দানিয়েল 4:12 - Chakma Bible

¹² তা পাদানি দোল্ এলঅ আর গুলোগুলি এলাক্ বোউত্ আর সিগুনোত্তুন্ বেক্কুনে হানা পেদাক্। সিবে তলেদি মাদ য়েমানুনে আশ্রয় নেযেদাক্ আর আগাজর্ পেগ্‌কুনে তা ডেলাগুনোত্ বজত্তি গুরিদাক্; বেক্ প্রাণিগুনে সিবেত্তুন হানা পেদাক্।‌‌

দানিয়েল 4:12 Iomraidhean Croise

ইয়োব 12:24

পিত্‌থিমীর্‌ নেতাগুনোর্‌ বিচের্‌ বুদ্ধিগানি তে দূর্‌ গরে, পথ্‌নেইয়্যে মানুচ্‌‌ছাড়া জাগাত্‌ তারারে ঘুরি বেড়েবাত্তে দে।

ইয়োব 14:7

গাজ্‌চুনোর্‌অ আজা আঘে; সিবে কাবি ফেলেলেয়ো আর উদিবো, সিবেত্তুন্‌ আরঅ নুয়ো ডেলা নিগিলিবো।

ইয়োব 14:9

তো পানি বাজ্‌ পেলে সিয়েন্‌ আর উদে; নুয়ো চারা ধোক্ক্যেন্ আরঅ সিবের্‌ ডেলাগুন্‌ নিগিলে।

আবিলেচ্ 4:20

যিবে লগেপ্রভুর বেঈ লোইয়্যে, যিবে আমার জিংকানির বোইয়্যের্, তে তারার ফালত্ ধরা পোজ্যে; মাত্তর্ আমি মনে গোজ্যেদে তা ছাবাত্ জাদ্‌তুনো ভিদিরে আমি বজত্তি গুরিবোং।

যিহিষ্কেল 17:23

ইস্রায়েলর অজল্ মুড়ো উগুরেত্তুন্ ডেলা নিগিলিনে ফল ধুরিবাক্; সিবে এক্কো বেগত্তুন দোল্ এরস গাজ্ ওই উদিবো। নানান্ বাবোত্যে পেগ্ তা ডেলাগুনো ভিদিরে ঘর্ বানেবাক্ আর তা ছাবাত্ বজত্তি গুরিবাক্।

যিহিষ্কেল 31:17

যিগুনে তা ছাবাত্ বজত্তি গুরিদাক্, অত্তাৎ জাদ্‌তুনো ভিদিরে তা সমাজ্যেগুনে তা লগে মরণ জাগাত্ যুদ্ধোত্ মোজ্যন্দে মানুচ্চুনো ইধু লামিলাক্।‌‌‌‌

দানিয়েল 4:14

তে রঅ ছাড়িনে কলদে, গাজ্‌‌‌‌‌চো কাবি ফেলা আর তার বাগলানি ছাজি ফেলেই দে; তার পাদানি ঝারি ফেলা আর গুলোগুলিগুন্ ঝোড়েই দে, তার তলানত্তুন্ য়েমানুনে আর ডেলাগুনোত্তুন্ পেগ্‌‌‌‌‌কুনে ধেই যাদোক্,

মথি লেখ্যে গম্ হবর্ 13:32

বেক্ বীজিগুনো ভিদিরেত্তুন্ ঘেচ্চেকগুরি সিবে বেগত্তুন্ চিগোন্, মাত্তর্ গাজ্ দাঙর্ ওই উদিলে পরেদি সিগুন বেক্ শাক্-পাদ ভিদিরেত্তুন্ বেগত্তুন্ দাঙর্ অয়। সিবে এমন্ এক্কো দাঙর্ গাজ্ ওই উদে, পেগ্‌কুনে এইনে তা ডেলাগুনোত্ বাহ্ বানন্।”

মার্ক 13:32

সেই দিন্নো আর সেই সময়বোর্ কধা কেঅ হবর্ ন-পায়, স্বর্গর্ দূত্‌তুনেয়ো ন-পান্, পুয়োবোয়ো ন-পায়; বানা স্বর্গীয় বাবা হবর্ পায়।

মার্ক 4:32

মাত্তর্ লাগেবার পরেদি যেক্কে গাজ্ বাড়ি উদোন্ সেক্কে বেক্ শাক্-পাদ ভিদিরে সিবে বেগত্তুন্ দাঙর্ অয়, আর এমন্ দাঙর্ দাঙর্ ডেলা নিগিলোন্, পেগ্‌কুনেয়ো সিবের্ আন্দলে বাহ্ বানন্।”

লূকে লেখ্যে গম্ হবর্ 13:19

গোজেন রেজ্যগান্ এমন্‌ এক্কো শোজ্য-বিজি ধোক্ক্যেন্ যিবে এক্কো মান্‌জ্যে নেযেইনে তা বাগানত্ লাগেল। যেরেদি চারা বাড়ি উদিনে এক্কো গাজ্ ওই উদিলো। সেক্কে পেগ্‌কুনে এইনে তা ডেলাগুনোত্ ভাহ্ বানিলাক্।”