দানিয়েল 3:26 - Chakma Bible

²⁶ সেক্কে নবূখদ্‌সরে দোগ্‌দোক্যে আগুনো চুলো মুয়োন ইধু উজেই যেইনে রঅ ছাড়িনে কলঅ, “ ও দাঙর্ গোজেনর চাগরুন শদ্রক, মৈশক আর অবেদ্‌-নগো, তুমি নিগিলিনে ইধু এজঅ।”

দানিয়েল 3:26 Iomraidhean Croise

পত্থম 14:18

শালেমর রাজা মল্কীষেদকে অব্রামত্তে পিদে আর আংগুর-রস আনিলো। তে এলদে দাঙর্ গোজেনর ধর্মগুরু।

১ রাজাবলী 8:51

কিত্তে ইস্রায়েলীয়গুনে দঅ তর্‌ মানুচ্‌, তর সোম্বোত্তি যিগুনোরে তুই মিসর দেজত্তুন্‌ নিগিলেই আন্ন্যচ্‌, নিগিলেই আন্ন্যচ্‌ লুয়ো গোলেয়্যে চুলো ভিদিরেত্তুন।

ইষ্রা 5:11

জোবত্ তারা আমারে কলাক্, “আমি স্বর্গ আর পিত্‌থিমীর্ গোজেনর্ দাস। আমি সেই উবোসনা-ঘরান আরঅ বানের্ যিয়েন ইস্রায়েলর এক্কো দাঙর্ রাজা ভালোক্ দিন আগেদি বানেইনে থুম্ গোজ্যে।

গীতসংহিতা 66:12

তুই আমা মাদা উগুরেন্দি যেন মানুচ্চুনোরে ঘোড়াত চড়িনে যাদে দুয়োচ্। আগুন আর পানি ভিদিরেন্দি আমাত্তুন্ এজা পোজ্যে, মাত্তর্ তুই আমারে যগাজ্যে আশিদ্‌বাদ ভিদিরে আন্যচ্।

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

যিশাইয় 52:12

মাত্তর্ তুমি যাদিমাদি গুরি নিগিলি ন-এচ্চ্য বা ধেইয়ো ন-এবা, কিত্তে লগেপ্রভু তমা আগে আগে যেবঅ; ইস্রায়েলর গোজেনে তমারে পিজেন্দিত্তুন্ রোক্ষ্যে গুরিবো।

যিরমিয় 11:4

যেক্কেনে মুই তমা পুরোণি মানুচ্চুনোরে মিসরত্তুন, লুয়ো গোলেয়্যে চুলোত্তুন্ নিগিলেই আন্যং সেক্কেনে মুই ইয়েন কোইনে তারারে উগুম দুয়োং, ‘তুমি মঅ কধাগান শুনো আর মুই যিয়েনি গুরিবাত্যে উগুম গোজ্জ্যং সিয়েনি গর, সালে তুমি মঅ মানুচ্ অবা আর মুই তমার গোজেন ওম্।

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

দানিয়েল 4:2

দাঙর্ গোজেনে মত্তে যেদক্কানি চিহ্নো-কাম আর আমক্ কাম গোজ্যে সিয়েনি মুই হুজি ওইনে তমারে জানাঙর্।

দানিয়েল 6:20

গাদ ইধু যেইনে তে রঅ গির্‌‌‌‌গিজ্যে গুরি দানিয়েলরে ডাগিনে কলঅ, “ও গোজেনর চাগর্ দানিয়েল, তুই নিত্য যিবের্ সেবা গরচ্ তর্ সেই গোজেনে কি তরে সিংহ মুয়োত্তুন্ রোক্ষ্যে গুরি পাজ্যে?”

দানিয়েল 6:21

দানিয়েলে জোব্ দিলো, “ও মহারাজ, তুই উমরত্যে বাঁজি থেইচ্।

দানিয়েল 7:25

দাঙর্ গোজেন বিরুদ্ধে তে কধা কবঅ আর তা মানুচ্চুনো উগুরে অত্যেচার গুরিবো। সে ঠিগ্ গোজ্যে দিনুন্ আর রীদি-সুদোম বুদুলিবার চেট্ট্যা গুরিবো। গোজেনর সেই মানুচ্চুনোরে সাড়ে তিন বজরত্তে তা আঢত্ তুলি দিয়্যে অবঅ।‌‌‌‌‌‌‌‌‌‌

প্রেরিত্‌ 16:17

সেই মিলেবো পৌল আর আমা পিজেদি যাদে যাদে রঅ ছাড়িনে কদঅ, “এ মানুচ্চুনে দাঙর্ গোজেনর্ চাগর্। কেধোক্ক্যেন্ গুরিনে পাপত্তুন্ উদ্ধোর্ পাহ্ যায়, ইগুনে সিয়েনই তমা ইধু কদন্।”

প্রেরিত্‌ 16:37

সেক্কে পৌলে সেই জেল-চুগুদারুনোরে কলঅ, “আমি রোমীয়, আমা বিচের্ ন-গুরিনে বেক্কুনো মুজুঙোত্ বেত্ মারা ওইয়্যে আর জেলোত্ দিয়্যে ওইয়্যে। ইক্কিনে কি শাসনগুরিয়্যেগুনে আমারে ভিদিরে ভিদিরে ইরি দিবাত্তে চান্? সিয়েন ন-অবঅ; তারা নিজে এইনে আমারে বারেদি নেযাদোক্।”

প্রেরিত্‌ 27:23

মুই যিবের্ মানুচ্‌ আর মুই যিবেরে সেবা গরং সেই গোজেনর্ এক্কো দূত্ গেল্লে রেদোত্ মঅ কায়কুরে থিয়্যেইনে কলঅ,

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

দ্বি’লম্বর বিররণ 4:20

মনত্‌ রাগেয়ো, লগেপ্রভু তমারে বেঈ লোইয়্যে আর লুয়ো গোলাইদে হাপর ধোক্ক্যেন যে মিসর দেজ্‌ছান সিয়েনত্তুন্‌ তমারে নিগিলেই আন্যে যেনে তুমি তার্‌ মানুচ্‌ ওই পারঅ, আর তুমি ইক্কিনে সেধোক্কেন্‌ ওইয়ো।

যিহোশূয় 3:17

যেদক্ষণ সং বেক ইস্রায়েলীয়নে যর্দন গাঙান্‌ পার্‌ ন-অলাক্‌ সেদক্ষণ সং লগেপ্রভুর সাক্ষ্য-সুন্দুক বোইয়্যে ধর্মগুরুগুনে যর্দন গাঙত্‌ শুগুনো মাদি উগুরে থিয়্যেই রলাক; আর পুরো জাদ্‌তোই শুগুনো মাদি উগুরেন্দি পার্‌ ওই গেলাক্‌।

যিহোশূয় 4:10

গাঙান্‌ পার্ অনার উগুম পৌইদ্যেনে মোশি যিহোশূয়রে উগুম্‌ দি যেইয়্যে। সেনত্তেই মানুচ্চুনোরে কবাত্তে যিহোশূয়রে দিয়্যে লগেপ্রভুর উগুম মজিম মানুচ্চুনে বেক্কানি ন-গরানা সং সাক্ষ্য-সুন্দুক্কো বোইয়্যে ধর্মগুরুগুনে গাঙত্‌ থিয়্যেই রলাক্‌ আর মানুচ্চুনে যাদিগুরি গাঙান্‌ পার ওই গেলাক্‌।

ফগদাং পেইয়্যে 19:5

সেক্কে সিংহাসনত্তুন্ একজনে কলঅ, “গোজেনর্ চাগরুন আর তুমি যিগুনে গোজেনরে ভোক্তি গুরিনে দরঅ, তুমি চিগোন-দাঙর্ বেক্কুনে আমা গোজেনর্ বাঈনী গরঅ।”