দানিয়েল 5:16 - Chakma Bible

¹⁶ ইক্কিনে মুই শুনিলুং যে, তুই গুমুরো বিষয়র্ ভেদ্‌তান্ কোই দিদে আর দরমর সমস্যার সমাধান দি পারচ্। তুই যুনি এ লেগাগান পড়িনে মরে সিয়েনর ভেদ্‌তান্ কোই দি পারচ্ সালে তরে বিগুনো রঙ কাবড় উরো অবঅ আর গত্তনাত্ সনার নেগেলেচ্ দিয়্যে অবঅ আর তুই এই রেজ্যর্ তিনজন রাজা ভিদিরে একজনর পোজিশন্ পেবে।”

দানিয়েল 5:16 Iomraidhean Croise

পত্থম 40:8

জোবত্‌ তারা তারে কলাক্, আমি দ্বিজনে এক্কান গুরি স্ববন দেক্ক্যেই, মাত্তর্‌ সিয়েন অত্তগান্‌ কোইদি পারন এবাবোত্যে মানুচ্‌ ইধু নেই। যোষেফে তারারে কলঅ, অত্তগান্‌ কোই দিবার্‌ খেমতা কি গোজেনর নেই? তমা স্ববনর্ কধাগান্‌ মরে কঅ ।

পত্থম 41:15

সেক্কে ফরৌণ যোষেফরে কলঅ, “মুই এক্কান্‌ স্ববন্‌ দেক্কোং, মাত্তর্‌ কনজনে সিয়েনর্‌ অত্তগান্‌ কোই ন পার্‌দন। মুই শুনিলুংগে, তঅ মুজুঙোত্ স্ববন ঘটনাগান্‌ কলে তুই সিয়েনর অত্তগান কোই দি পারস্‌।”

পত্থম 41:42

সে পরেদি ফরৌণে নিজো আদত্তুন্‌ সীলমর দিয়্যে আংদিক্কো খুলিনে যোষেফ আদত্‌ পিনেই দিলো। তে তারে দোল কাবর্‌ পিনে দিনেই তা গত্তনাত্‌ এক্কো সোনার নেগেলেস্‌ দিলো।

দানিয়েল 2:48

সে পরেদি দানিয়েলরে রাজা এক্কান দাঙর্ পোজিশন্ দিলো আর বোউত্ গম্ গম্ বক্‌‌‌শিজ্ দিলো। তে তারে গোদা বাবিল রেজ্যর্ আজল্ পরিচালক ইজেবে নেযেল আর তার্ বেক সল্লাদিয়্যেগুনোর্ ভারান্ তা উগুরে দিলো।

দানিয়েল 2:6

মাত্তর্ যুনি তুমি মঅ স্ববনান্ আর সিয়েনর্ ভেদ্‌তান্ কোই পার সালে মত্তুন্ তুমি বক্‌‌শিজ, পুরস্কার আর দাঙর্ সর্মান পেবা। সেনত্তে তুমি সেই স্ববনান্ আর সিয়েনর্ ভেদ্‌তান্ মরে কঅ।”

দানিয়েল 5:29

সেক্কে বেল্‌‌‌শৎসরর উগুমে দানিয়েলরে বিগুনো রংয়র্ কাবড় উরেই দিয়্যে অলঅ আর তা গত্তনাবোত্ সনার্ নেগেলেচ্ পিনে অলঅ। তারে রেজ্যর্ তিনজন রাজা ভিদিরে একজনর্ পোজিশন দিবার কধা ফগদাং গরা অলঅ।

দানিয়েল 5:7

সেক্কে রাজা রঅ ছাড়ি ছাড়ি ডাগিনে ভূদো ওঝা, জ্যোতিষী আর গোণোক্ক্যেগুনোরে আনিবাত্তে কলঅ। তে বাবিলর সেই সল্লাদিয়্যেগুনোরে কোইয়্যেদে, “যে কনজনে এই লেগাগান মাদেইনে সিয়েনর ভেদ্‌তান্ মরে কোই দি পারিবো তারে বিগুনো কাবড় উরেই দিয়্যে অবঅ আর গত্তনাবোত্ সনার নেগেলেচ্ দিয়্যে অবঅ আর তারে রেজ্যর তিনজন রাজা ভিদিরে একজনর্ পোজিশন্ দিয়্যে অবঅ ।”

দানিয়েল 6:2

তারা উগুরে থেবাক্ তিন্নো রাজ-পরিচালক। সেই তিনজন ভিদিরে দানিয়েলে এলদে একজন। এ তিনজন ইধু সেই শাজন্‌গুরিয়্যেগুনে দায়ী থেবাক্ যেনে মহারাজর্ কনঅ খেতি ন-অয়।

প্রেরিত্‌ 8:18

যেক্কে শিমোনে দেগিলো, দিপাধেয়্যে প্রচারক্কুনোর আঢ্‌‌‌তানি থনার্ মাধ্যমে পবিত্র আত্মাগানরে দিয়্যে অলঅ সেক্কে তে তারা ইধু টেঙা আনিনে কলঅ,