দানিয়েল 3:19 - Chakma Bible

¹⁹ সেক্কে শদ্রক, মৈশক আর অবেদ্-নগো উগুরে নবূখদ্‌‌‌‌‌‌‌‌‌‌নিৎসরে অমকদ রাগ অলঅ আর তার্ মুয়োদি রাগর্ ভাব ফুদি উদিলো। চুলোবো যেবাবোত্যে গরম্ থায় তে সিবে সিয়োত্তুন্‌অ সাতগুন বেশ্ গরম গুরিবাত্তে কলঅ।

দানিয়েল 3:19 Iomraidhean Croise

পত্থম 31:2

যাকোবে ইয়েনঅ থারেল, তা উগুরে লাবনর আগ ধোক্ক্যেন সে মনভাব্‌ আর নেই।

ইষ্টের 3:5

মর্দখয় আদুয়ো ন-পাদে আর তারে সর্মান্অ ন-দেগায় হবর্‌ পেইনে হামনে অমকদ রাগ্‌ গুরিলো।

ইষ্টের 7:7

রাজা রাগে আংগুর-রস্‌চান্ থোইনে উদিলো আর নিগিলিনে রাজঘরর্‌ বাগানত্‌ গেলঅ। রাজা হামনর ভাগ্যগান ঠিগ্‌ গুরি ফেলেয়্যে বুঝিনে তে রাণী ইষ্টের ইদু পরাণান ভিক্ষ্যে চেবাত্তে সিয়েনত্‌ থেলঅ।

গীতসংহিতা 76:10

ঘেচ্চেক্‌গুরি মান্‌জ্যর রাগর্ কারনে তর্ নাঙ্ গিনে অয়; সেই রাগর বাদ্‌বাগি ভাগ্‌কান্দোই তুই নিজোরে সাজা।

গম্ উপদেজ্ 16:14

রাজার রাগ্‌কান মরণ দূতো ধোক্ক্যেন্, মাত্তর্ জ্ঞানী মান্‌‌জ্যে সে রাগ্‌‌কান থামেই দুয়োন।

গম্ উপদেজ্ 21:24

বাড়্‌বো গুরিয়্যে আর অহংকারগুরিয়্যে মান্‌জ্যর নাঙান অলঅ “ঠাট্টা-মশ্‌কারিগুরিয়্যে”; তে অমকদ বাড়্‌বো গুরিনে কাম গরে।

যিশাইয় 51:23

মুই সেই গলচ্চো তঅ অত্যেচারিগুনো আঢত্ তুলি দিম, যিগুনে তরে কদাক্, ‘মাঢা নিগিরিনে পড়, যেনে আমি তঅ উগুরেদি আঢি যেই পারিই।’ তঅ উগুরেদি আঢি যেবাত্তে তুই তঅ পিঠ্‌তানরে ভূই আর পধ ধোক্ক্যেন গোজ্যস্।”

দানিয়েল 2:12

ইয়েন্দোই রাজা এদক্ রাগ তুলিলোদে যে, তে বাবিলোত্ তার বেক্ সল্লাদিয়্যেগুনোরে মারে ফেলেবাত্তে উগুম দিলো।

দানিয়েল 3:13

এ কধাগান শুনিনে নবূখদ্‌নিৎসরে রাগে আগুন ওইনে শদ্রক, মৈশক আর অবেদ্‌-নগোরে ডাগিলো।

দানিয়েল 3:20

তে তার্ সৈন্যদল ভিদিরে বেগত্তুন্ বোলী কয়েক্কো সৈন্যরে উগুম দিলো যেন তারা শদ্রক, মৈশক আর অবেদ্-নগোরে বানিনে দোগ্‌দোক্যে আগুনো চুলোত্ ফেলেই দুয়োন।

দানিয়েল 5:6

তা মুয়োন কালা ওই গেলঅ আর তে এদক্ দোরেলদে যে, তা কমরত্ ধুরিলো আর আঢুগিলেগুন গির্‌গিরে ধুরিলাক্।‌‌‌‌‌‌

দানিয়েল 6:24

যে মানুচ্চুনে ইংসে গুরিনে দানিয়েলরে দুষ দুয়োন্ রাজার উগুমে তারারে আনা অলঅ আর মোগ্ আহ্ ঝি-পুয়ো সুমুত্তো তারারে সেই সিংহ গাদত্ ফেলেই দিয়্যে অলঅ। তারা সেই গাদত্ পত্তে ন-পত্তে সিংহগুনে তারারে আক্রমণ গুরিনে তারার্ আড়্‌গোড়াগুন সং নিগুজ্ গুরি দিলাক্।

লেবীয় 26:18

এদক্কানির্‌ পরেদিয়ো যুনি তুমি মর্‌ কধানি ন-শুনো সালে মুই তমার্‌ পাপর্‌ সাতগুণ সাজা দিম।

লেবীয় 26:21

তমার মনত্‌ যুনি মঅ উগুরে শত্রুতাভাব থায়্‌ আর যুনি তুমি মর্‌ কধালোই কান দিবাত্তে ন-চঅ‌ সালে তমার্‌ পাপর্‌ সাজা মুই সাতগুন্‌ বাড়েই দিম।

লেবীয় 26:24

সালে মুই নিজে তমার্‌ শত্রু ওইনে তমার্‌ পাপর্‌ সাতগুন্‌ সাজা দিম।

লেবীয় 26:28

সালে মুইয়ো অমকদ বেজার্ ওইনে তমা বিপক্ষে চলিম আর তমার পাপর্‌ সাতগুন্‌ সাজা দিম।

প্রেরিত্‌ 5:33

এ কধাগান শুনিনে সেই নেতাগুনে রাগে আগুন ওই উদিলাক্ আর দিপাধেয়্যে প্রচারক্কুনোরে মারে ফেলেবাত্তে চেলাক্,

প্রেরিত্‌ 7:54

ইয়েনি বেক্‌ কধানি শুনিনে সেই নেতাগুনে রাগে আগুন্ ওই গেলাক্ আর স্তিফান বিরুদ্ধে দাত্ কামাড়া ধুরিলাক্।