দানিয়েল 2:14 - Chakma Bible

¹⁴ রাজার বডিগাত্তুনোর্ সেনাপতি অরিয়োকে যেক্কে সেই সল্লাদিয়্যেগুনোরে মারে ফেলেবাত্তে নিগিলিলো সেক্কে দানিয়েলে বুদ্ধি গুরি উজিয়ারে তা লগে কধা কলঅ।

দানিয়েল 2:14 Iomraidhean Croise

পত্থম 37:36

ইন্দি মিদিয়নীয়গুনে যোষেফরে মিসরত্‌ নেযেইনে পোটীফর ইধু বিজি দিলাক্। পোটীফরে এলঅ ফরৌণর এক্কো চাগর, তা সৈন্যগুনোর্‌ বেগঅ নেতাবো।

যিরমিয় 39:9

সে অক্তত্ যিগুনে শঅরত্ থেলাক্, যিগুনে বাবিলর্ তপ্পে যেইয়োন আর দেজর্ বাদ্‌বাগি মানুচ্চুনোরে বাবিল রাজার চুগিদারুনোর সেনাপতি নবূষরদনে বন্দী গুরিনে বাবিলত্ নেযেল।

যিরমিয় 52:12

বাবিল রাজা নবূখদ্‌নিৎসরর রাজাগিরির্ ঊনেশ্ বজরর্ পাচ্ মাজর্ দশ দিনোত্ রাজা রোক্ষিদলর্ সেনাপতি ইজেবে যিবে রাজারে সেবা গুরিদো সেই নবূষরদনে যিরূশালেমত্ এলঅ।

যিরমিয় 52:14

রাজার রোক্ষিদলর্ সেনাপতিবোর্ তলেদি বাবিলীয় বেক্ সৈন্যদলুনে যিরূশালেমর দেবালান ভাঙি ফেলেলাক্।

দানিয়েল 2:15

তে সেই সেনাপতিবোরে পুযোর্ গুরিলো, “মহারাজে এ দর্‌গরেপারা উগুমান কিত্তে দিয়্যে?” সেক্কে অরিয়োকে বেপারান দানিয়েল ইধু বুঝেইনে কলঅ। ‌‌‌‌‌

দানিয়েল 2:24

যেরেদি দানিয়েলে অরিয়োক ইধু গেলঅ। রাজা অরিয়োকরে তার সল্লাদিয়্যেগুনোরে মারে ফেলেবাত্তে বেঈ লোইয়্যে। দানিয়েলে অরিয়োকরে কলঅ, “রাজার সল্লাদিয়্যেগুনোরে মারে ন-ফেলেবে। মরে রাজা ইধু নেযা; মুই রাজার্ স্ববনর্ ভেদ্‌তান্ কোম।”