দানিয়েল 5:7 - Chakma Bible

⁷ সেক্কে রাজা রঅ ছাড়ি ছাড়ি ডাগিনে ভূদো ওঝা, জ্যোতিষী আর গোণোক্ক্যেগুনোরে আনিবাত্তে কলঅ। তে বাবিলর সেই সল্লাদিয়্যেগুনোরে কোইয়্যেদে, “যে কনজনে এই লেগাগান মাদেইনে সিয়েনর ভেদ্‌তান্ মরে কোই দি পারিবো তারে বিগুনো কাবড় উরেই দিয়্যে অবঅ আর গত্তনাবোত্ সনার নেগেলেচ্ দিয়্যে অবঅ আর তারে রেজ্যর তিনজন রাজা ভিদিরে একজনর্ পোজিশন্ দিয়্যে অবঅ ।”

দানিয়েল 5:7 Iomraidhean Croise

পত্থম 41:8

মাত্তর্‌ বেন্যে মাদান্ তা মনান কেন্‌জান্‌ চুলুবুল্যে ওই উদিলো। তে মানুচ্‌ পাদেইনে মিসর দেজ বেক্‌ যাদুগরুনোরে আর গোণোক্ক্যে গুনোরে ডাগি আনিলো। তে স্ববনত্‌ যিয়েন্‌ দেক্কে সিয়েন্‌ তারা ইধু কলঅ, মাত্তর্‌ কনজনে সিয়েন অত্তগান কোই দি ন-পারিলাক্।

ইষ্টের 3:1

এ ঘটনাগানর পরেন্দি রাজা অহশ্বেরশে অগাগীয় হম্মদাথার পূঅ হামনরে রেজ্যর অন্য দাঙর্ পোজিশনর্ মানুচ্চুনোত্তুন্‌ বেশ্‌ দাঙর্‌ পোজিশন্ দিইনে সর্মানিত গুরিলো।

যাত্রা 7:11

ফরৌণে সেক্কে জ্ঞানীগুনোরে আন মাত্তলে ধরেদে বাবোত্যে জিনিস কামত্‌ লাগেই পারন্দে মানুচ্চুনোরে, অত্তাৎ যাদু পারিয়্যেগুনোরে ডাগিলো। তারায়ো তারার যাদুমন্ত্রলোই একই কাম গুরিলাক্।

গম্ উপদেজ্ 1:9

সিয়েনি অবঅ তঅ মাঢাবোত্ বেড়েবার দোল্ মালাছড়া আর গত্তনার নেগেলেচ্ ধোক্ক্যেন।

পরমগীত 1:10

তঅ গালানর্ দ্বিকিত্তেদি কান দুলুন্ দুলোদন্, সেক্কে তঅ গালান্ দোল্ লাগের্ আর নেগেলেচ্চো তঅ গত্তনাবোত্ দোল্ গুরি মানেয়্যে।

যিশাইয় 47:13

তুই যেদক্কানি সল্লা পেইয়োচ্ সিয়েনি বানা তরে বল্‌‌‌পোজ্যে গোজ্যে। তর্ গোণোক্ক্যেগুনো মুজুঙোত্ এজোদোক্; তারাগুন দেগিনে মাসর্ পর মাস যিগুনে আগাম্ কধা কন্ তারা তঅ উগুরে যিয়েনি এজের্ সিয়েনিত্তুন্ তরে রোক্ষ্যে গোরোদোক্।

যিরমিয় 50:35

লগেপ্রভু কোইয়্যেদে, বাবিলীয়গুনো বিরুদ্ধে, বাবিল আদাম্মেগুনো বিরুদ্ধে আর তা দাঙর্ পোজিশনর্ কামগুরিয়্যে আর জ্ঞানী মানুচ্চুনো বিরুদ্ধে তলোয়ার রোইয়্যে।

যিহিষ্কেল 16:11

মুই গয়নালোই তরে সাজেলুং; তঅ আঢত্ হাড়ু, গত্তনাবোত্ নেগেলেচ্,

দানিয়েল 1:20

জ্ঞান আর বুদ্ধির পৌইদ্যেনে পত্তি পৌইদ্যেনে রাজা তারারে পুযোর্ গুরিনে বুঝি পারিলো যে, তারা তা গদা রেজ্যগানি ভিদিরে বেক্ যাদুগুরিয়্যে আর ভূতোর্ ওঝাগুনোত্তুন্ দশগুন গম্।

দানিয়েল 1:4

সে গাবুজ্যেগুনোত্তুন্ উয়ো পড়িবো থুদো নেইয়্যে, দোল্, জ্ঞানী আর বুদ্ধিবলা, বেক্ শিক্ষ্যেনি শিগিবাত্তে চোট্‌পোট্যে আর রাজদরবারত্ কাম গুরিবার যগাজ্যে। অসপনস্‌‌‌রে উগুম দিয়্যে অলঅ যেনে তে এ গাবুজ্যেগুনোরে বাবিলীয়গুনোর কধা আর পুদি পৌইদ্যেনে শিক্ষ্যে দুয়োন্।

দানিয়েল 2:2

তা স্ববনান্ বুঝেই দিবাত্তে তে যাদুগুরিয়্যে, ভূদো ওঝা, গোণেয়্যে আর জ্যেতিষীগুনোরে ডাগিলো। তারা এইনে রাজার্ মুজুঙোত্ থিয়্যেলাক্।

দানিয়েল 2:27

জোবত্ দানিয়েলে কলঅ, মহারাজ যে হবর্ ন-পেইয়্যে বেপারান কধা পুযোর্ গোজ্যস্ সিয়েন কনঅ জ্ঞানিবলা, ভুদো ওঝা, যাদুগরে বা গোণোক্ক্যে কোই ন-পারিবাক্।

দানিয়েল 2:48

সে পরেদি দানিয়েলরে রাজা এক্কান দাঙর্ পোজিশন্ দিলো আর বোউত্ গম্ গম্ বক্‌‌‌শিজ্ দিলো। তে তারে গোদা বাবিল রেজ্যর্ আজল্ পরিচালক ইজেবে নেযেল আর তার্ বেক সল্লাদিয়্যেগুনোর্ ভারান্ তা উগুরে দিলো।

দানিয়েল 2:6

মাত্তর্ যুনি তুমি মঅ স্ববনান্ আর সিয়েনর্ ভেদ্‌তান্ কোই পার সালে মত্তুন্ তুমি বক্‌‌শিজ, পুরস্কার আর দাঙর্ সর্মান পেবা। সেনত্তে তুমি সেই স্ববনান্ আর সিয়েনর্ ভেদ্‌তান্ মরে কঅ।”

দানিয়েল 4:14

তে রঅ ছাড়িনে কলদে, গাজ্‌‌‌‌‌চো কাবি ফেলা আর তার বাগলানি ছাজি ফেলেই দে; তার পাদানি ঝারি ফেলা আর গুলোগুলিগুন্ ঝোড়েই দে, তার তলানত্তুন্ য়েমানুনে আর ডেলাগুনোত্তুন্ পেগ্‌‌‌‌‌কুনে ধেই যাদোক্,

দানিয়েল 5:11

তঅ রেজ্যগান ভিদিরে এক্কো মানুচ্ আঘে যিবে ভিদিরে পবিত্র এমন কিজু আঘে যিয়েনি এ পিত্‌‌‌‌‌‌‌‌‌থিমীর নয়। তঅ আজু নবূখদ্‌‌‌‌‌‌‌‌‌নিৎসর সময়োত্ সেই মানুচ্চুনো ভিদিরে বুঝিবার খেমতা, বুদ্ধি আর দেবেদাগুনো ধোক্ক্যেন জ্ঞান দেগা যেইয়্যে। তঅ আজু রাজা নবূখদ্‌‌‌‌‌‌‌‌‌নিৎসরে তারে যাদুকর, ভূদো ওঝা, জ্যোতিষী আর গোণোক্ক্যেগুনোর আজল্ ইজেবে নেযেয়্যে।

দানিয়েল 5:15

এই লেগাগান পড়িনে মরে ভেদ্‌তান্ কোই দিবাত্তে গুণবলা আর সল্লাদিয়্যেগুনোরে মইদু আনা ওইয়্যে, মাত্তর্ তারা ইয়েনর্ ভেদ্‌তান্ কোই ন-পারন্।

দানিয়েল 5:16

ইক্কিনে মুই শুনিলুং যে, তুই গুমুরো বিষয়র্ ভেদ্‌তান্ কোই দিদে আর দরমর সমস্যার সমাধান দি পারচ্। তুই যুনি এ লেগাগান পড়িনে মরে সিয়েনর ভেদ্‌তান্ কোই দি পারচ্ সালে তরে বিগুনো রঙ কাবড় উরো অবঅ আর গত্তনাত্ সনার নেগেলেচ্ দিয়্যে অবঅ আর তুই এই রেজ্যর্ তিনজন রাজা ভিদিরে একজনর পোজিশন্ পেবে।”

দানিয়েল 5:29

সেক্কে বেল্‌‌‌শৎসরর উগুমে দানিয়েলরে বিগুনো রংয়র্ কাবড় উরেই দিয়্যে অলঅ আর তা গত্তনাবোত্ সনার্ নেগেলেচ্ পিনে অলঅ। তারে রেজ্যর্ তিনজন রাজা ভিদিরে একজনর্ পোজিশন দিবার কধা ফগদাং গরা অলঅ।

গণাণা 22:17

তে তরে বোউত্‌ সর্মানর অধিকারী গুরিবো আর তুই যিয়েন্‌ কবে সিয়েনোই গুরিবো। তে চাইদে যেনে তুই যেইনে তার পক্ষত্তুন্‌ সেই মানুচ্চুনোরে অভিশাব্ দুয়োচ্‌।”

গণাণা 22:7

সেক্কে ভাগ্যগানি চাম্বা চেবার টেঙাগুন্ নেযেইনে মোয়াব আর মিদিয়নোর বুড়ো নেতাগুনে রওনা ওই গেলাক্। বালাকে যিয়েন্‌ কোইয়্যে সিয়েন্‌ তারা যেইনে বিলিয়ম ইদু কলাক্।

গণাণা 24:11

তুই ইক্কিনে ঘরত্‌ আদি যাগোই। মুই তরে বোউত্‌ বক্‌শিজ্ দিম্‌ কোইয়োং মাত্তর্‌ লগেপ্রভু সিয়েনি তরে পেবাত্তে ন-দিলো।”

১ শমূয়েল 17:25

ইস্রায়েলীয়গুনে কুয়োকি গত্তন্‌, “উই যে মানুচ্চো বার্‌ বার্‌ নিগিলি এজে, তারে তুমি দেক্কো দঅ? তে ইস্রায়েলীয়গুনোরে লালি মারিবাত্যে এজে। সেই মানুচ্চোরে যে মারে ফেলেই পারিবো রাজা তারে বোউত্‌ ধন-সোম্বোত্তি দিবো। তার ঝিবোরেয়ো তে তা সমারে বুয়ো দিবো আর ইস্রায়েল দেজত্‌ তার গিরিবোরে খাজানা আর রাজার অন্য দেনা-পাওনাত্তুন্‌ রেহাই দিবো।”