দানিয়েল 2:23 - Chakma Bible

²³ ও মর্ পূরোণি মানুচ্চুনোর গোজেন, মুই তরে ভালেদি জানাং, তরে বাঈনী গরং, কিত্যে তুই মরে জ্ঞান আর খেমতা দুয়োচ্; আমি তইদু যিয়েনি জানিবাত্তে চেইয়্যেই সিয়েনি তুই মরে জানেয়োচ্; রাজার স্ববন বিষয়ে তুই আমারে জানেয়োচ্।”

দানিয়েল 2:23 Iomraidhean Croise

পত্থম 18:17

পরেদি লগেপ্রভু কলঅ, “মুই যিয়েনি গুরিবাত্তে যাঙর্‌ সিয়েনি কি অব্রাহামত্তুন্‌ লুগেম্‌?

পত্থম 31:42

মর্‌ বাবর্‌ গোজেন, যিবে অব্রাহামর গোজেন আর ইস্‌হাকর্‌ ভক্তির গোজেন, তে যুদি মর্‌ লগে ন-থেদঅ সালে হামাক্কায়্‌ তুই‌ ইক্কিনে মরে সুদো আদে বিদেয়্‌ গুরিদে। গোজেনে মর্‌ দুঘ্ আর দুঘোত্ কাম্‌গরানাগানি দেক্ক্যে। সেনত্তে তে গেল্যে রেদোত্‌ ইয়েনর্‌ দোল-বিচের্‌ গোজ্যে।”

১ রাজাবলী 18:36

বেইল্যে বেইল্যে উৎসর্বর সময়ানত্‌ ভাববাদী এলিয় মুজুঙোত্‌ উজেই এইনে তবনা গুরিলো, “ও লগেপ্রভু, অব্রাহাম, ইসহাক আর ইস্রায়েলর গোজেন, এচ্ছ্যে তুই জানেই দে, ইস্রায়েলর ভিদিরে তুয়ই গোজেন আর মুই তঅ চাগর্‌, আর তঅ উগুমে মুই ইয়েনি গোজ্যং।

১ রাজাবলী 8:57

আমা গোজেন লগেপ্রভু যেধোক্ক্যেন আমা পূরোণি মানুচ্চুনোর সমারে এলঅ সেধোক্কেন্‌ তে আমা সমারেয়ো থোগ্। তে যেনে কনদিনঅ আমারে ছাড়ি ন-যায় বা ছাড়ি নঅ-দে।

১ বংশধর 29:10

দায়ূদে বেক্‌ মানুচ্চুনো মুজুঙোত্‌ ইয়েন্‌ কোইনে লগেপ্রভুরে বাঈনী গুরিলো, ও লগেপ্রভু, আমা পুরোণি মানুচ্‌ ইস্রায়েলর গোজেন, পুরোণি কালত্তুন্‌ ধুরিনে থুম্‌ ন-ওইয়্যে কাল সং তরে বাঈনী গোরোদোক্‌।

১ বংশধর 29:13

ইক্কিনে, ও আমার গোজেন্‌, আমি তরে ভালেদি জানেই, তরে বাঈনী গুরিনে নাঙ্ গিনিই।

২ বংশধর 20:6

ও লগেপ্রভু, আমা পূরোণি মানুচ্চুনোর গোজেন, তুই দঅ স্বর্গর গোজেন। তুই বেক্‌ জাদর্‌ রেজ্যগানিরে শাজন্ গুরি থাজ্‌। খেমতা আর বল্‌ তঅ আঢত্‌ আর কনজনে তরে মানা গুরি ন-পারিবাক্‌।

গীতসংহিতা 21:2

তুই তার্ মন আওজ্‌ছান পূরোণ গোজ্যস্, তার্ মুয়ো কধাগান এলাফেলা ন-গরচ্।

গীতসংহিতা 21:4

তে তইদু জিংকানি চেইয়্যে, আর তুই তারে সিয়েন দুয়োচ্; তুই তারে বোউত্ আয়ু দুয়োচ্।

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

গীতসংহিতা 50:14

গোজেন ইদু তর্ ভালেদিগানই তর্ উৎসর্ব ওক্; সেই দাঙর্‌বো ইদু তর্ বেক্ মান্যেগানি পূরোণ গুরি থেচ্।

যাত্রা 3:15

তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

গম্ উপদেজ্ 21:22

জ্ঞানী মান্‌জ্যে খেমতাবলাগুনোর শঅরানি আক্রমন গরে আর যে ঘরান উগুরে তারা নির্ভর গুরিদাক্ সিয়েনে ভস্ত গুরি ফেলায়।

গম্ উপদেজ্ 24:5

জ্ঞানী মান্‌জ্যর বোউত্ খেমতা আঘে, আর বুদ্ধিবলা মানুচ্ নিজোর খেমতা বাড়ায়।

গম্ উপদেজ্ 8:14

সল্লা আর তরিৎ বুদ্ধি মত্তুন্ এজে; মুই বিচেরবুদ্ধি, মুই খেমতা দুয়োং।

উপদেশক 7:19

দশজন শাজন্‌গুরিয়্যে শঅরানরে যেত্তমান্ দরমর গুরিবাক্ জ্ঞানানে এক্কো জ্ঞানী মান্‌জ্যরে তাত্তুনো বেশ্ দরমর গরে।

উপদেশক 9:16

সেনত্তে মুই কলুং, “খেমতাত্তুন্ জ্ঞানান্ গম্,” মাত্তর্ নাঢা মান্‌জ্যর্ জ্ঞানান্ ঈচ্ গরা অয় আর তা কধানি কনজনে ন-শুনোন্।

উপদেশক 9:18

যুদ্ধোর্ আত্যেরানিত্তুন্ জ্ঞানান্ গম্, মাত্তর্ এক্কো পাপী বোউত্ গম্ গম্ কাম বর্‌বাত্ গরে।

যিশাইয় 12:1

সেদিন্যে তুই কবেদে, “ও লগেপ্রভু, মুই তরে বাঈনী গুরিম্, কিত্তে তুই মঅ উগুরে রাগ্‌কান ফগদাং গোজ্যস্;‌ মাত্তর্ ইক্কিনে তঅ রাগ্‌কান থামেয়্যে‌ আর তুই মরে বুঝোর্।

যিরমিয় 33:3

মরে ডাগ্, মুই তরে জোব্ দিম আর এমন মহৎ আর এমন গুমুরো কধা কোম্ যিয়েনি তুই হবর্ ন-পাজ্।

দানিয়েল 1:17

এ চের্‌জন গাবুজ্যেরে নানান্ বাবোত্যে সাহিত্য আর বিদ্যেদি জ্ঞানবান গুরিবার আর বুঝিবার খেমতা দিলো; আর দানিয়েলে নানান্ বাবোত্যে দর্শন আর স্ববন পৌইদ্যেনে বুঝি পারিদো।

দানিয়েল 2:18

তে তারারে কোজোলী গুরিলো যেন তারা সেই হবর্ ন-পেইয়্যে বেপারান্ জানিবাত্তে স্বর্গর গোজেন ইধু দোয়্যে ভিক্ষ্যে চেলঅ, যেনে তে আর তা সমাজ্যেগুন বাবিলোর অন্য সল্লাদিয়্যেগুনো লগে মারা ন-পড়ন্।

আমোষ 3:7

আজলে প্রভু লগেপ্রভু তা চাগর্ ভাববাদীগুনো ইধু তার্ পরিকল্পানগান ফগদাং ন-গুরিনে কিচ্ছু ন-গরে।

মথি লেখ্যে গম্ হবর্ 11:25

সে পরেদি যীশু কলঅ, ও বাবা, তুই স্বর্গ আর পিত্‌থিমীর গিরোজ্। মুই তর্ বাঈনী গরং, কিয়া তুই এই বেক্ বেপারানি জ্ঞানী আর বুদ্ধিবলাগুনোত্তুন্ লুগেই রাগেয়োচ্, মাত্তর্ চিগোন্‌গুরো ধোক্ক্যেন্ মান্‌জ্য ইধু ফগদাং গোজ্যস্।

লূকে লেখ্যে গম্ হবর্ 10:21

সেক্কে যীশু পবিত্র আত্মার্ দিয়্যে হুজিয়ে হুজি ওইনে কলঅ, ও বাবা, তুই স্বর্গ আর পিত্‌থিমীর প্রভু। মুই তর্ বাঈনি গরং, কিয়া তুই ইয়েনি বেক্ বিষয়ানি জ্ঞানী আর বুদ্ধিবলাগুনোত্তুন্ লুগেই রাগেয়োচ্ মাত্তর্ চিগোন্ গুড়ো ধোক্ক্যেন্ মানুচ্চুনো ইধু ফগদাং গোজ্যস্। অয় বাবা, তর্ আওজ্ মজিম্ ইয়েনি ওইয়্যে।

যোহন 11:41

সেক্কে মানুচ্চুনে পাত্তর্‌বো সোরেই দিলাক্। যীশু উগুরেদি রিনি চেইনে কলঅ, “বাবা, তুই মঅ কধাগান্ শুন্যচ্ বিলি মুই তরে ভালেদি জানাঙর্।

যোহন 15:15

মুই তমারে আর চাগর্ ন-কং, কিয়া গিরোজে কি গরে চাগরে সিয়েন্ কোই ন-পারে; বরং মুই তমারে সমাজ্যে কোইয়োং, কিয়া মঅ বাবাত্তুন্ যিয়েনি শুন্ন্যং সিয়েনি তমারে কোইয়োং।

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।

ফগদাং পেইয়্যে 5:5

যেরেদি নেতাগুনোত্তুন্ একজনে মরে কলঅ, “ন-কানিচ্। যিহূদা গুট্টির সিংহ, যিবে দায়ূদো গুট্টি, তে জিত্যে। তেয়ই সেই সাত্‌টো সীলমহ্‌র ভাঙিনে বোইবো মেলি পারে।”