দানিয়েল 2:26 - Chakma Bible

²⁶ দানিয়েল, যিবেরে বেল্টশৎসর নাঙে ডাগা অদঅ তারে রাজা পুযোর্ গুরিলো, “তুই কি মর্ স্ববনান্ আর সিয়েনর ভেদ্‌তান্ মরে কোই দি পারিবে?”

দানিয়েল 2:26 Iomraidhean Croise

পত্থম 41:15

সেক্কে ফরৌণ যোষেফরে কলঅ, “মুই এক্কান্‌ স্ববন্‌ দেক্কোং, মাত্তর্‌ কনজনে সিয়েনর্‌ অত্তগান্‌ কোই ন পার্‌দন। মুই শুনিলুংগে, তঅ মুজুঙোত্ স্ববন ঘটনাগান্‌ কলে তুই সিয়েনর অত্তগান কোই দি পারস্‌।”

দানিয়েল 1:7

সেই রাজার আজল্ কামগুরিয়্যেবো তারার নূয়ো নাঙ্ রাগেল; তে দানিয়েলরে বেল্টশৎসর, হনানিয়রে শদ্রক, মীশায়েলরে মৈশক আর অসরিয়রে অবেদ্-নগো নাঙ্ দিলো।

দানিয়েল 4:8

যেরেদি দানিয়েলে মঅ মুজুঙোত্ এজানার পরেদি মুই তারে স্ববনান্ কলুং। মঅ দেবেদাবোর নাঙানি অনুসারে তারে বেল্টশৎসর নাঙ্ দিয়্যে অলঅ। তা ভিদিরে সুদ্ধো-সাংগ এমন কিজু আঘে যিয়েনি এ পিত্‌‌থিমীর নয়।

দানিয়েল 5:12

তে দানিয়েল নাঙে এ মানুচ্চোরে বেল্টশৎসর বিলি ডাগিদো। তা ভিদিরে অমকদ গুণ, জ্ঞান, বুদ্ধি, স্ববনর্ ভেদ্‌তানি কোই দিবার খেমতা, গুমুরো কধানি ভাঙি দেনা আর আঘাত্যে ভেজালানি জোব্ দিবার খেমতা দেগা যেইয়্যে। তুই দানিয়েলরে ডাগিনেই আন্; এ লেগাগানর ভেদ্‌তান্ তেয়ই তরে কোই দিবো।”

দানিয়েল 5:16

ইক্কিনে মুই শুনিলুং যে, তুই গুমুরো বিষয়র্ ভেদ্‌তান্ কোই দিদে আর দরমর সমস্যার সমাধান দি পারচ্। তুই যুনি এ লেগাগান পড়িনে মরে সিয়েনর ভেদ্‌তান্ কোই দি পারচ্ সালে তরে বিগুনো রঙ কাবড় উরো অবঅ আর গত্তনাত্ সনার নেগেলেচ্ দিয়্যে অবঅ আর তুই এই রেজ্যর্ তিনজন রাজা ভিদিরে একজনর পোজিশন্ পেবে।”

দানিয়েল 7:1

বাবিল রাজা বেল্‌‌‌শৎসরর রাজাগিরির্ পত্তম্ বজরত্ দানিয়েলে বিচ্চোনত্ পড়িনে ভালোক্কানি স্ববন্ দেগিলো আর তা স্ববনর্ সাপ্তাবোর্ বেপারান্ তে এধোক্ক্যেনগুরি লিগিলো: রেদোত্ স্ববন ভিদিরে মুই দেগিলুং, আগাজর্ চেরান বোইয়্যেরে বড়্ সাগরানরে উলোত্ পালত্ গরের্।

১ শমূয়েল 17:33

শৌল কলঅ, “তুই সেই পলেষ্টীয়বো সমারে কেধোক্ক্যেনগুরি যুদ্ধো গুরিবে? তুই দঅ বানা সেদিন্যের্‌ পূঅ, আর সেই পলেষ্টীয়বো চিগোনত্তুন্‌ ধুরি যোদ্ধা।”