দানিয়েল 3:10 - Chakma Bible

¹⁰ তুই এক্কান উগুম দুয়োচ্ যে, মানুচ্চুনে যেক্কে শিংগা, বাশী, হার্‌‌‌‌‌মোনি, চিগোন আর দাঙর্ বীণা, দাঙর্ বাশী আর অন্য নানান্ বাবোত্যে বাজানার্ রঅ শুনিবাক্ সেক্কে তারাত্তুন্ মাঢা নিগিরি পড়িনে সোনার মূত্তিবোরে জু জু জানা পড়িবো;

দানিয়েল 3:10 Iomraidhean Croise

১ বংশধর 15:16

দায়ূদে লেবীয়গুনোর নেতাগুনোরে কলঅ, তারা যেনে বাদ্যযন্ত্র, অত্তাৎ বীণা, সুরবাহার আর করতাল বাজেইনে হুজির্‌ গান গেবাত্তে তারা গানগেইয়্যে ভেইয়ুনোরে ঠিগ্ গরন।

১ বংশধর 15:28

এধোক্ক্যেন গুরিনে বেক্‌ ইস্রায়েলীয়গুনে রঅ সারদে সারদে আর শিংগা, তূরী, করতাল, বীণা আর সুরবাহার বাজাদে বাজাদে লগেপ্রভুর বেবস্থা-সুন্দুক্কো যিরূশালেমত্‌ আনিলাক্।

২ বংশধর 29:25

রাজা দায়ূদ, তার্‌ চেইচিদিয়্যে গাদ আর ভাববাদী নাথনর উগুম্‌ মজিম্‌ রাজা হিষ্কিয় লেবীয়গুনোরে কলদে যেনে তারা ঝোন্‌ঝোনি, বাশি আর হার্‌মনি লোইনে লগেপ্রভুর ঘরত্‌ যান্‌। লগেপ্রভু তার্‌ ভাববাদীগুনোর্‌ মাধ্যমে এ উগুমানি দিয়্যে।

গীতসংহিতা 94:20

বজং শাজন্‌গুরিয়্যেগুনে বজং কামত্যে সুদোম বানান্; তঅ সমারে তারার কি কনঅ উদোলোলি থেই পারে?

যাত্রা 1:16

“গুরো অবার্‌ অক্তত্ ইব্রীয় মিলেগুনোরে বল্‌ দিবাত্তে গেলে তুমি গমেডালে রিনি চেবা তারা গুরোগুন্‌ মিলে না কি মরদ; মরদ অলে তারারে মারে ফেলেবা আর মিলে অলে বাজেই রাগেবা।”

যাত্রা 1:22

পরেদি ফরৌণে তা মানুচ্চুনো উগুরে এই উগুমান্‌ জারি গুরিলো, “ইব্রীয়গুনো ভিদিরে কনঅ পূয়োর্ জর্ম অলে তুমি তারে নীল গাঙত্‌ ফেলেই দিবা, মাত্তর্‌ মিলেগুনোরে বাঁজেই রাগেবা।”

উপদেশক 3:16

মুই বেলান তলেদি আর এক্কান বেপার দেগিলুং, ন্যায়বিচের আর গম্ জাগানিত্ পাজি কামানি আঘে।

যিশাইয় 10:1

অভিশাব্ পোড়োক্ সেই মানুচ্চুনোর্, যিগুনে অন্যেয় আইন জারি গরন্ আর মিজে দলিল বানান্ যেনে তারা নাঢা মানুচ্চুনোরে তারার্ অধিকারত্তুন্ সোরেই দি পারন্ আর মর্ অত্যেচার ওইয়্যে মানুচ্চুনোরে ন্যায়বিচের পাদে মানা গুরি পারন্ আর রানিমিলেগুনোর্ আর মা-বাপনেইয়্যেগুনোর্ জিনিস্‌ছানি লুদেই পারন্।

দানিয়েল 3:11

মাত্তর্ যে মাঢা নিগিরি পড়িনে জু জু ন-জানেব তারে দোগ্‌দোক্যে আগুনো চুলোত্ ফেলেই দিয়্যে অবঅ।

দানিয়েল 3:15

ইক্কিনে তুমি যুনি শিংগা, বাশী, হার্‌‌‌‌‌‌‌মোনি, চিগোন-দাঙর্ বীণা, মোড়োলী আর অন্য নানান্ বাবোত্যে বাজানার্ রঅ শুনিনে মাঢা নিগিরি পড়িনে মর্ বানেয়্যে মূত্তিবোরে জু জু জানেবাত্তে যুক্কোল্ থাগঅ সালে দঅ গম্। মাত্তর্ যুনি জু জু ন-জানঅ সালে দোগ্‌দোক্যে আগুনো চুলোত্ সেক্কে তমারে ফেলেই দিয়্যে অবঅ। সেক্কে কন্ দেবেদা মঅ আঢত্তুন্ তমারে উদ্ধোর্ গুরি পারিবো?

দানিয়েল 6:12

ইয়েন্দোই তারা রাজা ইধু যেইনে তারে তার দিয়্যে উগুম কধা ইদোত্ তুলি দিইনে কলাক্, “ও মহারাজ, তুই কি এ উগুমান জারি ন-গরচ্ যে, ইয়েনর পরেদি ত্রিশ দিনো ভিদিরে যুনি কনজনে তুই বাদে কনঅ দেবেদা বা মান্‌‌জ্য ইধু তবনা গরন সালে তারে সিংহ গাদত্ ফেলেই দিয়্যে অবঅ?” রাজা জোব্ দিলো, “মাদীয় আর পারসীককুনোর আইন মজিম্ এ উগুমান থির্ আঘে, কিত্যে সে আইনান্ বাদ দিয়্যে ন-যায়।”

আমোষ 6:5

তুমি বীণা বাজেইনে গান গঅ আর দায়ূদো ধোক্ক্যেন নানান্ বাবোত্যে বাজনা বানেই থাগঅ।

যোহন 11:57

আজল্ ধর্মগুরু আর ফরীশীগুনে উগুম্ দুয়োন্দে যে, যীশু কুধু আঘে সিয়েন্ যুনি কেঅ কোই পারে সালে তে যেন হবরান্ তারারে জানায় যাতে তারা যীশুরে ধুরি পারন্।