দানিয়েল 4:1 - Chakma Bible

¹ পরেদি রাজা নবূখদ্‌‌‌‌সরে জগদর্ বেক জাদ ইধু, দেজর্ আর ভাষার মানুচ্চুনো ইধু এ হবরান্ পাদেল: তমার ভালেদি ওক্।

দানিয়েল 4:1 Iomraidhean Croise

১ বংশধর 12:18

যিবে পরেন্দি “ত্রিশ” নাঙে দলর্‌ নেতা ওইয়্যে সে অমাসয় উগুরে লগেপ্রভুর আত্মাগান্‌ এলঅ। সেক্কে তে কলঅ, “ও দায়ূদ, আমি তরই। ও যিশয় পুয়ো, আমি তর্‌ পক্ষেন্দি। মংগল ওক্‌, তর্‌ মংগল্‌ ওক্‌, মংগল্‌ ওক্‌ তারার্‌, যিগুনে তরে বল্‌ দুয়োন্‌, কিত্তে তঅ গোজেনে তরে বল্‌ দিয়্যে।” সেক্কে দায়ূদে তারারে গুজি লোইনে তার্‌ আক্রমণগুরিয়্যে দলর্‌ নেতা বানেল।

ইষ্রা 4:17

সেক্কেনে রাজা সেই চিদির্ এই জোব্‌পান পাদেই দিলো: “শাজন্‌গুরিয়্যে রহূম, লিগিয়্যে শিম্‌শয় আর শমরিয়া আর ইউফ্রেটিস গাঙর্ পোজিম্ পারর্ নানান্ চাগালাত্ বজত্তিগুরিয়্যে অন্য দাঙর্ পোজিশনর্ কামগুরিয়্যেগুনো ইদু মুই লেগঙর্। তমার্ ভালেদি ওক্।

ইষ্টের 3:12

সে পরেদি পত্তম মাজর্‌ তের দিনোত্‌ রাজার লিগিয়্যেগুনোরে ডাগা অলঅ। তারা পত্তি চাগালার্‌ অক্ষর আর পত্তি জাদর্‌ ভাষা মজিম্ হামনর বেক্‌ উগুমানি নানান্‌ রেজ্যত্‌ আর চাগালার্ শাজন্‌গুরিয়্যেগুনো ইদু আর নানান্‌ জাদর্‌ নেতাগুনো ইদু লিগিনে জানেলাক্‌। সিয়েনি রাজা অহশ্বেরশর নাঙে লেগা অলঅ আর রাজার নিজো আংটিবোলোই সীলমর্‌ গরা অলঅ।

ইষ্টের 8:9

সেই অক্তত্‌ তিন মাজত্‌, অত্তাৎ সীবন মাজর্ তেইশ দিনোত্‌ রাজার লিগিয়্যেগুনোরে ডাগা অলঅ। মর্দখয়র উগুম মজিম্ হিন্দুস্থানত্তুন্‌ কূশ সং একশঅ সাতেশ্‌সো চাগালার্ যিহূদীগুনোর, রেজ্যর্ আর চাগালার্ শাজন্‌গুরিয়্যেগুনোর আর দাঙর্‌ পোজিশনর্ কামগুরিয়্যেগুনো ইদু চিদি লেগা অলঅ। এ চিদিগান পত্তি চাগালার্ অক্ষর আর পত্তি জাদর্‌ ভাষা মজিম্ আহ্‌ যিহূদীগুনোর অক্ষর আর ভাষা অনুসারে লেগা অলঅ।

দানিয়েল 3:29

সেনত্তে মুই এ উগুমান দুয়োঙর্, কনঅ জাদর্, দেজর্ বা ভাষার মানুচ্ যুনি শদ্রক, মৈশক আর অবেদ্-নগোর গোজেন বিরুদ্ধে কিজু কন্ সালে তারে কট্টা কট্টা গুরিনে কাবি ফেলা অবঅ আর তার ঘরানি কাজর-কুড়্ বানা অবঅ, কিত্যে আর কনঅ দেবেদা এবাবোত্যেগুরি উদ্ধোর্ গুরি ন-পারে।”

দানিয়েল 3:4

সেক্কে ফগদাংগুরিয়্যেবো জোরে এ কধাগান ফগদাং গুরিলো, “ও নানান্ জাদর্, দেজর আর ভাষার্ মানুচ্চুন, তমারে এ উগুমান দিয়্যে অর্ যে,

দানিয়েল 6:25

ইয়েনর পরেদি রাজা দারিয়াবসে বেক জাদর্, দেজর আর ভাষার মানুচ্চুনো ইধু এ কধাগান লিগিলো: তমার জদবদে ভালেদি ওক্ !

দানিয়েল 6:27

তে রোক্ষ্যে আর উদ্ধোর গরে; তে আগাজত্ আহ্ পিত্‌‌থিমীত্ চিহ্নো ইজেবে নানান্ বাবোত্যে আমক্ কাম গরে। তে সিংহগুনো আঢত্তুন্ দানিয়েলরে রোক্ষ্যে গোজ্যে।

দানিয়েল 7:14

সেই মান্‌‌‌‌‌‌‌জ্যপুয়োবোরে শাজন্, সর্মান আর রাজাগিরি গুরিবার খেমতা দিয়্যে অলঅ যেন বেক্ জাদ্‌তুনোর, দেজর্ আর ভাযার মানুচ্চুনে তারে সেবা গরন্। তার রাজাগিরি উমরর্; সিয়েন থুম্ ন-অবঅ আর তার রেজ্যগান কনদিন্‌অ ভস্ত ন-অবঅ।‌‌‌‌‌‌‌

সখরিয় 8:23

সেই সময়োত্ নানান্ ভাষা আর জাদর্ দশজন মান্‌জ্যে এক্কো যিহূদীর কাবড় কাজাত্ ধুরিনে কবাক্, ‘আঢ, আমি তমা লগে যেই, কিত্যে আমি শুন্যেইদে যে, গোজেনে তমা লগে আঘে।’ মুই বেগত্তুন্ খেমতাবলা লগেপ্রভু এ কধাগান কঙর্।”

প্রেরিত্‌ 2:6

তারা সেই আবাজ্‌সো শুনিলাক্ আর ভালোকজনে সিধু থুবেলাক্। যার্ যার্ ভাষায় শিচ্চ্যগুনোরে কধা কধে শুনিনে সেই মানুচ্চুনে যেন বেদমা ধোক্ক্যেন্ ওই গেলাক্।

রোমীয় 1:7

রোম শঅরর্ যে মানুচ্চুনোরে গোজেনে কোচ্‌পায় আর তার্ নিজো মানুচ্‌ অবাত্যে ডাক্ক্যে তারা বেক্কুনো ইধু, অত্তাৎ তমা ইধু মুই এ চিধিগান লেগঙর্। আমা বাবা গোজেনে আর প্রভু যীশু খ্রীষ্ট তমারে বর্ দুয়োক্ আর সুগ্-শান্তি দান গোরোক্।

ইফিষীয় 1:2

আমা বাবা গোজেনে আর প্রভু যীশু খ্রীষ্ট তমারে দোয়্যে গোরোক্ আর শান্তি দান গোরোক্।

১ তীমথিয় 1:2

বিশ্বেজি ইজেবে মর্ আজল্ পুয়ো তীমথিয় ইধু মুই এ চিধিগান লেগঙর্। আমা বাবা গোজেন আর আমা প্রভু খ্রীষ্ট যীশু তরে দোয়্যে, মেয়্যে আর শান্তি-দান গোরোক্।

১ পিতর 1:2

বাবা গোজেনে তার্ পরিকল্পনা মজিম তমারে বেঈ লোইয়্যে, আর তার্ নাঙে পবিত্র আত্মা তমারে যুদো গুরি থোইয়্যে। ইয়েনর্ উদ্দেশ্য অলঅ, যেনে তুমি যীশু খ্রীষ্টর বাধ্য অ আর তার লো-গান ছিদেনার্ মাধ্যমে তমারে সিজি গরা অয়। গোজেনে তমারে বেশ্ গুরি দোয়্যে আর শান্তি দান গোরোক্।