দানিয়েল 2:45 - Chakma Bible

⁴⁵ ইয়েন অলঅ সেই মুড়োবোত্তুন্ কাবি নেযেয়্যে পাত্তর্ যিবে মান্‌‌জ্য আঢে কাবা ন-অয়। সেই পাত্তর্‌‌বো লুয়ো, পিদোল, মাদি, রূবো আর সোনাগানরে কট্টা কট্টা ভাঙি ফেলেয়্যে। ভবিচ্চদে যিয়েন ঘুদিবো সিয়েন এবাবোত্যেগুরি দাঙর্ গোজেনে মহারাজরে দেগেই দিয়্যে। স্ববনান্ সত্য আর সিয়েনর্ ভাঙিদেনায়ো বিশ্বেজ্ গুরিবার।”

দানিয়েল 2:45 Iomraidhean Croise

পত্থম 41:26

সাত্তো তেল্ তেল্যে গোরু অত্ত সাত বজর্‌ আর পক্তা সাত্তো গম শীজে অত্তয়ো সাত্‌ বজর। তর্‌ দ্বিয়েন্‌ স্ববন আজলে এক্কুই।

পত্থম 41:28

গোজেনে যিয়েন গুরিবাত্তে যার্‌ সিয়েন্‌ তে রাজা বাবুরে দেগেইয়্যে, আর সে কধাগান্‌ মুই রাজা বাবুরে কঙর্।

পত্থম 41:32

এ স্ববনান্‌ রাজা বাবুরে দ্বিপল্লা দেগেয়্যে। ইয়েন অত্তগান অলঅ, গোজেনে এ পৌইদ্যেনে তা মনান্‌ ঠিগ্‌ গুরি ফেল্যে আর যাদিমাদি তে সিয়েন্‌ ঘোদেব।

২ শমূয়েল 7:22

ও লগেপ্রভু গোজেন, তুই কত্তমান দাঙর্‌! তঅ ধোক্ক্যেন্ আর কনজন নেই আর তুই বাদে অন্য কনঅ গোজেন নেই; সে কধানি আমি নিজো কানানিলোই শুন্যেই।

১ বংশধর 16:25

লগেপ্রভু দাঙর্‌ আর বেক্কুনো উগুরে নাঙ্‌গিনেদে ধোক্ক্যেন; বেক্‌ দেব-দেবেদাগুনোত্তুন্‌ তে বেশ্‌ দর্‌বুগ্‌ জাগেই দে।

নহিমিয় 4:14

সে পরেন্দি মুই বেক্কানি দেগিনে-শুনিনে মুরুব্বীগুনোরে, দাঙর্‌ পোজিশনর্‌ কামগুরিয়্যেগুনোরে আর বাদবাগি মানুচ্চুনোরে কলুঙ্‌, “তারারে তুমি ন-দোরেবা। যে দাঙর্‌ আর দর্‌ জাগাইদে প্রভু, তা কধাগান মনত্‌ গরঅ আর তমা ভেই, ঝি-পূঅ, মোক্‌ আর ঘরত্তেই যুদ্ধো গরঅ।”

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

ইয়োব 36:26

গোজেনে যে কত্তমান্ দাঙর্ সিয়েন আমি বুঝিও ন-পারিই। তা বয়সছান কদক্ সিয়েন জানানা সম্ভব নয়।

গীতসংহিতা 135:5

মুই হবর্ পাং লগেপ্রভু বোউত্ দাঙর্; আমা গিরোজ্‌সো বেক্ দেবদাগুনোত্তুন্অ দাঙর্।

গীতসংহিতা 145:3

লগেপ্রভু দাঙর্ আর বেক্কুনোত্তুন্ বেজ্ নাঙ্ গিনে হেবার্ যগাজ্যে; কনজনে তার গমান্ ন-বুঝোন্।

গীতসংহিতা 2:9

লুয়ো শলালোই তুই তারারে ভাঙি ফেলেবে, নিগুজ্ গুরি দিবে মাত্যে পিলে ধোক্ক্যেন্।”

গীতসংহিতা 48:1

আমা গোজেনর শঅরত্, তার সুদ্ধো-সাংগ মুড়োবোত্, লগেপ্রভু দাঙর্ আর বেগত্তুন বেশ্ নাঙ্ গিনিবার।

গীতসংহিতা 96:4

লগেপ্রভুই দাঙর্ আর বেক্কুনো উগুরে নাঙ্ গিনিবার্ যোগাজ্যে; বেক দেব-দেবেদাগুনোত্তুন্ তে বেশ্ দর্‌বুক্ লাগেদ।

যিশাইয় 28:16

সেনত্তে প্রভু লগেপ্রভু এ কধাগান্ কোইয়্যেদে, “চঅ, মুই পোরোক্ক্যে গুরি নেযেয়্যে জদবদে মংগা এক্কান্ পাত্তর্ বেঈ নেযেয়োং; সিয়েন সিয়োনর গড়াগান্ কুনো পাত্তর্ ইজেবে গাড়েয়োং। যে কনজনে সিয়েন উগুরে বিশ্বেজ্ গরন্ তে নিত্যে থির্ থেবঅ।

দানিয়েল 2:24

যেরেদি দানিয়েলে অরিয়োক ইধু গেলঅ। রাজা অরিয়োকরে তার সল্লাদিয়্যেগুনোরে মারে ফেলেবাত্তে বেঈ লোইয়্যে। দানিয়েলে অরিয়োকরে কলঅ, “রাজার সল্লাদিয়্যেগুনোরে মারে ন-ফেলেবে। মরে রাজা ইধু নেযা; মুই রাজার্ স্ববনর্ ভেদ্‌তান্ কোম।”

দানিয়েল 2:28

মাত্তর্ স্বর্গত্ এক্কো গোজেন আঘে যিবে গুমুরো বিষয়ে ফগদাং গরে। ভবিচ্চদে যিয়েনি ঘুদিবো সিয়েনি তে রাজা নবূখদ্‌‌‌‌‌নিৎসররে জানেয়্যে। তর্ স্ববনান্, অত্তাৎ বিচ্ছোনত্ পড়িনে যে দর্শনান্ তুই দেখ্যচ্ সিয়েন মুই ইক্কিনে কোম্।

দানিয়েল 2:29

ও মহারাজ, তুই যেক্কে বিচ্চোনত্ পড়ি এলে সেক্কে ভবিচ্চদে কি অবঅ সে কধাগান চিন্তে গোজ্যস্। যিবে গুমুরো বিষয়ে ফগদাং গরে তে তরে দেগেই দিয়্যে কি ঘুদিবো।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

দানিয়েল 8:25

তার চালাগিত্তে তে ছলনা গুরিনে সফলতা লাভ গুরিবো আর নিজোরে বেগত্তুন্ দাঙর্ মনে গুরিবো। মান্‌‌জ্যে যেক্কে নিজোরে নিরাপদ মনে গুরিবাক্ সেক্কে তে ভালোক্কুনোরে ভস্ত গুরিবো আর শাজন্‌গুরিয়্যেগুনোর আজল্লো বিরুদ্ধে থিয়্যেব। যেরেদি তে ভস্ত অবঅ, মাত্তর্ মান্‌‌জ্যর বল্লোই নয়।

হগয় 2:22

মুই নানান্ জাদর্ রাজাগুনোর সিংহাসনানি উল্ল্যেই দিম আর তারার্ খেমতাগানি ভস্ত গুরি দিম। মুই রথ আর সেই চালেয়্যেগুনোরে উল্ল্যেই ফেলেই দিম; ঘোড়া আর ঘোড়া মাউট্টুন পত্তিজনে তা ভেইয়ুনোর লাম্বা ছুরিলোই মুরিবাক্।

সখরিয় 12:3

সেদিন্যে যেক্কে বেক্ জাদে যিরূশালেম বিরুদ্ধে এগত্তর্ অবাক্ সেক্কে মুই তারে বেক্ জাদ্‌‌‌‌‌তুনোত্তে এক্কো গুয়োর্ পাত্তর ধোক্ক্যেন্ গুরিম। যিগুনে সেই পাত্তর্‌‌‌‌‌বোরে তুলিবাত্তে চেট্ট্যা গুরিবাক্ তারা নিজে আঘাত্ পেবাক্।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মথি লেখ্যে গম্ হবর্ 21:24

যীশু তারারে কলঅ, “মুইয়ো তমারে এক্কান্ কধা পুযোর্ গুরিম। তুমি যুনি মরে সিয়েনর্ জোব্ দি পারঅ সালে মুইয়ো তমারে কোম্ মুই কন্ অধিকারে ইয়েনি গরঙর্।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

লূকে লেখ্যে গম্ হবর্ 17:20

কয়েক্কো ফরীশী যীশুরে পুযোর্ গুরিলাক্ কক্কে গোজেন রেজ্যগান্ এবঅ। জোবত্ যীশু কলঅ, “গোজেন রেজ্যগান্ এবার্ অক্তত্ কনঅ চিহ্নো দেগা ন-যায়।

দ্বি’লম্বর বিররণ 10:17

তমা গোজেন লগেপ্রভু বেগ্‌ দেব-দেবেদাগুনো উগুরে আর তে প্রভুগুনোর্‌ প্রভু। তে দাঙর্‌, খেমতাবলা আর ভোক্তিপূর্ণ দর্‌ জাগেয়্যে গোজেন। তে কারঅ পক্ষ ন-নেযায় আর ঘুষঅ ন-খায়।

ফগদাং পেইয়্যে 1:19

ইয়েনত্যে তুই যিয়েনি দেগিলে, যিয়েনি ইক্কিনে ঘদের্ আর ইয়েনির্ পরেদি যিয়েনি ঘুদিবো সিয়েনি লিগি থঅ।

ফগদাং পেইয়্যে 19:17

যেরেদি মুই এক্কো স্বর্গদূতোরে বেলান ভিদিরে থিয়্যেই থাগদে দেগিলুং। যিদুক্কুন পেগে আগাজত্ উত্ত্যন্ তে তারারে বেক্কুনোরে জোরে রঅ ছাড়িনে কলঅ, “এজঅ, গোজেনর্ দাঙর্ হানাগান হেবাত্যে এক সমারে এগত্তর্ অ,

ফগদাং পেইয়্যে 4:1

ইয়েন পরেদি মুই স্বর্গর এক্কান দুয়োর্ খুলো দেগিলুং। তূরী আবাজ ধোক্ক্যেন যিবের্ মুয়ো রবুয়ো আগেদি মুই শুন্ন্যং তে মরে কলঅ, “তুই ইধু উদি আয়। ইয়েনর্ পরেদি যিয়েনি হামাক্কায় ঘুদিবাত্যে যার্ সিয়েন মুই তরে দেগেম।”