দানিয়েল 2:46 - Chakma Bible

⁴⁶ সেক্কে রাজা নবূখদ্‌নিৎসরে দানিয়েল মুজুঙোত্ মাঢা নিগিরি পড়িনে তারে জু জু জানেল আর তা মুজুঙোত্ শোজ্য উৎসর্ব গুরিবাত্তে আর আগর্‌বাট্টি জ্বালেবাত্তে উগুম দিলো।

দানিয়েল 2:46 Iomraidhean Croise

ইষ্রা 6:10

যেনে তারা স্বর্গর গোজেনর্ নাঙে গুজি লইদ্যেবাবোত্যে উৎসর্বর অনুষ্ঠান গুরি পারন আর রাজা আহ্ রাজার্ পুয়োগুনোর্ ভালেদিত্যে তবনা গুরি পারন।

দানিয়েল 3:5

তুমি যেক্কেনে শিঙা, বাশী, বাজা, চিগোন আহ দাঙর্ বীণা, দাঙর্ বাশী আর অন্য নানান্ বাবোত্যে বাজানার্ রঅ শুনিবে সেক্কে মাদিত্ মাঢা নিগিরি পড়িনে রাজা নবূখদ্‌নিৎসরর্ থিদেবর্ গোজ্যে সোনার মূত্তিবোরে জু জু জানেবা।‌‌

দানিয়েল 3:7

সেনত্তে যেক্কে তারা সেই বেক্ বাজানার রগুন্ শুনিলাক্ সেক্কে বেক্ জাদর্, দেজর্ আর ভাষার মানুচ্চুনে মাদিত্ মাঢা নিগিরি পড়িনে নবূখদ্‌‌‌‌নিৎসরর্ থিদেবর্ গোজ্যে সোনার মূত্তিবোরে জু জু জানেলাক্।

দানিয়েল 8:17

মুই যিয়েনত্ থিয়্যেই এলুং তে সেই জাগান ইধু এজানার পরেদি মুই দোরেইনে মাদিত্ পড়ি গেলুং। তে মরে কলঅ, “ও মান্‌জ্যর পুয়োবো‌‌, এ দর্শনান যে শেজ্‌কালর পৌইদ্যেনে সিয়েন তুই বুঝি লঅ।”

লেবীয় 26:31

মুই তমার্‌ আদামানি আর শঅরানি আর উবোসনার্‌ ঘরানি শেজ্ গুরি দিম। তমার উৎসর্বর তুম্‌বাজ্‌চান্ মুই গুজি ন-লোম।

প্রেরিত্‌ 10:25

পিতরে যেক্কে ঘরত্ সোমেল সেক্কে কর্ণীলিয় তা ইধু যেইনে তা ঠেংঅ উগুরে মাঢা নিগুরিনে গোজেনর্ সর্মান দিইনে তারে সালাম গুরিলো।

প্রেরিত্‌ 14:13

জেউস দেবেদার মন্দির্‌বো এলঅ শঅরর্ বারেদি। শঅরর্ গেদো ইধু জেউস দেবেদার্ ধর্মগুরুবো বলদ্ আর মালা আনিলো, কিয়া সেই ধর্মগুরুবো আর বেক্‌ মানুচ্চুনে পৌল আহ্ বার্ণবা ইধু য়েমান উৎসর্ব গুরিবাত্তে চেলাক্।

প্রেরিত্‌ 28:6

মানুচ্চুনে মনে গোজ্জ্যন্ তা কিয়্যেগান ফুলি উদিবো বা অদাঢত্ তে মুরি যেবঅ। মাত্তর্ ভালক্কন্ বাজ্জ্যেই থেইনেয়ো তার্ কিচ্চু ন-অলঅ দেগিনে তারা মনান্ বুদুলিনে কুয়ো ধুরিলাক্, “তে দেবেদা।”

ফগদাং পেইয়্যে 11:16

তে উমর সং রাজাগিরি গুরিবো।” যে চব্বিচ্‌জন নেতা গোজেন মুজুঙোত্ তারার সিংহাসন উগুরে বৈ এলাক্ তারা মাঢা নিগুরিনে গোজেনরে সালাম গুরিনে কলাক্,

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 22:8

মুই যোহন ইয়েনি বেক্কানি শুন্ন্যং আর দেক্ক্যং। বেক্কানি শুনোনার্ আর চেবার পরেদি, যে স্বর্গদূত্‌তো মরে ইয়েনি দেগেল মুই তারে সালাম গুরিবাত্যে তা টেঙ উগুরে মাঢা নিগিরিলুং।