দানিয়েল 5:12 - Chakma Bible

¹² তে দানিয়েল নাঙে এ মানুচ্চোরে বেল্টশৎসর বিলি ডাগিদো। তা ভিদিরে অমকদ গুণ, জ্ঞান, বুদ্ধি, স্ববনর্ ভেদ্‌তানি কোই দিবার খেমতা, গুমুরো কধানি ভাঙি দেনা আর আঘাত্যে ভেজালানি জোব্ দিবার খেমতা দেগা যেইয়্যে। তুই দানিয়েলরে ডাগিনেই আন্; এ লেগাগানর ভেদ্‌তান্ তেয়ই তরে কোই দিবো।”

দানিয়েল 5:12 Iomraidhean Croise

গীতসংহিতা 16:3

পিত্‌‌থিমীর্ যিদুক্কুন মানুচ্ গোজেনর, তারা দাঙর্; তারারে নিইনে মর্ হুজি।

গম্ উপদেজ্ 12:26

গোজেন ভক্ত মানুচ্ তা আদাম্মেবোরে পথ দেগায়, মাত্তর্ পাজিগুনে এন্ পধেদি চলন যিয়েনিয়ে তারারে ভান্ন্যেই পধেদি নেযায়।

গম্ উপদেজ্ 17:27

বুদ্ধিবলা মান্‌জ্যে নিজোরে দোঙেই রাগেইনে কধা কয়; যে মানুচ্চোর বিচেরবুদ্ধি আঘে তা মাঢাবো ঠান্ডা।

যিহিষ্কেল 28:3

তুই দঅ দানিয়েলত্তুন্‌অ বেশ্ জ্ঞানী; বেক্ গুমুরো বিষয়ানি তর্ জানা আঘে।

দানিয়েল 1:17

এ চের্‌জন গাবুজ্যেরে নানান্ বাবোত্যে সাহিত্য আর বিদ্যেদি জ্ঞানবান গুরিবার আর বুঝিবার খেমতা দিলো; আর দানিয়েলে নানান্ বাবোত্যে দর্শন আর স্ববন পৌইদ্যেনে বুঝি পারিদো।

দানিয়েল 1:7

সেই রাজার আজল্ কামগুরিয়্যেবো তারার নূয়ো নাঙ্ রাগেল; তে দানিয়েলরে বেল্টশৎসর, হনানিয়রে শদ্রক, মীশায়েলরে মৈশক আর অসরিয়রে অবেদ্-নগো নাঙ্ দিলো।

দানিয়েল 2:26

দানিয়েল, যিবেরে বেল্টশৎসর নাঙে ডাগা অদঅ তারে রাজা পুযোর্ গুরিলো, “তুই কি মর্ স্ববনান্ আর সিয়েনর ভেদ্‌তান্ মরে কোই দি পারিবে?”

দানিয়েল 4:19

সেক্কে দানিয়েল, অত্তাৎ বেল্টশৎসরে স্ববনান কধা চিদে গুরিনে দোরেল আর কিজু সময়োত্তে আমক্ ওই রলঅ। সেক্কে রাজা কলঅ, “ও বেল্টশৎসর, স্ববনান্ বা সিয়েনর্ ভেদ্‌তানে তরে চিন্তিত ন-গোরোক্।” বেল্টশৎসরে জোব্ দিলো ও মর্ প্রভু, এ স্ববনান্ আর সিয়েনর ভেদ্‌তান্ তঅ শত্রুগুনে উগুরে ঘোদোক্।

দানিয়েল 4:8

যেরেদি দানিয়েলে মঅ মুজুঙোত্ এজানার পরেদি মুই তারে স্ববনান্ কলুং। মঅ দেবেদাবোর নাঙানি অনুসারে তারে বেল্টশৎসর নাঙ্ দিয়্যে অলঅ। তা ভিদিরে সুদ্ধো-সাংগ এমন কিজু আঘে যিয়েনি এ পিত্‌‌থিমীর নয়।

দানিয়েল 5:14

মুই শুন্যং তঅ ভিদিরে এমন কিজু আঘে যিয়েনি এ পিত্‌‌থিমীর নয়, আর তঅ ভিদিরে বুঝিবার খেমতা, বুদ্ধি আর বিশেষ জ্ঞান আঘে।

দানিয়েল 5:16

ইক্কিনে মুই শুনিলুং যে, তুই গুমুরো বিষয়র্ ভেদ্‌তান্ কোই দিদে আর দরমর সমস্যার সমাধান দি পারচ্। তুই যুনি এ লেগাগান পড়িনে মরে সিয়েনর ভেদ্‌তান্ কোই দি পারচ্ সালে তরে বিগুনো রঙ কাবড় উরো অবঅ আর গত্তনাত্ সনার নেগেলেচ্ দিয়্যে অবঅ আর তুই এই রেজ্যর্ তিনজন রাজা ভিদিরে একজনর পোজিশন্ পেবে।”

দানিয়েল 6:3

দানিয়েলে নিজোর্ গুণোত্তে অন্য রাজ-পরিচালক আর রেজ্যর্ শাজন্‌গুরিয়্যেগুনোত্তুন্ নিজোরে আরঅ গম্ বিলি প্রমাণ গুরিলো। সিয়েনর্ কারনে মহারাজে তারে গোদা রেজ্যগানি উগুরে নেযেব বিলি ঠিগ্ গুরিলো।

দানিয়েল 6:4

সেনত্যে সেই রাজ-পরিচালক্‌কুনে আর সেই শাজন্‌গুরিয়্যেগুনে সরকার কাম পৌইদ্যেনে দানিয়েলর দুষ ধুরিবার চেট্ট্যা গরা ধুরিলাক, মাত্তর্ ন-পারিলাক্। সে ভিদিরে তারা কনঅ দুষ তোগেই ন-পেলাক্, কিত্যে তে বিশ্বেজি এলঅ, কনঅ দুষ বা অবহেলা তা ভিদিরে ন-এলঅ।

কলসীয় 1:29

এই উদ্দেচ্চ্যগান্দোই গোজেনে যে দাঙর্ খেমতাগানে মঅ ভিদিরে কাম গোজ্জ্যে সেই খেমতা মজিম মুই জদবদে কাম্ গরঙর্।