দানিয়েল 4:26 - Chakma Bible

²⁶ শিঙোর্ সুদ্ধো গাজ্‌চো গোড়াগান থুয়োই দেনার উগুমানর ভেদ্‌তান্ অলঅ, তুই যেক্কে মানি নিবে, স্বর্গর গোজেনে কাবিদ্যঙ্‌গিরি গরে সেক্কে তঅ রেজ্যগান তরে ফিরেই দিয়্যে অবঅ।

দানিয়েল 4:26 Iomraidhean Croise

দানিয়েল 2:18

তে তারারে কোজোলী গুরিলো যেন তারা সেই হবর্ ন-পেইয়্যে বেপারান্ জানিবাত্তে স্বর্গর গোজেন ইধু দোয়্যে ভিক্ষ্যে চেলঅ, যেনে তে আর তা সমাজ্যেগুন বাবিলোর অন্য সল্লাদিয়্যেগুনো লগে মারা ন-পড়ন্।

দানিয়েল 2:19

রেদোত্ এক্কান দর্শনর্ মাধ্যমে সেই হবর্ ন-পেইয়্যে বেপারান্ দানিয়েল ইধু ফগদাং অলঅ। সেক্কে দানিয়েলে স্বর্গর গোজেনরে ভালেদি জানেল।

দানিয়েল 2:37

ও মহারাজ, তুই রাজাগুনোর রাজা। স্বর্গর গোজেনে তরে রেজ্য, খেমতা, বল্ আর সর্মান দান গোজ্যে।

দানিয়েল 4:15

মাত্তর্ তার গোড়া আর শিঙোরানি লুয়ো আর পিদোল্লোই বান্যে অবস্থায় মাদিত্ মাদ ঘাস ভিদিরে থোক্। আগাজ শিরোপানিয়ে তে ভিজোক্ আর পিত্‌‌‌‌‌থিমীর গাজ্-বাজ ভিদিরে য়েমান লগে তে বজত্তি গোরোক্।

দানিয়েল 4:23

তুই, ও মহারাজ, এক্কো পবিত্র চুগিদাররে স্বর্গত্তুন্ লামি এত্তে দেখ্যচ্। তে কোইয়্যেদে, গাজ্‌‍চো কাবিনে ভস্ত গুরি ফেলা, মাত্তর্ সিবের্ গোড়া আর শিঙোরান লুয়ো আর পিদোল্লোই বানিনে মাদিত্ মাদ ঘাস ভিদিরে ফেলেইনে থোই দে। তে আগাজ শিরোপানিলোই ভিজোক্; সাত্ বজর্ সং তে য়েমানুনো সমারে বজত্তি গোরোক্।

দানিয়েল 4:31

কধানি তা মুয়োত্ থাগদে থাগদে স্বর্গত্তুন্ কনঅ একজনে কলঅ, “ও রাজা নবূখদ্‌নিৎসর, তরে কুয়ো অত্তে যে, তঅ রেজ্যগানি তত্তুন্ নেযা ওইয়্যে।

দানিয়েল 4:37

ইক্কিনে মুই নবূখদ্‌নিৎসর সেই স্বর্গ রাজারে নাঙ্ গিনোং, সর্মান গরং আর বাঈনী গরং, কিত্যে তে যিয়েনি গরে সিয়েনি ঠিগ্, আর তার বেক্ পথ্‌‌‌‌‌তানি ন্যায়ে ভর্‌‌‌‌‌পুনং। যিগুনে বাড়্‌বো গুরিনে চলন তারারে তে তলেদি ফেলেই পারে।

দানিয়েল 5:20

মাত্তর্ যেক্কে তা মনান্ বাড়্‌বো আর অহংকারে দরমর ওই উদিলো সেক্কে তারে তা সিংহাসনত্তুন্ লামেই দিয়্যে অলঅ আর তা সর্মানান নেযা অলঅ।

দানিয়েল 5:21

তারে মান্‌জ্য ইত্তুন ধাবেই দিইনে এক্কো য়েমান খাচ্চ্যত্ দিয়্যে অলঅ। যেদক্ বিলোন সং তে মানি ন-নেযেল, দাঙর্ গোজেনে মান্‌জ্য রেজ্যগানি উগুরে কাবিদ্যঙ্‌গিরি গরে আর যিবেরে আওজ্ তারে সেই বেক্ রেজ্যগানি উগুরে বজায় সেদক্ দিন সং তে ঝার্‌বো গাধাগুনো লগে বজত্তি গুরিদো আর গোরু ধোক্ক্যেন ঘাস খেদ আর আগাজ শিরোপানিয়ে ভিজিদো।

মথি লেখ্যে গম্ হবর্ 21:20

শিচ্চ্যগুনে সিয়েন্ দেগিনে আমক্ ওইনে কলাক্, “ডোমোর্ গাজ্‌সো এদক্ যাদিমাদি কেধোক্ক্যেন্ গুরি শুগেই গেলঅ?”

মথি লেখ্যে গম্ হবর্ 5:34

মাত্তর্ মুই তমারে কঙর্, এক্কুবারে শমক্ ন-হেয়ো। স্বর্গর্ নাঙে ন-গোজ্য, কিয়া সিয়েন গোজেনর সিংহাসন।

লূকে লেখ্যে গম্ হবর্ 15:18

মুই উদিনে মঅ বাবঅ ইধু যেইনে কোম্, বা‌বা, গোজেন আর তঅ বিরুদ্ধে মুই পাপ্ গোজ্যং।

লূকে লেখ্যে গম্ হবর্ 15:21

সেক্কে পুয়োবো কলঅ, বাবা, মুই গোজেন আর তঅ বিরুদ্ধে পাপ্ গোজ্যং। কেঅ যে আর মরে তর্ পুয়ো বিলি ডাগোদোক্ সিয়েনর্ যগাজ্যে মুই নয়।