দানিয়েল 4:36 - Chakma Bible

³⁶ যেক্কে মর্ মনান্ ফিরি এলঅ সেক্কে মর্ রেজ্যর সর্মানত্তে মর্ সয়-সাগোজ্যে আর বাঈনী গরানা মরে ফিরেই দিয়্যে অলঅ। মর্ মন্ত্রীগুনে আর আজল্ মানুচ্চুনে মরে তোগেইনে নিগিলেলাক্ আর মরে আরঅ সিংহাসনত্ বজা অলঅ আর মুই আগত্তুন্‌অ বেশ্ মহান ওলুং।

দানিয়েল 4:36 Iomraidhean Croise

ইয়োব 13:12

তমা সুদোমর্‌ কধানি যেনে কধা সুরোর্‌ ছেইয়ো কুর ধোক্ক্যেন; তমা তর্কর্‌ কধানি মাদি ধোক্ক্যেন্ নরম।

গম্ উপদেজ্ 22:4

নম্রগান আর লগেপ্রভু উগুরে ভোক্তিবলা দর্ ধন, সর্মান আর জিংকানি আনে।

দানিয়েল 2:31

ও মহারাজ, তুই রিনি চেইয়োচ্, আর তঅ মুজুঙোত্ এক্কো দাঙর্ মূত্তি থিয়্যেই এলঅ; মূত্তিবো দাঙর্, অমকদ জোল্‌‌‌জোল্যে আর তা চেঙারাগান দর্‌‌‌গরেপারা।

দানিয়েল 4:22

তুই, ও মহারাজ, তুয়ই সেই গাজ্। তুই দাঙর্ আর খেমতাবলা ওইয়োচ্; তঅ খেমতাগান্ বাড়িনে আগাজ সং লুম্মেগোই আর তঅ রেজ্যগান পিত্‌থিমীর শেজ্ দুযি সং ছিদি যেইয়্যে।

দানিয়েল 4:32

তরে মান্‌‌জ্য কায় কুরেত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; গোরু ধোক্ক্যেন তুই ঘাস হেবে। যেদক্ বিলোন সং তুই মানি ন ‌‌নেযেবে, দাঙর্ গোজেনে মান্‌জ্য রেজ্যগানি উগুরে কাবিদ্যঙ্‌‌গিরি গরে আর সেই বেক্ রেজ্যগানি যিবেরে আওজ্ তারে দে সেদক্ বিলোন সং সাত বজর্ যেবঅ।”

দানিয়েল 4:34

সে সময়ান শেজ্ ওই গেলে পরেদি মুই নবূখদ্‌নিৎসর স্বর্গ ইন্দি রিনি চেলুং আর মর্ মনান্ গম্ পেলুং। সেক্কে মুই মহান গোজেনরে বাঈনী গুরিলুং; যিবে উমরত্যে বাঁজি আঘে মুই তারে সর্মান দেগেলুং আর তারে নাঙ্ গিনিলুং। মুই কলুং, “গোজেনর রেজ্যগান উমরর্ রেজ্য; তাঁর রাজাগিরি যুগে যুগে থিদেবর্ গোজ্যে।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

২ করিন্হীয় 4:17

ইক্কিনে আমি কয়েক দিনোত্যে যে সামান্য দুঘ্ ভুগির্ সিয়েনর্ ফলে আমি উমরত্যে মহিমাগান্ পেবং। এ মহিমাগান্ এদক্ বেশ্ যে, সিয়েন মাবা ন-যায়।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।