দানিয়েল 2:22 - Chakma Bible

²² তে গভীন্ আর লুগেয়্যে বেপারানি ফগদাং গরে; তে হবর্ পায় আন্ধার ভিদিরে কি আঘে; তা সমারে পহ্‌‌‌‌রানে বজত্তি গরে।

দানিয়েল 2:22 Iomraidhean Croise

পত্থম 41:16

জোবত্‌ যোষেফে ফরৌণরে কলঅ, “সে খেমতাগান মর্‌ নেই। মাত্তর্‌ গোজেনে রাজা বাবুর্ স্ববনর্‌ অত্তগান্‌ কোই দিইনে তা মনান্‌ শান্ত-গুরিবো।”

ইয়োব 12:22

আন্ধারত্‌ লুগেয়্যে বেপারানি তে ফগদাঙ্‌ গরে আর ঘুর্‌ঘুজ্যে ছাবাগানরে পহ্‌রত্‌ আনে।

ইয়োব 26:6

গোজেন মুজুঙোত্ মরণনর্ জাগায়ান নাঢা যেইয়্যে নেই; ভস্ত অবার জাগায়ান খুলো রোইয়্যে।

গীতসংহিতা 104:2

কাবড় ধোক্ক্যেন্ গুরি তুই নিজোরে পহর্ লোই ঢাক্যচ্; দেবাবোরে তুই ছাল ধোক্ক্যেন্ গুরি ছিদি দুয়োচ্।

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

গীতসংহিতা 36:9

তইদু জিংকানির উইফুদ্ আঘে; তর্ পহ্‌‌রে আমি পহ্‌‌র দেগিই।

উপদেশক 8:1

কন্না জ্ঞানী মান্‌জ্য ধোক্ক্যেন্? যিয়েনি ঘদে কন্না সিয়েনির অত্তগান্ বুঝে? জ্ঞানানে মান্‌জ্যর্ মুয়োনি জোল্‌জোল্যে গরে আর তার মু দরগান্ লারেই দি পারে।

যিশাইয় 41:22

তুমি সেই বেক্ যুক্তিগানিলোই এইনে যিয়েনি ঘুদিবো সিয়েনি আমারে কঅ। পুরোণি ঘটনাগানি পৌইদ্যেনে আমারে জানঅ, যেনে আমি সিয়েনি পৌইদ্যেনে ভাবি চেইনে তারার শেজর্ ফলান কি সিয়েনি জানি পারিই; বা কি কি ঘুদিবো সে পৌইদ্যেনে আমাইদু ফগদাং গরঅ।

যিশাইয় 41:26

এ পৌইদ্যেনে কন্না আরাম্ভত্তুন্ ধুরি কোইয়্যে যেনে আমি হবর্ পেই? বা কন্না আগে জানেয়্যে যেনে আমি কোই পারিই, ‘তে ঠিগ্ কধা কোইয়্যে’? কনজনে ন-কন্, কনজনে ন-জানান্, কনজনে তমা কধা কদে ন-শুনোন্।

যিশাইয় 42:9

চাহ্, পুরোণি ঘটনাগানি ঘুদি যেইয়্যে আর ইক্কিনে মুই নুয়ো ঘটনাগানির্ কধা ফগদাং গুরিম; সিয়েনি ঘুদিবার আগেদি তমাইদু সিয়েনি জানাঙর্।”

যিশাইয় 45:7

মুয়ই পহ্‌‌র আর আন্ধারানরে বানেয়োং; মুয়ই ভালেদি আনং আর সর্বনাশ সৃট্টি গরং। মুই লগেপ্রভু ইয়েনি গুরি থাং।

যিরমিয় 23:24

কনজনে কি এমন গুমুরো জাগাত্ লুগেই পারে যিয়েনত্ মুই তারে ন-দেগং? মুই কি স্বর্গ আর পিত্‌‌‌‌থিমীর বেক্ জাগায়ানত্ ন-থাং‌?”

যিরমিয় 33:3

মরে ডাগ্, মুই তরে জোব্ দিম আর এমন মহৎ আর এমন গুমুরো কধা কোম্ যিয়েনি তুই হবর্ ন-পাজ্।

দানিয়েল 2:11

মহারাজে যিয়েন চার্ সিয়েন গরানা অমকদ আগাত্যে। দেবেদাগুনে বাদে আর কনজনে ইয়েন মহারাজ ইধু ফগদাং গুরি ন-পারিবাক্, আর তারা দঅ মান্‌‌জ্য ভিদিরে বজত্তি ন-গরন।”

দানিয়েল 2:19

রেদোত্ এক্কান দর্শনর্ মাধ্যমে সেই হবর্ ন-পেইয়্যে বেপারান্ দানিয়েল ইধু ফগদাং অলঅ। সেক্কে দানিয়েলে স্বর্গর গোজেনরে ভালেদি জানেল।

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

দানিয়েল 5:11

তঅ রেজ্যগান ভিদিরে এক্কো মানুচ্ আঘে যিবে ভিদিরে পবিত্র এমন কিজু আঘে যিয়েনি এ পিত্‌‌‌‌‌‌‌‌‌থিমীর নয়। তঅ আজু নবূখদ্‌‌‌‌‌‌‌‌‌নিৎসর সময়োত্ সেই মানুচ্চুনো ভিদিরে বুঝিবার খেমতা, বুদ্ধি আর দেবেদাগুনো ধোক্ক্যেন জ্ঞান দেগা যেইয়্যে। তঅ আজু রাজা নবূখদ্‌‌‌‌‌‌‌‌‌নিৎসরে তারে যাদুকর, ভূদো ওঝা, জ্যোতিষী আর গোণোক্ক্যেগুনোর আজল্ ইজেবে নেযেয়্যে।

দানিয়েল 5:14

মুই শুন্যং তঅ ভিদিরে এমন কিজু আঘে যিয়েনি এ পিত্‌‌থিমীর নয়, আর তঅ ভিদিরে বুঝিবার খেমতা, বুদ্ধি আর বিশেষ জ্ঞান আঘে।

মথি লেখ্যে গম্ হবর্ 13:13

সেনত্তে মুই হিত্ত্যলোই তারা ইধু কধা কং, কিয়া তারা দেগিনেয়ো ন-দেগন্, শুনিনেয়ো ন-শুনোন্ বা ন-বুঝোন্।

যোহন 1:9

তেয়ই আঝল্ পহ্‌র, যে পত্তি মান্‌জ্যরে পহ্‌র দান গরে, তে পিত্‌থিমীত্ এজের্।

যোহন 21:17

পরেদি তে তিনবার্ শিমোন-পিতররে কলঅ, “যোহনর্ পুয়ো শিমোন, ঘেচ্চ্যেক্‌গুরি কি মুই তর্ পরাণর্?” পিতরে এবার্ মনত্ দুঘ্ পেলঅ, কিয়া যীশু এই তিনবার্ তারে পুযোর্ গুরিলো, “মুই কি ঘেচ্চ্যেক্‌গুরি তর্ পরাণর্?” ইয়েনত্যে পিতর যীশুরে কলঅ, “প্রভু, তুই বেক্কানি হবর্ পাজ্; তুই দঅ হবর্ পাজ্, তুই মর্ ভারী পরাণর্।” যীশু তারে কলঅ, “মঅ ভেড়াগুনোরে চরা।

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

ইফিষীয় 3:5

সেই গুমুরো উদ্দেচ্চ্যগান পবিত্র আত্মালোই ইক্কিনে যেবাবোত্যেগুরি তার্ পবিত্র প্রচারক আর ভাববাদীগুনো ইধু ফগদাং ওইয়্যে, আগদি বেক্‌ যুগোর্ মানুচ্চুনো ইধু সেবাবোত্যেগুরি ফগদাং ন-অয়।

দ্বি’লম্বর বিররণ 29:28

জদবদে রাগ্‌কোই, অমকদ জ্বলেদে রাগ্‌কোই, তে দেজত্তুন্‌ তারারে তুলি নেযেইনে অন্য দেজত্‌ ছিদিনে ফেলেই দিয়্যে, আর্‌ এজঅ তারা সিয়োদোই আগন্‌।

১ তীমথিয় 6:16

বানা গোজেনে মরণর্ অধীন নয়। তে এমন্‌ পহ্‌রত বজত্তি গরে যিয়েনত্ কনঅ মানুচ্‌ যেই ন-পারে। কনঅ মানুচ্‌ কনদিন্‌‌অ তারে নয়ো দেগন, নয়ো দেগিবাক্। সর্মান আর খেমতা উমরত্যে তার্। আমেন।

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

১ যোহন 1:5

আমি যে কধাগান যীশু খ্রীষ্টত্তুন্ শুনিনে তমারে জানের্ সিয়েন অলঅ গোজেন পহ্‌রান; সিয়েন ভিদিরে আন্ধার্ বিলিনে কিচ্চু নেই।