দানিয়েল 4:9 - Chakma Bible

⁹ মুই কলুং, ও যাদুকরর্ আজল্লো বেল্টশৎসর, মুই হবর্ পাং তঅ ভিদিরে সুদ্ধো-সাংগ এমন কিজু আঘে যিয়েনি এ পিত্‌‌‌থিমীর নয় আর কনঅ গুমুরো বিষয় হবর্ পানা তইদু অমকদ আঘাত্যে নয়। মর্ এ স্ববনানর্ ভেদ্‌তান্ তুই কোই দে।

দানিয়েল 4:9 Iomraidhean Croise

পত্থম 41:38

ফরৌণ তা চাগরুনোরে কলঅ, “এ মানুচ্চুনো ভিদিরে এমন্ কিজু আঘে যিয়েন্‌ এ পিত্‌থিমীত্‌ নেই। ইবে ধোক্ক্যেন আর কারে আমি তোগেই পেবং?”

যিশাইয় 33:18

তর্ চিন্তে ভিদিরে থেবঅ আগর্ সেই অমকদ দর্‌গরেপারা কধা। তুই মনে গুরিবে, “কুদু সেই ইজেব-গুরিয়্যেবো? কুদু সেই মানুচ্চো, যে কর্ তুলিদো? কুদু ঘরর কাম্-পেইয়্যে সে কামগুরিয়্যেবো?”

যিশাইয় 54:14

তুই ন্যায্যগান্দোই থিদেবর্ অবে। তত্তুন্ অত্যেচারান দূরোত্ থেবঅ; তর্ দোরেবার কিচ্চু ন-থেবঅ। অমকদ দর্‌‍‌‌বুক্কান দূরোত্ সুরি যেবঅ, সিয়েন তইদু ন-এবঅ।

যিহিষ্কেল 17:23

ইস্রায়েলর অজল্ মুড়ো উগুরেত্তুন্ ডেলা নিগিলিনে ফল ধুরিবাক্; সিবে এক্কো বেগত্তুন দোল্ এরস গাজ্ ওই উদিবো। নানান্ বাবোত্যে পেগ্ তা ডেলাগুনো ভিদিরে ঘর্ বানেবাক্ আর তা ছাবাত্ বজত্তি গুরিবাক্।

যিহিষ্কেল 28:3

তুই দঅ দানিয়েলত্তুন্‌অ বেশ্ জ্ঞানী; বেক্ গুমুরো বিষয়ানি তর্ জানা আঘে।

দানিয়েল 1:20

জ্ঞান আর বুদ্ধির পৌইদ্যেনে পত্তি পৌইদ্যেনে রাজা তারারে পুযোর্ গুরিনে বুঝি পারিলো যে, তারা তা গদা রেজ্যগানি ভিদিরে বেক্ যাদুগুরিয়্যে আর ভূতোর্ ওঝাগুনোত্তুন্ দশগুন গম্।

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

দানিয়েল 2:48

সে পরেদি দানিয়েলরে রাজা এক্কান দাঙর্ পোজিশন্ দিলো আর বোউত্ গম্ গম্ বক্‌‌‌শিজ্ দিলো। তে তারে গোদা বাবিল রেজ্যর্ আজল্ পরিচালক ইজেবে নেযেল আর তার্ বেক সল্লাদিয়্যেগুনোর্ ভারান্ তা উগুরে দিলো।

দানিয়েল 4:18

“ইয়েন সেই স্ববনান্ যিয়েন মুই রাজা নবূখদ্‌নিৎসর দেখ্যং। ইক্কিনে ও বেল্টশৎসর, তুই ইয়েনর ভেদ্‌তান্ কি কঅ? মঅ রেজ্যর্ কনঅ সল্লাদিয়্যে ইয়েনর্ ভেদ্‌তান্ মরে কোই দি ন-পারন; মাত্তর্ তুই পারিবে, কিত্যে তঅ ভিদিরে পবিত্র এমন কিজু আঘে যিয়েনি এ পিত্‌‌থিমীত্ নয়।”

দানিয়েল 4:5

মুই যেক্কে বিচ্চোনত্ পোজ্যে এলুং সেক্কে এক্কান স্ববন্ দেগিনে দোরেলুং; সে স্ববনত্ মুই যিয়েনি যিয়েনি দেগিলুং সিয়েনি মঅ মনত্ দর্‌‌‌‌‌‌‌বুক্ সোমেল।

দানিয়েল 4:8

যেরেদি দানিয়েলে মঅ মুজুঙোত্ এজানার পরেদি মুই তারে স্ববনান্ কলুং। মঅ দেবেদাবোর নাঙানি অনুসারে তারে বেল্টশৎসর নাঙ্ দিয়্যে অলঅ। তা ভিদিরে সুদ্ধো-সাংগ এমন কিজু আঘে যিয়েনি এ পিত্‌‌থিমীর নয়।

দানিয়েল 5:11

তঅ রেজ্যগান ভিদিরে এক্কো মানুচ্ আঘে যিবে ভিদিরে পবিত্র এমন কিজু আঘে যিয়েনি এ পিত্‌‌‌‌‌‌‌‌‌থিমীর নয়। তঅ আজু নবূখদ্‌‌‌‌‌‌‌‌‌নিৎসর সময়োত্ সেই মানুচ্চুনো ভিদিরে বুঝিবার খেমতা, বুদ্ধি আর দেবেদাগুনো ধোক্ক্যেন জ্ঞান দেগা যেইয়্যে। তঅ আজু রাজা নবূখদ্‌‌‌‌‌‌‌‌‌নিৎসরে তারে যাদুকর, ভূদো ওঝা, জ্যোতিষী আর গোণোক্ক্যেগুনোর আজল্ ইজেবে নেযেয়্যে।

১ শমূয়েল 4:8

হায়, হায়, এই বোলী দেবেদাগুনোত্তুন কন্না আমারে রোক্ষ্যে গুরিবো? ধূল্যে-চর চাগালাত্‌ নানান্‌ বাবোত্যে পীড়ের ভানালোই এই বেক্‌ দেবেদাগুনেই দঅ মিসরীয়গুনোরে মারে ফেলেয়োন।