দানিয়েল 5:11 - Chakma Bible

¹¹ তঅ রেজ্যগান ভিদিরে এক্কো মানুচ্ আঘে যিবে ভিদিরে পবিত্র এমন কিজু আঘে যিয়েনি এ পিত্‌‌‌‌‌‌‌‌‌থিমীর নয়। তঅ আজু নবূখদ্‌‌‌‌‌‌‌‌‌নিৎসর সময়োত্ সেই মানুচ্চুনো ভিদিরে বুঝিবার খেমতা, বুদ্ধি আর দেবেদাগুনো ধোক্ক্যেন জ্ঞান দেগা যেইয়্যে। তঅ আজু রাজা নবূখদ্‌‌‌‌‌‌‌‌‌নিৎসরে তারে যাদুকর, ভূদো ওঝা, জ্যোতিষী আর গোণোক্ক্যেগুনোর আজল্ ইজেবে নেযেয়্যে।

দানিয়েল 5:11 Iomraidhean Croise

পত্থম 41:38

ফরৌণ তা চাগরুনোরে কলঅ, “এ মানুচ্চুনো ভিদিরে এমন্ কিজু আঘে যিয়েন্‌ এ পিত্‌থিমীত্‌ নেই। ইবে ধোক্ক্যেন আর কারে আমি তোগেই পেবং?”

২ শমূয়েল 14:17

“ইক্কিনে তঅ চাগরানিবো মুই কঙর্‌, মঅ মহারাজর কধাগানে যেনে মরে শান্তি দে, কিত্যে গম্‌-বজং বিচের গুরিবাত্তে মঅ গিরোজ্‌ মহারাজে গোজেনর এক্কো দূতো ধোক্ক্যেন্‌। তঅ গোজেন লগেপ্রভু তঅ সমারে থোক্‌।”

যিহিষ্কেল 28:3

তুই দঅ দানিয়েলত্তুন্‌অ বেশ্ জ্ঞানী; বেক্ গুমুরো বিষয়ানি তর্ জানা আঘে।

যিহিষ্কেল 28:4

তর্ জ্ঞান আর বুদ্ধিলোই তুই নিজোত্তে ধন-সোম্বোত্তি পেইয়োচ্ আর তর্ ধন-ভান্ডালত্ সোনা আর রূবো থুবেয়োচ্।

দানিয়েল 1:4

সে গাবুজ্যেগুনোত্তুন্ উয়ো পড়িবো থুদো নেইয়্যে, দোল্, জ্ঞানী আর বুদ্ধিবলা, বেক্ শিক্ষ্যেনি শিগিবাত্তে চোট্‌পোট্যে আর রাজদরবারত্ কাম গুরিবার যগাজ্যে। অসপনস্‌‌‌রে উগুম দিয়্যে অলঅ যেনে তে এ গাবুজ্যেগুনোরে বাবিলীয়গুনোর কধা আর পুদি পৌইদ্যেনে শিক্ষ্যে দুয়োন্।

দানিয়েল 2:11

মহারাজে যিয়েন চার্ সিয়েন গরানা অমকদ আগাত্যে। দেবেদাগুনে বাদে আর কনজনে ইয়েন মহারাজ ইধু ফগদাং গুরি ন-পারিবাক্, আর তারা দঅ মান্‌‌জ্য ভিদিরে বজত্তি ন-গরন।”

দানিয়েল 2:22

তে গভীন্ আর লুগেয়্যে বেপারানি ফগদাং গরে; তে হবর্ পায় আন্ধার ভিদিরে কি আঘে; তা সমারে পহ্‌‌‌‌রানে বজত্তি গরে।

দানিয়েল 4:18

“ইয়েন সেই স্ববনান্ যিয়েন মুই রাজা নবূখদ্‌নিৎসর দেখ্যং। ইক্কিনে ও বেল্টশৎসর, তুই ইয়েনর ভেদ্‌তান্ কি কঅ? মঅ রেজ্যর্ কনঅ সল্লাদিয়্যে ইয়েনর্ ভেদ্‌তান্ মরে কোই দি ন-পারন; মাত্তর্ তুই পারিবে, কিত্যে তঅ ভিদিরে পবিত্র এমন কিজু আঘে যিয়েনি এ পিত্‌‌থিমীত্ নয়।”

দানিয়েল 4:5

মুই যেক্কে বিচ্চোনত্ পোজ্যে এলুং সেক্কে এক্কান স্ববন্ দেগিনে দোরেলুং; সে স্ববনত্ মুই যিয়েনি যিয়েনি দেগিলুং সিয়েনি মঅ মনত্ দর্‌‌‌‌‌‌‌বুক্ সোমেল।

দানিয়েল 4:6

সেনত্তে মঅ স্ববনর্ ভেদ্‌তান্ ভাঙি দিবাত্তে মুই বাবিলোর বেক্ রাজ-সল্লা দিয়্যেগুনোরে মঅ মুজুঙোত্ আনিবাত্তে উগুম দিলুং।

দানিয়েল 5:14

মুই শুন্যং তঅ ভিদিরে এমন কিজু আঘে যিয়েনি এ পিত্‌‌থিমীর নয়, আর তঅ ভিদিরে বুঝিবার খেমতা, বুদ্ধি আর বিশেষ জ্ঞান আঘে।

দানিয়েল 5:7

সেক্কে রাজা রঅ ছাড়ি ছাড়ি ডাগিনে ভূদো ওঝা, জ্যোতিষী আর গোণোক্ক্যেগুনোরে আনিবাত্তে কলঅ। তে বাবিলর সেই সল্লাদিয়্যেগুনোরে কোইয়্যেদে, “যে কনজনে এই লেগাগান মাদেইনে সিয়েনর ভেদ্‌তান্ মরে কোই দি পারিবো তারে বিগুনো কাবড় উরেই দিয়্যে অবঅ আর গত্তনাবোত্ সনার নেগেলেচ্ দিয়্যে অবঅ আর তারে রেজ্যর তিনজন রাজা ভিদিরে একজনর্ পোজিশন্ দিয়্যে অবঅ ।”

প্রেরিত্‌ 12:22

তা কধানি শুনিনে তারা রঅ ছাড়িনে কলাক্, “ইয়েনি দেবেদার্ কধা, মান্‌জ্যর্ কধা নয়।”

প্রেরিত্‌ 14:11

পৌলে যিয়েনি গুরিলো সিয়েনি দেগিনে মানুচ্চুনে লুকায়নীয় ভাষায় রঅ ছাড়িনে কলাক্, “দেবেদাগুনে মানুচ্‌ ওইনে আমা ইধু লামি এচ্চ্যন্।”

প্রেরিত্‌ 16:16

একদিন্ন্যে যেক্কে আমি সেই তবনা গুরিবার্ জাগানত্ যেইর্ সেক্কে এক্কো চাগরাণীর্ লগে আমার্ দেগা অলঅ। তারে এক্কো ভান্ন্যেই আত্মায় পেইয়্যে যিয়েনত্তে তে আগাম্ কধা কোই পাত্ত। সিয়েন্দোই তা গিরোজ্‌সোর্ লাভ্ অদঅ।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।