দানিয়েল 4:18 - Chakma Bible

¹⁸ “ইয়েন সেই স্ববনান্ যিয়েন মুই রাজা নবূখদ্‌নিৎসর দেখ্যং। ইক্কিনে ও বেল্টশৎসর, তুই ইয়েনর ভেদ্‌তান্ কি কঅ? মঅ রেজ্যর্ কনঅ সল্লাদিয়্যে ইয়েনর্ ভেদ্‌তান্ মরে কোই দি ন-পারন; মাত্তর্ তুই পারিবে, কিত্যে তঅ ভিদিরে পবিত্র এমন কিজু আঘে যিয়েনি এ পিত্‌‌থিমীত্ নয়।”

দানিয়েল 4:18 Iomraidhean Croise

পত্থম 40:12

যোষেফে তারে কলঅ, “ইয়েন্‌ অলঅ তঅ স্ববনর্ অত্তগান। তিন্‌নো ডেলা অত্ত তিন দিন।

পত্থম 41:15

সেক্কে ফরৌণ যোষেফরে কলঅ, “মুই এক্কান্‌ স্ববন্‌ দেক্কোং, মাত্তর্‌ কনজনে সিয়েনর্‌ অত্তগান্‌ কোই ন পার্‌দন। মুই শুনিলুংগে, তঅ মুজুঙোত্ স্ববন ঘটনাগান্‌ কলে তুই সিয়েনর অত্তগান কোই দি পারস্‌।”

পত্থম 41:8

মাত্তর্‌ বেন্যে মাদান্ তা মনান কেন্‌জান্‌ চুলুবুল্যে ওই উদিলো। তে মানুচ্‌ পাদেইনে মিসর দেজ বেক্‌ যাদুগরুনোরে আর গোণোক্ক্যে গুনোরে ডাগি আনিলো। তে স্ববনত্‌ যিয়েন্‌ দেক্কে সিয়েন্‌ তারা ইধু কলঅ, মাত্তর্‌ কনজনে সিয়েন অত্তগান কোই দি ন-পারিলাক্।

যিশাইয় 19:3

মিসরীয়গুনে মন বল্ আরেবাক্, আর মুই তারার সল্লাগান্ নিষ্ফল গুরি দিম্। তারা মূত্তি আর মরাগুনোর্ আত্মার্ ইধু, ভূদো ইধু, আর ভান্ন্যেই আত্মাগুনো সমারে মিজেয়্যে রোক্ক্যেগুরিয়্যেগুনো ইধু সল্লা চেবাক্।

দানিয়েল 1:20

জ্ঞান আর বুদ্ধির পৌইদ্যেনে পত্তি পৌইদ্যেনে রাজা তারারে পুযোর্ গুরিনে বুঝি পারিলো যে, তারা তা গদা রেজ্যগানি ভিদিরে বেক্ যাদুগুরিয়্যে আর ভূতোর্ ওঝাগুনোত্তুন্ দশগুন গম্।

দানিয়েল 2:38

তঅ আঢত্ তে মানুচ্, য়েমান আর পেগ্‌‌‌‌কুনোরে দিয়্যে। তারা যিদু বজত্তি গুরিদাক্ সাৎ তে তারারে বেক্কুনোরে তঅ অধীনোত্ গোজ্যে। তুয়ই সেই সোনার মাঢাবো।

দানিয়েল 2:7

জোবত্ তারা আরঅ কলাক্, “মহারাজে যেন তা চাগরুনো ইধু স্ববনান্ কয়, আমি সিয়েনর ভেদ্‌তান্ কবং।”

দানিয়েল 5:15

এই লেগাগান পড়িনে মরে ভেদ্‌তান্ কোই দিবাত্তে গুণবলা আর সল্লাদিয়্যেগুনোরে মইদু আনা ওইয়্যে, মাত্তর্ তারা ইয়েনর্ ভেদ্‌তান্ কোই ন-পারন্।

দানিয়েল 5:8

রাজার সেই বেক সল্লাদিয়্যেগুনে ভিদিরে এলাক্, মাত্তর্ তারা সেই লেগানি পড়ি বা রাজারে সিয়েনর ভেদ্‌তান্ কোই দি ন-পারিলাক্।

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।