দানিয়েল 2:20 - Chakma Bible

²⁰ তে কলঅ, “গোজেনে উমরত্যে সাধুবাদ্ পোক্; জ্ঞান আর খেমতা তার।

দানিয়েল 2:20 Iomraidhean Croise

পত্থম 14:20

যিবে তঅ শত্রুগুনোরে তঅ আঢত্‌ দিলো সেই দাঙর্‌ গোজেনরে বাঈনী গরা ওক্।” সেক্কে অব্রামে তার উদ্ধোর গোজ্যে পযাপিরানির দশভাগর একভাগ মল্কীষেদকরে দিলো।

১ রাজাবলী 8:56

“ধন্য লগেপ্রভু, যিবে তার শমক্ অনুসারে তা মানুচ্‌ ইস্রায়েলীয়গুনোরে জিরেবাত্তে দিয়্যে। তা চাগর্‌ মোশিরে দিইনে তে যেদক্কানি ভালেদি গুরিবার শমক্ গোজ্যে তার এক্কান কধায়ো তে বাদ নঅ-দে।

১ বংশধর 29:20

পরেন্দি দায়ূদে বেক্‌ মানুচ্চুনোরে কলঅ, “তুমি তমা গোজেন লগেপ্রভুরে বাঈনী গরঅ।” সেক্কে তারা বেক্কুনে তারার্‌ পূরোণি মানুচ্চুনোর গোজেন লগেপ্রভুরে বাঈনী গুরিলাক্‌ আর লগেপ্রভু আর রাজার নাঙে মাদা নিগিরিনে জু জু জানেলাক্‌।

২ বংশধর 20:21

যিহোশাফটে মানুচ্চুনো লগে সল্লা গুরিনে লগেপ্রভুর নাঙে গান্‌ আর তার্‌ মহিমাবলা পবিত্রগানর বাঈনী গুরিবাত্তে মানুচ্চুনোরে নেযেল যেনে তারা সৈন্যদলুনোর আগে আগে এ কধাগান কোই কোই যান্‌, “লগেপ্রভুরে ভালেদি জানঅ, কিত্তে তার্‌ কোচ্‌পানাগান উমরত্তে থিদেবর্ গোজ্যে।”

নহিমিয় 9:5

পরেন্দি লেবীয়গুনো ভিদিরেত্তুন্‌ যেশূয়, কদ্‌মীয়েল, বানি, হশব্‌নিয়, শেরেবিয়, হোদিয়, শবনিয় আর পথাহিয় কলদে, “তুমি উদিনে তমার্‌ গোজেন্‌ লগেপ্রভুর বাঈনী গরঅ, যিবে পুরোণিকালত্তুন্‌ ধুরিনে জীংকানিবর্‌ আঘে।” সে পরেন্দি তারা ইয়েন্‌ কোইনে তবনা গুরিলাক্‌, ও লগেপ্রভু, তর্‌ মহিমাবলা নাঙর্‌ বাঈনী ওক্‌; আমার্‌ দিয়্যে বেক্‌ ভালেদিগানি আর নাঙ্ গিনেনাত্তুন্‌ তুই দাঙর্।

ইয়োব 12:13

মাত্তর্‌ জ্ঞান্‌ আর বলান্‌ গোজেনর; সল্লা আর বুদ্ধি তার্‌।

গীতসংহিতা 113:1

লগেপ্রভুরে নাঙ্ গিনে ওক্। ও লগেপ্রভুর চাগরুন্, বাঈনী গরঅ; লগেপ্রভুরে বাঈনী গরঅ।

গীতসংহিতা 113:2

লগেপ্রভুর নাঙান্ ধন্য ওক্, ইক্কিনে আর উমর সং ওক্।

গীতসংহিতা 115:18

মাত্তর্ আমি লগেপ্রভুরে বাঈনী গুরিবোং, বাঈনী গুরিবোং ইক্কিনেত্তুন ধুরি উমর সং। লগেপ্রভুরে নাঙ্ গিনে ওক্।

গীতসংহিতা 147:5

আমা গোজেনে দাঙর্, তার খেমতা বজমান্; তা জ্ঞান-বুদ্ধির শেজ্ নেইয়্যে।

গীতসংহিতা 41:13

পৌইল্যাত্তুন ধুরি থুম্ সং ইস্রায়েলর গোজেন লগেপ্রভুর বাঈনী ওক্। আমেন, আমেন।

গীতসংহিতা 50:23

যিবের জিংকানিত্ ভালেদিগানই অলঅ তার উৎসর্ব তেয়ই মরে সর্মান গরে; যে মঅ পধেন্দি আঢে তারে মুই উদ্ধোর গুরিম।”

গীতসংহিতা 62:11

বেক্ বলান গোজেনর আঢত্- এ কধাগান তে ভালোক্‌বার কোইয়্যে, আর মুইয়ো সিয়েন ভালোক্‌বার শুন্যং।

গম্ উপদেজ্ 8:14

সল্লা আর তরিৎ বুদ্ধি মত্তুন্ এজে; মুই বিচেরবুদ্ধি, মুই খেমতা দুয়োং।

যিরমিয় 32:19

তর্ উদ্দশ্যগান দাঙর্ আর তর্ বেক কামানি খেমতাবলা। মান্‌‌জ্যর বেক চালচলনর্ ইন্দি তঅ চোগ্‌‌‌‌কুন খুলো রাগেয়োচ্; তুই পত্তিজনরে তার চালচলনর্ আর কামর্ ফল দি থাচ্।

যিহিষ্কেল 28:3

তুই দঅ দানিয়েলত্তুন্‌অ বেশ্ জ্ঞানী; বেক্ গুমুরো বিষয়ানি তর্ জানা আঘে।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।

ফগদাং পেইয়্যে 5:12

তারা জোরে জোরে এ কধাগান কদন্: “যে ভেড়া-ছবোরে মারে ফেলা ওইয়্যে, তেয়ই খেমতা, ধন, জ্ঞান, বল্, সম্মান, বাঈনী আর নাঙ্ গিনে হেবার যোগ্য।”