দানিয়েল 5:3 - Chakma Bible

³ সেক্কে গোজেন ঘরত্তুন্ যিদুক্কুন সনার লদা আনা ওইয়্যে সিগুন আনিলে পরেদি রাজা, তার আজল্ মানুচ্চুনে, তা মোগ্‌‌‌‌‌‌‌কুনে আর তার যেরেদি ঘর মোগ্‌কুনে সিগুন্দোই আংগুর-রস হেলাক্।‌‌‌‌‌‌

দানিয়েল 5:3 Iomraidhean Croise

২ বংশধর 36:18

বাবিলোর রাজাবো গোজেনর ঘরর চিগোন্‌-দাঙর্‌ বেক্‌ পযাপিরানি আর ধন-সোম্বোত্তিগানি আর রাজা আর তার্‌ কাম্‌গুরিয়্যেগুনোর্‌ ধন-সোম্বোত্তিগানি বাবিলোত্‌ নেযেল।

যিশাইয় 5:14

সেনত্তে মরন জাগায়ানে তা গত্তনার্ নালীবো পাদাজ্যে গোজ্যে, তা মুয়োন্ অমকদ দাঙর্ গুরিনে আ গোজ্যে। সর্মানি আর সাধারন মান্‌‌জ্যে, কোজ্যে বাজেয়্যে আর রঅ ছাড়িয়্যেগুনে বেক্কুনে সিয়েনত্ লামিবাক্।

যিরমিয় 50:28

শুনো, বাবিলত্তুন্ ধেই যেইয়্যে আর রোক্ষ্যে পেইয়্যে মানুচ্চুনে সিয়োনত্ এইনে ফগদাং গত্তন্দে, আমা গোজেন লগেপ্রভু কেধোক্ক্যেন গুরি তা ঘরানত্তে হেনা সুচ্যে।

দানিয়েল 5:2

আংগুর-রস খাদে খাদে বেল্‌শৎসরে উগুম দিলো, তা মা বাব্‌পো ‌‌নবূখদ্‌নিৎসরে যিরূশালেমর উবোসনা-ঘরত্তুন্ যিদুক্কুন সনা আর রূবোর লদা আন্যে সিগুন যেনে আনা অয় সেনত্যে রাজা, তার আজল্ মানুচ্চুনে, তা মোগ্‌কুনে আর তার্ যেরেদি ঘর মোগ্‌‌‌‌‌‌‌কুনে সে লদাগুনোত্ গুরিনে আংগুর-রস হেই পারন্।‌‌‌‌

দানিয়েল 5:23

সিয়েনর বদলে তুই নিজোরে স্বর্গর্ প্রভুর বিরুদ্ধে থিয়্যেয়োচ। গোজেন ঘরত্তুন আন্যে পিলেগুন তুই আনিবাত্যে বাজেই দুয়োচ্ আর তুই, তর্ আজল্ মানুচ্চুন, তঅ মোগ্‌‌কুনে আর যেরেদি ঘর মোগ্‌‌কুনে সিগুন্দোই আংগুর-রস হেইয়োন। তুই রূবো, সনা, পিদোল, লুয়ো, তক্তা আর পাত্তর্‌লোই বানেয়্যে যে দেবেদাগুনে ন-দেগন, ন-শুনোন্ আর ন-বুঝোন্ তারারে নাঙ্ গিনোদন। মাত্তর্ তুই গোজেনরে বাঈনী ন-গরচ্, যিবে আঢত্ আঘে তঅ জিংকানিগান আর তর্ বেক পথ্‌‌তানি।

দানিয়েল 5:4

তারা আংগুর-রস খাদে খাদে সনা, রূবো, পিদোল্, লুয়ো, তক্তা আর পাত্তর্‌‌‌‌‌‌লোই বানেয়্যে দেব-দেবেদাগুনোরে বাঈনী গরা ধুরিলাক্।

হোশেয় 2:8

তে স্বীগের্ ন-গুরিদো যে, মুয়ই তারে সেই শোজ্য, নূয়ো আংগুর-রস আর তেল দিদুং, তারে বোউত্ সনা আর রূবো দিদুং, যিয়েনি তে বাল দেবেদাত্তে বেবহার গোজ্যে।

হবক্‌‌‌‌কূক 1:11

সে পরেদি তারা বোইয়্যের্ ধোক্ক্যেন যান্। সে মানুচ্চুনে দুষী, কিত্যে তারা ইধু তারার্ খেমতাগান্ অলঅ তারার্ দেবেদা।”

মালাখি 1:12

মাত্তর্ তুমি মঅ নাঙান্ অসর্মান গোজ্য, কিত্যে তুমি কত্তে, ‘লগেপ্রভুর টেবিলান অসিজি আর তা উগুরেদি হানাগান জঘন্য।’

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।

বিচের গুরিয়্যেগুন 19:1

ইস্রায়েলীয়গুনো ভিদিরে যেক্কে কনঅ রাজা ন-এলাক্‌ সেক্কে ইফ্রয়িমর মুড়ো-মুড়ি চাগালা ভিদিরে এক্কো লেবীয় বজত্তি গুরিদো। তে যিহূদা চাগালার বৈৎলেহম আদামর এক্কো মিলেরে যের ঘরর্‌ মোগ্‌ ইজেবে ললঅ।