দানিয়েল 3:1 - Chakma Bible

¹ রাজা নবূখদ্‌নিৎসরে ষায়েট আত্ অজল্ আর ছয় আত্ দাদঅ এক্কো সোনার মূত্তি বানেইনে বাবিল রেজ্যর্ দূরা কলগত্ রাগেল।

দানিয়েল 3:1 Iomraidhean Croise

১ রাজাবলী 12:28

রাজা যারবিয়ামে সেক্কে সুল্লুক্‌ গুরিনে দ্বিবে সোনার্‌ গোরু ছঅ বানেল। সে পরেন্দি তে মানুচ্চুনোরে কলদে, “যিরূশালেমত্‌ যানা তমাত্তে অমকদ দুগোর্‌ কধা। ও ইস্রায়েল, ইগুনে তমার্‌ দেবেদা, ইগুনে মিসর দেজত্তুন্‌ তমারে নিগিলেই আন্যন্‌।”

ইষ্টের 1:1

রাজা অহশ্বেরশে যেক্কেনে শূশনর্ তাম্বুলোত্‌ তার্‌ সিংহাসনত্‌ বজিনে রাজাগিরি গুরিদো সে অক্তত্‌ এ ঘটনাগান্‌ ঘোট্যে। ইবে সেই অহশ্বেরশ যিবে হিন্দুস্থানত্তুন্ কূশ দেজছান সং একশ সাতেশ্‌চান্ রেজ্য উগুরে রাজাগিরি গুরিদো।

গীতসংহিতা 135:15

অন্য জাদ্‌ত‌ুনোর মূত্তিগুন্ সোনা আর রূবোলোই বানেয়্যে; সিয়েনি মান্‌জ্য আঢ্‌তোই বানেয়্যে।

যাত্রা 20:23

সেনে উবোসনাত্তে তুমি কনঅ‌ কিজু বানেইনে মর্‌ লগে তুলনা ন-গুরিবা। সনা বা রূবোলোই নিজোত্তে কনঅ‌ দেব্‌-দেবেদায়ো ন-বানেবা।

যাত্রা 32:31

মোশি লগেপ্রভু ইদু ফিরি যেইনে কলগোই, “হায় লগেপ্রভু! এই মানুচ্চুনে অমহদ পাপ গুরি ফেল্যন্‌। তারা নিজোত্তেই সনার্‌ দেব-দেবেদা বানেই নেযেয়োন।”

যিশাইয় 2:20

সেদিন্যে মান্‌জ্যে তারার্ পূজোত্তে বানেয়্যে সোনা আর রূবোর্ মুত্তিগুন্ চুজি হেইয়্যে আর বাদোলুনো ইদু ফেলেই দিবাক্।

যিশাইয় 30:22

সেক্কে তুমি তমার্ রূবো আর সোনালোই বেড়েয়্যে মূত্তিগুন্ অসিজি গুরিবা; তুমি সিগুনোরে কজরা কাবড় ধোক্ক্যেন ফেলেই দিইনে কবাদে, “দূর্ অ, দূর্ অ!” ‍

যিশাইয় 46:6

কেউ কেউ তারার থৈল্যেত্তুন্ সনা ঢাল আর পাল্লালোই রূবো মাবন্। সিয়েনিলোই তারা দেবেদা বানেবাত্তে সনা বান্যেগুনোরে দুয়োন; পরেদি তারা সেই দেবেদাগুনোরে জু জু জানান্ আর পূজো গরন।

যিরমিয় 10:9

তর্শীশত্তুন্ পিদেয়্যে রূবো আর ঊফসত্তুন সোনা আনা অয়। কালিগর আর বান্যেগুনে সিয়েনিলোই মূত্তিগুন বেড়েই থন্ । সিগুনোরে য়েল্ আর বিগুনি রঙ কাবড় উরো অয়; সিয়েন কাবিল্ কালিগর আঢ্‌তোই বানেয়্যে।‌‍‌‍‍

যিরমিয় 16:20

মান্‌‍‍‍জ্যে কি নিজোত্তে দেব-দেবেদা বানেই পারন? যুনিয়ো বা সিয়েনি গরন সিগুন দঅ গোজেন নয়‍।”

দানিয়েল 2:48

সে পরেদি দানিয়েলরে রাজা এক্কান দাঙর্ পোজিশন্ দিলো আর বোউত্ গম্ গম্ বক্‌‌‌শিজ্ দিলো। তে তারে গোদা বাবিল রেজ্যর্ আজল্ পরিচালক ইজেবে নেযেল আর তার্ বেক সল্লাদিয়্যেগুনোর্ ভারান্ তা উগুরে দিলো।

দানিয়েল 2:49

ইয়েনিবাদেয়ো দানিয়েলর্ কোজোলীয়ে শদ্রক, মৈশক আর অবেদ্-নগোরে রাজা বাবিল রেজ্যর্ রাজার চাগর্ ইজেবে নেযেল। দানিয়েলে নিজে রাজদরবারত্ রলঅ।

দানিয়েল 3:14

নবূখদ্‌নিৎসরে তারারে কলঅ, ও শদ্রক, মৈশক আর অবেদ্‌-নগো, ইয়েন কি সত্য যে, তুমি মর্ দেবেদাবোরে সেবা ন-গরঅ আরঅ মুই যে সোনার মূত্তিবো থিদেবর্ গোজ্যং তারেয়ো জু জু ন-জানঅ?

দানিয়েল 3:30

রাজা ইয়েনর্ পরেদি শদ্রক, মৈশক আর অবেদ্-নগোরে বাবিল রেজ্য ভিদিরে আরঅ দাঙর্ পদথ্ দান গুরিলো।

দানিয়েল 5:23

সিয়েনর বদলে তুই নিজোরে স্বর্গর্ প্রভুর বিরুদ্ধে থিয়্যেয়োচ। গোজেন ঘরত্তুন আন্যে পিলেগুন তুই আনিবাত্যে বাজেই দুয়োচ্ আর তুই, তর্ আজল্ মানুচ্চুন, তঅ মোগ্‌‌কুনে আর যেরেদি ঘর মোগ্‌‌কুনে সিগুন্দোই আংগুর-রস হেইয়োন। তুই রূবো, সনা, পিদোল, লুয়ো, তক্তা আর পাত্তর্‌লোই বানেয়্যে যে দেবেদাগুনে ন-দেগন, ন-শুনোন্ আর ন-বুঝোন্ তারারে নাঙ্ গিনোদন। মাত্তর্ তুই গোজেনরে বাঈনী ন-গরচ্, যিবে আঢত্ আঘে তঅ জিংকানিগান আর তর্ বেক পথ্‌‌তানি।

দানিয়েল 5:4

তারা আংগুর-রস খাদে খাদে সনা, রূবো, পিদোল্, লুয়ো, তক্তা আর পাত্তর্‌‌‌‌‌‌লোই বানেয়্যে দেব-দেবেদাগুনোরে বাঈনী গরা ধুরিলাক্।

হোশেয় 2:8

তে স্বীগের্ ন-গুরিদো যে, মুয়ই তারে সেই শোজ্য, নূয়ো আংগুর-রস আর তেল দিদুং, তারে বোউত্ সনা আর রূবো দিদুং, যিয়েনি তে বাল দেবেদাত্তে বেবহার গোজ্যে।

হোশেয় 8:4

মর্ উগুম ছাড়াই তারা রাজাগুনোরে নেযেয়োন; মর্ অনুমতি ছাড়া তারা নেতাগুনোরে বেঈ লোইয়োন। তারার সনা আর রূবোলোই তারা মূত্তি বানেইনে নিজোরে সর্বনাশ গোজ্যন্।

হবক্‌‌‌‌কূক 2:19

“জাদ্‌তুনে কবাক্‌‌, ‘অভিশাব্ দিই তারে, যে তক্তাগানরে জেদা অবাত্তে কয় বা পরাণ নেইয়্যে শিল্লোরে জাগি উদিবাত্তে কয়।’ সিগুনে কি তারে শিক্ষ্যে দি পারন? সিগুন্ দঅ সনা আর রূবো দিইনে বেড়েয়্যে; সিগুনো ভিদিরে নিজেস্ নেই।

প্রেরিত্‌ 17:29

সালে আমি যেক্কে গোজেনর্ পুয়ো সেক্কে গোজেনরে মান্‌জ্য আঢ্‌তোই আর চিন্তেশক্তিলোই বানেয়্যে সনা, রূবো বা পাত্তর মূত্তি মনে গরানা আমার্ উচিত্ নয়।

প্রেরিত্‌ 19:26

মাত্তর্ তুমি দেগর্ আর শুনোর্ যে, পৌল নাঙে সে মানুচ্চো আমারে এই ইফিষত্ আর কদঅ গেলে প্রায় গোদা এশিয়া রেজ্যর্ বোউত্ মান্‌জ্যরে বিশ্বেজ্ গোরেনেই তারারে ভুল্ পধেদি নেযেয়্যে। তে কয়দ্যে, আঢে বানেইয়্যে দেব-দেবীগুন কিচ্চু নয়।

দ্বি’লম্বর বিররণ 7:25

তারার্‌ দেব-দেবেদার্‌ মূত্তিগুন্‌ তুমি আগুনোত্‌ পুড়ি ফেলেবা। তুমি তারার্‌ কিয়্যের্‌ সনা-রুবোগানি লুভ্‌ ন-গুরিবা। নিজোত্তে তুমি সিয়েনি ন-নেযেবা, কিত্যে সিয়েনি গুরিলে তুমি সিগুনোর্‌ কেরাবত্‌ পুরিবা। তমা গোজেন লগেপ্রভু ইদু সিয়েনি ঘিনাইদে জিনিস।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।