দানিয়েল 2:7 - Chakma Bible

⁷ জোবত্ তারা আরঅ কলাক্, “মহারাজে যেন তা চাগরুনো ইধু স্ববনান্ কয়, আমি সিয়েনর ভেদ্‌তান্ কবং।”

দানিয়েল 2:7 Iomraidhean Croise

উপদেশক 10:4

শাজন্‌গুরিয়্যেবো যুনি তঅ উগুরে রাগ্ গরে তো তুই তঅ পোজিশনান্ ন-ছাড়িচ্; শান্তভাব থেলে দাঙর্ দাঙর্ অন্যেয়অ খেমা গরা যায়।

দানিয়েল 2:4

সেক্কে গোণোক্ক্যেগুনে অরামীয় কধাদি রাজারে কলাক্, “ও মহারাজ, তুই জিংকানিবর্ বাঁজি থাক্। তুই স্ববনান্ তঅ চাগরুনোরে কঅ, আমি সিয়েনর ভেদ্‌তান্ কোই দিবোং।”

দানিয়েল 2:8

সেক্কে রাজা কলঅ, “মুই ঘেচ্চেকগুরি হবর্ পাং, তুমি দেরি গুরিবাত্তে চেট্ট্যা গরর, কিত্যে তুমি বুঝি পাজ্য যে, এ পৌইদ্যেনে মঅ মনান্ থির্ আঘে।

দানিয়েল 2:9

তুমি যুনি স্ববনান্ মরে কোই ন-পার সালে বানা এক্কান সাজা তমাত্তেই আঘে। তুমি আজা গরত্তে অবস্থাগান বুদুলিবো, আর সিয়েনত্তে মরে মিজে কধা কোইনে ঠোগেবার সল্লা গোজ্য। তুমি ইক্কিনে মরে স্ববনান্ কঅ; সালে মুই হবর্ পেইম্‌বে যে, তুমি সিয়েনর্ ভেদ্‌তান্‌অ মরে কোইদি পারিবে।”

দানিয়েল 4:7

যাদুকর, ভূদো ওঝা, জ্যোতিষী আর গোণোক্ক্যেগুনে মইদু এজানার পরেদি মুই তারা ইধু স্ববনান্ কলুং, মাত্তর্ তারা সিয়েনর ভেদ্‌তান্ কোই ন-পারিলাক্।