তঅ কধায় বা যে উগুমানত্ তুই দস্তক্ গোজ্যস্ সিয়েনত্ কান ন-পাদে। তে এজ সং দিনে তিনপল্লা তবনা গরে।”

দানিয়েল 9:4

মর্ গোজেন লগেপ্রভু ইধু মুই তবনা গুরিলুং আর পাপ স্বিগের্ গুরিনে কলুং, ও প্রভু, তুয়ই দাঙর্ আর ভক্তিবলা দর্ লাগেয়্যে গোজেন। যিগুনে তরে কোচ্‌‌‌পান আর তঅ উগুমানি পালান্ তারাত্তে তুই তর্ শেজ্ ন-ওইয়্যে কোচ্‌‌‌পানার বেবস্থা রোক্ষ্যে গুরি থাচ্।

যোনা 2:4

মুই কলুং, মরে তঅ চোগো মুজুঙোত্তুন্ দূর্ গুরি দিয়্যে ওইয়্যে; তো মুই আরঅ তর্ সেই সুদ্ধো-সাংগ ঘরান ইন্দি রিনি চেইম্।

মার্ক 3:3

যীশু সেই শুগুনো-আঢ্‌‌বলা মানুচ্চোরে কলঅ, “বেক্কুনো মুজুঙোত্ এইনে থিয়্যে।”

লূকে লেখ্যে গম্ হবর্ 14:26

যে মঅ ইধু এবঅ তে যেন নিজোর্ বাব্-মা, মোগ্ আর পুয়ো-ছা, ভেই-বোন, এমন্‌ কি, নিজোরেয়ো মত্তুন্ বেচ্‌ কম কোচ্‌‌পেইয়্যে বিলি মনে গরে। সিয়েন ন-অলে তে মঅ শিচ্চ্য ওই ন-পারে।

লূকে লেখ্যে গম্ হবর্ 22:41

সে পরেদি যীশু শিচ্চ্যগুনোত্তুন্ এক্কেনা দূরোত্ যেইনে আদু পারিনে তবনা গরা ধল্ল,

প্রেরিত্‌ 10:9

তার্ কেল্যে যেক্কে সেই মানুচ্চুনে যাফো শঅর ইন্দি এত্তন্ সেক্কে বেলান্ পেরায় দিবুজ্যে। পিতরে তবনা গুরিবাত্তে সেক্কে চালত্ উদিলো।

প্রেরিত্‌ 2:15

তুমি মনে গরর্ ইগুনে মাত্তল্ ওইয়োন, মাত্তর্ সিয়েন নয়; কিয়া ইক্কে দঅ বানা বেন্যেমাদান্ নয়টা।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

প্রেরিত্‌ 20:36

এ কধাগান্ কনার্ পরেদি পৌলে বেক্কুনো সমারে আদু পাড়িনে তবনা গুরিলো।

প্রেরিত্‌ 21:5

মাত্তর্ সেই দিনুন্ বিদি গেলে পরেদি আমি তারারে ফেলেইনে আমা পধ্‌থানদি লদ্ দিলোং। বেক্ শিচ্চ্যগুন আর তারা মোগ্‌কুন আহ্ ঝি-পুয়োগুনে আমা লগে লগে শঅর বারেদি এলাক্। যেরেদি সাগর পারত্ আমি আঢু পাড়িনে তবনা গুরিলোং।

প্রেরিত্‌ 3:1

একদিন্ন্যে বেল্যেমাদান্ তিনটায় তবনা গুরিবার সময়োত্ পিতর আর যোহনে উবোসনা-ঘরত যাদন্।

প্রেরিত্‌ 4:29

আর ইক্কিনে, ও প্রভু, ইগুনে আমারে কেধোক্ক্যেন গুরি দর্ দেগাদন্, সিয়েন তুই খিয়েল্ গর্। তঅ চাগরুনোরে এমন খেমতা দে যাতে খুব সাহস গুরিনে তারা তঅ কধানি কোই পারন্।

প্রেরিত্‌ 5:20

“যঅ, উবোসনা-ঘরত্ থিয়্যেইনে মানুচ্চুনো ইধু উমর জিংকানি পৌইদ্যেনে বেক্‌ কধানি কঅ।”

প্রেরিত্‌ 5:29

সেক্কে পিতরে আর অন্য প্রচারক্কুনে জোব্ দিলাক্, “মান্‌জ্যর্ উগুম পালানাত্তুন্ বরং গোজেনর্ উগুম আমার পালানা উচিত্।

প্রেরিত্‌ 7:60

পরেদি তে আঢু পাড়িনে রঅ ছাড়িনে কলঅ, “প্রভু, ইগুনোর্ এ পাপ্পানি ন-ধুরিচ্।” এ কধাগান কোইনে তে মুরি গেলঅ।

প্রেরিত্‌ 9:40

সেক্কে পিতরে তারারে বেক্কুনোরে ঘরত্তুন্ নিগিলেই দিইনে আদু পারিনে তবনা গুরিলো। পরেদি সেই মরা মিলেবো ইন্দি ফিরিনে কলঅ, “টাবিথা, উঠ্।” সেক্কে দর্কা চোগ্‌কুন মেলিলো আর পিতররে দেগিনে উদিনে বলঅ।

ইফিষীয় 3:14

স্বর্গ আর পিত্‌থিমীর বেক্‌ পরাণ বলা নানান্ পরিবারর্ বেক্কুনোরে যিবের পুয়ো বিলি ডাগা অয় সেই বাব্‌পো মুজুঙোত্ মুই তবনা গুরিবাত্যে আঢু পাদঙর্।

ফিলিপীয় 1:14

ইয়েনবাদে, মর্ এ বন্দী অবস্থায় থানার্ কারনে বেশির্ ভাগ্ ভেইয়ুনে প্রভু উগুরে আরঅ বেশ্ গুরিনে নির্ভর্ গুরিবাত্তে শিক্ক্যন্ আর সেনত্যে তারা ন-দোরেইনে গোজেনর্ কধা প্রচার গত্তে আরঅ সাহচী ওইয়োন।

ফিলিপীয় 1:20

মর্ থির্ বিশ্বেজ্ আঘেদে, মুই কনঅ কিজুত্ লাজ্ ন-পেম বরং মত্তুন্ যদেষ্ট সাহচ্‌ থেবঅ, যেনে আগে যেধোক্ক্যেন মর্ মাধ্যমে খ্রীষ্টর্ বাঈনী ফগদাং অদঅ সেধোক্ক্যেন ইক্কিনিয়ো অবঅ-সিয়েন মুই বাজং কি মরং;

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।

কলসীয় 3:17

তুমি যিয়েনি কঅ বা গুরিদা সাৎ সিয়েনি প্রভু যীশুর্ নাঙে গরঅ আর সিয়েনির মাধ্যমে বাবা গোজেনরে ভালেদি জানঅ।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 2:13

তুই কুধু বজত্তি গরর্ সিয়েন মুই হবর্ পাং; সিয়েনত্ শদানর্ সিংহাসনান্ আঘে। তো তুই মঅ উগুরে বিশ্বেজি আঘচ্ আর মঅ উগুরে তর্ বিশ্বেজ্‌চানরে অস্বীগের্ ন-গরচ্। এন্‌ কি, যিয়েনত্ শদানে বজত্তি গরে সিয়েনত্ যেক্কে মর্ বিশ্বেজি সাক্ষী আন্তিপাসে তমা মুজুঙোত্ খুন ওইয়্যে সেক্কেয়ো তুই তঅ বিশ্বেজ্‌চানরে অস্বিগের্ ন-গরচ্।