দানিয়েল 3:16 - Chakma Bible

¹⁶ সেক্কে শদ্রক, মৈশক আর অবেদ্-নগো জোবত্ রাজারে কলাক্, “ও মহারাজ নবূখদ্‌নিৎসর, এ পৌইদ্যেনে তরে জোব্ দিবার কনঅ দরকার আমি মনে ন-গুরিই।

দানিয়েল 3:16 Iomraidhean Croise

উপদেশক 4:12

মানুচ্ গায় গায় অলে সহজে উদিই যেই পারন্, মাত্তর্ দ্বিজন্ অলে নিজোরে রোক্ষ্যে গুরি পারন্। তিনেন্ দুড়ি একসমারে পাগেয়্যে অলে যাদিমাদি ন-ছিনে।

দানিয়েল 1:7

সেই রাজার আজল্ কামগুরিয়্যেবো তারার নূয়ো নাঙ্ রাগেল; তে দানিয়েলরে বেল্টশৎসর, হনানিয়রে শদ্রক, মীশায়েলরে মৈশক আর অসরিয়রে অবেদ্-নগো নাঙ্ দিলো।

দানিয়েল 3:12

ও মহারাজ, এমন কয়েক্কো যিহূদী আঘন্ যিগুনোরে তুই বাবিল রেজ্যর্ রাজ-কামত্ নেযেয়োচ্; তারা অলাক্ শদ্রক, মৈশক আর অবেদ্‌-নগো। তারা তঅ উগুমে কান ন-পাদন্। তারা তঅ দেবেদাগুনোরে সেবা ন-গরন্ আর তুই যে সোনার মূত্তিবো থিদেবর্ গোজ্যস্ তারেয়ো জু জু ন-জানান্।”

দানিয়েল 3:28

সেক্কে নবূখদ্‌নিৎসরে কলঅ, “শদ্রক, মৈশক আর অবেদ্‌-নগোর গোজেনর বাঈনী ওক্, যিবে তা স্বর্গদূত্বোরে পাধেইনে তা চাগরুনোরে উদ্ধোর্ গুরিলো। ইগুনে তা উগুরে বিশ্বেজ্ গুরিনে রাজার উগুমান ন-পালান্ আর তারার্ নিজো গোজেন বাদে অন্য কনঅ দেবেদারে সেবা আর পূজো গরানার বদলে মুরিবাত্তেয়ো রাজি এলাক্।